Հա
Երեքշաբթի, 14 Փետրւարի 2017 10:10

Սկանդալ Պոլսոյ հայոց պատրիարքարանում

Պոլսոյ հայոց պատրիարքարանի հոգեւոր խորհրդի առաջնորդ, եպիսկոպոս Սահակ Մաշալեանը արք․ Արամ Աթեշեանի ցուցաբերած պահւածքի պատճառով հրաժարական է տւել։

Եպիսկոպոս Մաշալեանը հրաժարական է տւել

 

«ԱԼԻՔ» - Պոլսոյ հայոց պատրիարքարանի հոգեւոր խորհրդի առաջնորդ, եպիսկոպոս Սահակ Մաշալեանը արք․ Արամ Աթեշեանի ցուցաբերած պահւածքի պատճառով հրաժարական է տւել։

Ինչպէս տեղեկացնում է «news.am»-ը՝ վկայակոչելով «Ակօս»-ին, եպիսկոպոս Սահակ Մաշալեանն իր հրաժարականի մասին գրաւոր յայտարարութիւն է տարածել, որում նշել է, թէ այդ քայլին է գնում Պոլսոյ հայոց պատրիարքարանի ընդհանուր փոխանորդ, Արամ արք․ Աթեշեանի ցուցաբերած պահւածքի պատճառով։

Սահակ Մաշալեանն իր յայտարարութեան մէջ մեղադրել է Արամ արք․ Աթեշեանին՝ ժամանակին պատրիարքի տեղապահի ընտրութիւնը արգելելու, ինչպէս նաեւ այս տարւայ Սուրբ Ծնունդին հաւատացեալներին տւած խոստումը դրժելու մէջ։ Մաշալեանը շեշտել է, թէ Արամ արք. Աթեշեանը խոստացել էր պատրիարքի ընտրութիւնների համար դիմել նահանգապետարան, սակայն վերջին պահին ասում է, որ չի դիմելու, քանի որ հայ համայնքից Պետրոս Շիրինօղլուին Էրդողանն ասել է, թէ պէտք է սպասել հանրաքւէի ընտրութիւններից յետոյ։

Եպիոսկոպոս Մաշալեանը յիշեցրել է, որ հայ եկեղեցու 1717 տարւայ պատմութեան մէջ երբեք այսքան երկար ժամանակ առանց պատրիարք կամ առանց կաթողիկոս ժամանակշրջան չի եղել, իսկ այս պահին արք․ Արամ Աթեշեանի պատճառով այդ ամէնը տեղի է ունենում։

Իր յայտարարութեան վերջին մասում Մաշալեանը նշել է, որ հրաժարական է տալիս Պոլսոյ պատրիարքարանի հոգեւոր խորհրդի առաջնորդի պաշտօնից, Յովակիմ 1461 հիմնադրամի երկրորդ նախագահի պաշտօնից ու յանում իր թեկնածութիւնը պատրիարքի ընտրութիւններում։

«Մի հոգու հաճոյքների համար ամէն տեսակ արտօնութիւններ տւող հիմադրամների ղեկավարներին, եկեղեցու ու համայնքի խնդիրները բանի տեղ չդնող ժողովրդի համար արդէն չեմ ուզում ծառայել։ Լքում եմ քաղաքը։

Հոգեւորականներ, առաջնորդներ եւ ժողովուրդ, ինձ միայնակ թողեցիք։ Սա պարտութեան ճիչ է։ Բայց ոչ միայն ես եմ պարտւել, այլ դուք էլ էք պարտւել։ Եւ կրկին մի հոգի է յաղթել։ Աստւած օգնական»,- գրել է եպիոսկոպոս Սահակ Մաշալեանը։

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։