Հա
15/10/2017 - 09:00

ՀՅԴ թեկնածուները նշանակւել են Լիբանանի տնտեսական-ընկերային խորհուրդի անդամներ

ՀՅԴ թեկնածուները նշանակւել են Լիբանանի տնտեսական-ընկերային խորհրդի անդամներ:

«alikonline.ir» - ՀՅԴ թեկնածուները նշանակւել են Լիբանանի տնտեսական-ընկերային խորհրդի անդամներ: Ստորեւ ներկայացնում ենք այս կապակցութեամբ մեր գործընկեր «Ազդակ» օրաթերթի ռեպորտաժը:

Կառավարութիւնը հոկտեմբեր 12-ին վարչապետարանին մէջ գումարեց իր ընթացիկ նիստը` նախագահութեամբ վարչապետ Սաատ Հարիրիի:

Նիստին ընթացքին քննարկուեցաւ 52 կէտերէ բաղկացող օրակարգ մը, որուն շրջագիծին մէջ նշանակուեցան Տնտեսական-ընկերային խորհուրդի անդամները, որոնցմէ երկուքը` ՀՅԴ-ի թեկնածուներ դոկտ. Նորա Պայրագտարեան-Գապաքեանն ու Լուիզա Պապոյեան-Ազեզեանը:

70 անդամներէ բաղկացող խորհուրդին 12-ը կիներ են, որոնց շարքին է նաեւ Յասմիկ Տանձիկեան-Խուրի: Նշենք, որ հայ համայնքը առաջին անգամ ըլլալով երեք հոգիով կը ներկայացուի այս խորհուրդին մէջ:

Տեղեկատուութեան նախարար Մըլհեմ Ռիաշի յայտնեց, որ նիստին ընթացքին վարչապետ Հարիրի շեշտած է, թէ ներկայիս երկիրը տնտեսական փուլին մէջ կը գտնուի: Ռիաշի նշեց, որ Հարիրի ընդգծած է, թէ իրենք մտահոգ են տնտեսական եւ ապրուստի բեռով` աւելցնելով, որ Տնտեսական-ընկերային խորհուրդը պիտի ըլլայ առիթ մը, որ լիբանանեան ընկերութիւնը կազմող բոլոր շերտերէն ներկայացուցիչներ հանդիպին, խորհրդակցին ու քննարկեն իրենց տեսակէտները:

«Հարիրի աւելցուց նաեւ, որ խորհուրդը պիտի ընտրէ իր դիւանը` նախագահով ու փոխնախագահով, իսկ կառավարութիւնը պիտի նշանակէ խորհուրդին ընդհանուր տնօրէնը, որպէսզի պատասխանատուութիւնը ըլլայ միացեալ: Հարիրի մաղթեց, որ այս խորհուրդին աշխատանքը վերածուի կառավարութեան եւ քաղաքական ուժերուն միջեւ լուրջ եւ արդիւնաւէտ գործակցութեան», ըսաւ Ռիաշի:

Ռիաշի նշեց նաեւ, որ կառավարութիւնը վաւերացուցած է երեսփոխանական ընտրութիւնները ֆինանսաւորելու վերաբերող կէտը, ինչպէս նաեւ որոշած է հնութիւնները պահպանել:

Ռիաշի յայտնեց նաեւ, որ կառավարութիւնը BUS եւ KVA ելեկտրական հոսանքի ծառայութիւններ մատուցող ընկերութիւններուն աշխատանքը երկարաձգած է մինչեւ 31 դեկտեմբեր 2021:

Ռիաշի անդրադարձաւ նաեւ Պետական պատկերասփիւռի կայանի տնօրէն մը նշանակելու թղթածրարին: «Վարչապետ Հարիրի շեշտեց, որ երեք ամիսէ ի վեր կառավարութեան օրակարգին վրայ գտնուող այս կէտը պիտի քննարկուի կառավարութեան յաջորդ նիստին ընթացքին», ըսաւ ան:

Կառավարութեան յաջորդ նիստին մասին հարցումի մը պատասխանելով` Ռիաշի նշեց, որ այդ նիստը պիտի որոշուի խորհրդարանի լիագումար նիստերուն հիման վրայ:

Դոկտ. Նորա Պայրագտարեան-Գապաքեան

Դոկտ. Նորա Պայրագտարեան-Գապաքեան հիմնադիր անդամներէն է Լիբանանի առաջին Տնտեսական-ընկերային խորհուրդին, ուր ան մասնակցած է խորհուրդի ներքին օրէնքի մշակման եւ այլ աշխատանքներուն:

Դոկտորական աստիճանը ստացած է 2004-ին` Սորպոնի համալսարանէն, քաղաքական գիտութեանց մասնագիտութեան բնագաւառին մէջ:

Ան անդամ է Լիբանանեան համալսարանի Իրաւական ու քաղաքական գիտութեանց Բ. բաժանմունքի տնօրէնութեան վարչական խորհուրդին:

1998-էն սկսեալ քաղաքական գիտութեանց դասախօս է Լիբանանեան համալսարանի եւ լիբանանեան բանակի Սպայից վարժարանին մէջ:

Լիբանանը ներկայացուցած է Եւրոպական Միութեան թէ Միացեալ Նահանգներու արտաքին գործոց նախարարութեանց կազմակերպած այլազան ծրագիրներուն` 2008-ին եւ 2014-ին:

Ատենապետ է Մեծի Տանն Կիլիկիոյ կաթողիկոսութեան միջեկեղեցական յանձնախումբին, ինչպէս նաեւ անդամ է Եկեղեցիներու համաշխարհային խորհուրդին Միջազգային յարաբերութեանց մարմինին:

Հեղինակն է այլազան գիրքերու եւ ուսումնասիրութեանց` արաբերէն, ֆրանսերէն եւ անգլերէն լեզուներով:

Եղած է ՀՅԴ Լիբանանի Կեդրոնական կոմիտէի անդամ:

Լուիզա Պապոյեան-Ազեզեան

Լուիզա Պապոյեան-Ազեզեան 1994-ին աւարտած է Սեն Ժոզեֆ համալսարանը` ճարտարագիտական հոգեբանութիւն մասնագիտութեամբ, Պսակաւոր արուեստից աստիճանով:

1997-ին նոյն համալսարանէն կը ստանայ Մագիստրոսի աստիճանը` Ճարտարագիտական հոգեբանութիւն- Մարդկային պաշարներու կառավարում մասնագիտութեամբ:

Ակադեմական իր փորձառութեան ծիրին մէջ, ան Սեն Ժոզեֆ համալսարանին մէջ դասախօս է մարդկային պաշարներու կառավարման նիւթով` Մագիստրոսի ուսանողներուն:

Նաեւ կը դասախօսէ որակի կառավարման նիւթով` Մագիստրոսի ուսանողներուն:

Արհեստավարժ փորձառութեան ծիրին մէջ, 2004-էն սկսեալ «Շաթօ Քսարա» հաստատութեան մէջ որակի եւ մարդկային պաշարներու պատասխանատուն է:

2013-2014 ԼԻՊՆՈՐի (Լիբանանեան չափանիշներու հիմնարկ) խորհրդական եղած է:

Խորհրդականի եւ պատասխանատուի զանազան պաշտօններ ստանձնած է նաեւ լիբանանեան եւ շրջանային այլազան հաստատութիւններու մէջ:

Իր մասնագիտական կարողութիւնները կիրարկած է Լիբանանի, Հայաստանի, Ալճերիոյ, Քուէյթի եւ Յորդանանի մէջ:

Լիբանանի մարդկային պաշարներու ընկերակցութեան գործադիր կոմիտէի անդամ է 2012-էն սկսեալ:

2016-էն սկսեալ մինչեւ օրս Լիբանանի հայոց թեմի Ազգային առաջնորդարանի Ուսումնական խորհուրդի անդամ է:

Եղած է ՀՅԴ Լիբանանի Կեդրոնական կոմիտէի անդամ:

Յարակից լուրեր

  • «Ապառաժ»-ի խմբագրական. Դաշնակցութեան ներկայութիւնը՝ աներկբայ ու անփոխարինելի
    «Ապառաժ»-ի խմբագրական. Դաշնակցութեան ներկայութիւնը՝ աներկբայ ու անփոխարինելի

    Հայ իրականութեան մէջ վերջին 30 տարիներին ձեւաւորւած քաղաքական դաշտում ժամանակ առ ժամանակ ականատեսը եղանք քաղաքական ուժերի, որոնք անամպ երկնքում անհետացող ասուպների նման մի պահ երեւացին ու անհետացան: Քաղաքականութեան մէջ լինելն ինքնին պատասխանատւութիւն է, պատասխանատւութիւն, որը պէտք է կարողանալ կրել յարատեւօրէն, իսկ այդ պատասխանատւութեան զգացումը արտացոլւում է այն ժամանակ, երբ քաղաքականութիւն ես մտնում գաղափարական հենքով:

  • Կեցցէ՛ Դաշնակցութիւնը
    Կեցցէ՛ Դաշնակցութիւնը

    Վահրամ Աթանեստանի արձագանգը գուցէ թողնէի անպատասխան, եթէ այն վտանգաւոր ուղերձներ չպարունակէր, եւ եթէ այդպէս մտածողները հրապարակում շատ չլինէին։ 

  • Ապատեղեկատւութիւնը կաթիլ-կաթիլ ազդում է մարդկանց վրայ
    Ապատեղեկատւութիւնը կաթիլ-կաթիլ ազդում է մարդկանց վրայ

    Սովորաբար չեմ զայրանում, բայց երբեմն աւելի զայրացկոտ բնոյթով եմ հանդէս գալիս, երբ դիպչում են ազգային արժէքներին, Դաշնակցութեանը դիպչելը նոյնպէս այդ կոնտեքստում եմ տեսնում. երէկ «Երկիր մեդիա» հեռուստաընկերութեան «Հարցեր` դաշնակցականներին» հաղորդման ժամանակ ասել է ՀՅԴ Հայաստանի Գերագոյն մարմնի անդամ Արթուր Եղիազարեանը:

  • ՀՅԴ ԳՄ անդամ. «Մենք համակարգի կայացման կողմնակից ենք»
    ՀՅԴ ԳՄ անդամ. «Մենք համակարգի կայացման կողմնակից ենք»

    ՀՅԴ Հայաստանի Գերագոյն մարմնի անդամ, տնտեսագէտ Արմէն Գրիգորեանը, որն Արարատի մարզում վարկանիշային կարգով առաջադրւել է պատգամաւորութեան թեկնածու, «Իրատես»-ի հետ զրոյցում հաւաստիացրեց՝ դաշնակցականներն առաջիկայ խորհրդարանական ընտրութիւններին մասնակցում են իշխանութիւն ունենալու համար։ Ըստ նրա՝ նախընտրական շրջանը հեշտ չէ, քանի որ մասնակցում է 11 ուժ, բայց ընտրապայքարին պէտք է դուրս գալ առաջինը լինելու ձգտումով: 

  • ՀՅԴ-ն, անկախ ընտրութեան արդիւնքներից, չի դադարելու հայ ժողովրդի կուսակցութիւնը լինելուց
    ՀՅԴ-ն, անկախ ընտրութեան արդիւնքներից, չի դադարելու հայ ժողովրդի կուսակցութիւնը լինելուց

    Մենք, առնւազն իմ գնահատմամբ, յաւակնում ենք բաւական լաւ ձայների, քանի որ խորհրդարանը առանց «Դաշնակցութեան» պատկերացնելը, կարծում եմ, որ անհնար է: Այս մասին «tert.am»-ի հետ զրոյցում ասաց ՀՅԴ-ական Արծւիկ Մինասեանը` անդրադառնալով արտահերթ խորհրդարանական ընտրութիւններին ՀՅԴ-ի շանսերին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։