Հա
Չորեքշաբթի, 05 Ապրիլի 2017 10:50

Լիբանանահայ նախարարը պատասխանել է համացանցի օգտատերերի քննադատութեանը

Լիբանանի զբօսաշրջութեան նախարար Աւետիս Կիտանեանը պատասխանել է իր հասցէին համացանցում տարածւած քննադատութեանը սկանդալային հեռուստաշոուից յետոյ, որի ընթացքում նա նշել է, որ եթէ ընտրութիւն կատարէր Լիբանանի ու Հայաստանի միջեւ՝ Հայաստանը կընտրէր։

«alikonline.ir» - Լիբանանի զբօսաշրջութեան նախարար Աւետիս Կիտանեանը պատասխանել է իր հասցէին համացանցում տարածւած քննադատութեանը սկանդալային հեռուստաշոուից յետոյ, որի ընթացքում նա նշել է, որ եթէ ընտրութիւն կատարէր Լիբանանի ու Հայաստանի միջեւ՝ Հայաստանը կընտրէր։ Տեղեկացնում է «alikonline.ir»-ը:

Չնայած հեռուստաշոուի ժամանակ դահլիճում ներկաները այդ պատասխանից յետոյ սկսել էին ծափահարել, բայց նախարարը յայտնւել էր քննադատութիւնների թիրախում, յայտնում է «the961.com» կայքը։ Որոշ լիբանանցիներ նոյնիսկ նրա հրաժարականն են պահանջել։

«Եկէք պարզաբանենք ՝ ես լիբանանցի եմ հայկական արմատներով։ Լիբանանն իմ հայրենիքն է»,- ասել է նախարարը։

Աւետիս Կիտանեանին նաեւ քննադատել են թուրքերի հասցէին նրա ասածների համար։ «Ես երբեք առաջ չեմ մղի որեւէ բան, որը Թուրքիային է վերաբերում, լինի դա ապրանք, թէ յարաբերութիւններ։ Ես չեմ կարող թուրքերին արգելել Լիբանան գալ, սակայն չեմ ուզում նրանց ողջունել օդանաւակայանում»,- յայտնել է նա։

Յիշեցնենք, որ լիբանանեան հեռուստաշոուներից մէկի ժամանակ Կիտանեանին առաջարկել են ընտրութիւն կատարել Հայաստանի ու Լիբանանի միջեւ։ Նա առանց երկմտելու պատասխանել է․ «Հայաստանը»։

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։