Հա
Կիրակի, 09 Յուլիսի 2017 11:10

Ն.Ս.Օ.Տ.Տ. Արամ Ա կաթողիկոս. «Հայու ինքնութեան պահպանումը Սփիւռքի մէջ լուրջ մարտահրաւէր մըն է»

Համահայկական այս լուրջ մտահոգութենէն մեկնած, Ն.Ս.Օ.Տ.Տ. Արամ Ա կաթողիկոս իր շուրջ հրաւիրեց աւելի քան երեսուն, սփիւռքի զանազան գաղութներէն զանազան մասնագիտութեան տէր տարբեր սեռի ու տարիքի պատկանող տարբեր փորձառութիւններ ունեցող ազգայիններ, միասնաբար մտածելու, խորհրդակցելու ու քննելու սփիւռքի հայուն ինքնահասկացողութիւնը, զինք շրջապատող պայմաններու ու տագնապներու դիմաց:

Անթիլիաս - Համահայկական այս լուրջ մտահոգութենէն մեկնած, Ն.Ս.Օ.Տ.Տ. Արամ Ա կաթողիկոս իր շուրջ հրաւիրեց աւելի քան երեսուն, սփիւռքի զանազան գաղութներէն զանազան մասնագիտութեան տէր տարբեր սեռի ու տարիքի պատկանող տարբեր փորձառութիւններ ունեցող ազգայիններ, միասնաբար մտածելու, խորհրդակցելու ու քննելու սփիւռքի հայուն ինքնահասկացողութիւնը, զինք շրջապատող պայմաններու ու տագնապներու դիմաց: 

Այս կացութեան մասին խօսելով, Վեհափառ Հայրապետը ըսաւ. «Հեռու պէտք է մնալ յաճախ մակերեսային, մասնակի ու ժամանակաւոր հարցերէն ու պէտք է միասնաբար մտածենք մեր ազգը ու հայրենիքը դիմագրաւող լուրջ մարտահրաւէրներուն մասին: Սփիւռքի մէջ հայու ինքնութիւնը նահանջի մէջ է եւ հայու ինքնութիւնը պաշտպանելու կոչուած մեր կառոյցները ներկայ աշխարհի տագնապներուն դիմաց սկսած են կորսնցնել իրենց ուժականութիւնը: Այս կացութեան դիմաց չենք կրնար անտարբեր մնալ»: 

Յիշեալ հաւաքը պիտի սկսի յառաջիկայ երեքշաբթի (յուլիսի 11-ԽՄԲ.) եւ պիտի երկարի երեք օրերու վրայ՝ Պիքֆայայի Ս. Աստուածածին վանքէն ներս: Սոյն հաւաքին Վեհափառ Հայրապետը իր պատգամը պիտի ուղղէ, լայն օրէն պարզելով հայու ինքնութեան առնչուած խնդիրները եւ այս ուղղութեամբ պիտի ներկայացնէ իր առաջարկները: Բացման նիստին խօսք պիտի առնեն նաեւ Հայաստանի Հանրապետութեան Սփիւռքի նախարար տիկին Հրանուշ Յակոբեան եւ հանրածանօթ պատմաբան Երուանդ Փամպուքեան: 

Հաւաքին իրենց մասնակցութիւնը պիտի բերեն նաեւ Հայաստանէն ժամանած հինգ մտաւորականներ:

 

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։