Հա
Չորեքշաբթի, 27 Սեպտեմբերի 2017 08:30

Սկաուտական վերակենդանացած յուշեր

«Սկաուտութիւնը եղբայրութիւն է»,- ասում է պատանի տարիքում հայկական սկաուտութեանն անդամակցած, ծնունդով Լիբանանից, բայց Ղամիշլիում մեծացած Կարապետ Գասպարեանը՝ նայելով ձեռքում պահած հին լուսանկարներին:

«alikonline.ir»- «Սկաուտութիւնը եղբայրութիւն է»,- ասում է պատանի տարիքում հայկական սկաուտութեանն անդամակցած, ծնունդով Լիբանանից, բայց Ղամիշլիում մեծացած Կարապետ Գասպարեանը՝ նայելով ձեռքում պահած հին լուսանկարներին: Գրում է «yerkir.am»-ը:

Յիշում է ընկերներին (կազմակերպութիւնում ասում են` եղբայրներ), որոնցից շատերի մասին այլեւս խօսում է անցեալով… 

«Բարձրացիր, բարձրացո՛ւր»` հայ սկաուտի նշանաբանին հաւատարիմ Կարապետը ցաւով է յիշում 1962-ական թւականները, երբ Ղամիշլիից, Հալէպից, Լաթաքիայից եւ այլ շրջաններից հաւաքել ու բանտարկել էին դաշնակցականներին, որոնք հայ սկաուտութեան ակնառու ղեկավարներ էին:

«Իբրեւ թէ դաշնակցականները հրէական կամ անգլիական լրտեսներ եղած են, բայց սուտ է՝ Դաշնակցութիւնը կապ մը չունէր անոնց հետ. ան մաքուր հայկական կուսակցութիւն էր: Կազմակերպութիւնը երկար ժամանակ փակ մնաց, իսկ դրա գործունէութիւնը կասեցուցին»,- պատմում է Կարապետը եւ միջանկեալ նշում. «Ես երդւեալ դաշնակցական չեմ, քանի որ ես արժանի չեմ ատոր, բայց իմ հոգիս դաշնակցական է»:

Նա մինչ օրս պահում է իր սկաուտական համազգեստը: Չէ՞ որ այն նոյնքան արժէքաւոր է, որքան հին լուսանկարները, որոնք, ըստ նրա, բարի նպատակի պիտի ծառայեն: «Ես ասոնք կը պահեմ, որ օր մը գտնեմ իմ հին ընկերներուս: Գիտեմ՝ դժւար է, բայց… »,- եզրափակում է խօսքն ու ինքնամոռաց շարունակում տնտղել լուսանկարների տրցակը:

Դրանք արւած են 1960-ականներին՝ կազմակերպութեան գործունէութեան կասեցումից առաջ: Եւրոպայում բնակւող պարոն Գասպարեանն իր լուսանկարների արխիւը ներկայացրեց «yerkir.am»-ին՝ հին ընկերներին գտնելու մեծ ակնկալիքով:

Related items

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ