Հա
24/08/2017 - 12:40

Հայաստանն ու Չինաստանը քննարկում են ուղիղ աւիաչւերթ ունենալու հարցը

ՀՀ կառավարութեանն առընթեր քաղաքացիական աւիացիայի գլխաւոր վարչութեան պետ Սերգէյ Աւետիսեանն աշնանը կայցելի Չինաստան:

«alikonline.ir» - ՀՀ կառավարութեանն առընթեր քաղաքացիական աւիացիայի գլխաւոր վարչութեան պետ Սերգէյ Աւետիսեանն աշնանը կայցելի Չինաստան: Այցի շրջանակներում հնարաւոր է ստորագրւի «Հայաստանի Հանրապետութեան կառավարութեան եւ Չինաստանի Ժողովրդական Հանրապետութեան կառավարութեան միջեւ օդային հաղորդակցութիւնների մասին» համաձայնագիրը եւ կքննարկւեն դէպի ՀՀ եւ հակառակ ուղղութեամբ հնարաւոր ուղիղ չւերթների իրականացմանը մանրամասները: Այս մասին «Արմէնպրես»-ի հետ զրոյցում ասաց ՔԱԳՎ մամուլի քարտուղար Սաթենիկ Յովհաննիսեանը, յաւելելով, որ Սերգէյ Աւետիսեանի հրաւէրով Հայաստանի Հանրապետութիւն էր ժամանել Չինաստանի Ժողովրդական Հանրապետութեան քաղաքացիական աւիացիայի վարչակազմի պետի տեղակալ Վանգ Ճիցինգի գլխաւորած բարձրաստիճան պատւիրակութիւնը:

Այցի շրջանակներում նախաստորագրւել է «Հայաստանի Հանրապետութեան կառավարութեան եւ Չինաստանի Ժողովրդական Հանրապետութեան կառավարութեան միջեւ օդային հաղորդակցութիւնների մասին» համաձայնագիրը եւ ստորագրւվել երկու պետութիւնների աւիացիոն իշխանութիւնների միջեւ փոխըմբռնման յուշագիրը:

Այցի շրջանակներում հայկական պատւիրակութիւնը ՔԱԳՎ պետ Սերգէյ Աւետիսեանի գլխաւորութեամբ, ստացել է հրաւէր՝ մեկնելու Չինաստան՝ չինական աւիաընկերութիւնների ներկայացուցիչների հետ հանդիպելու:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։