Հա
06/11/2017

Վիենում պղծել են Հայոց Ցեղասպանութեան յուշարձանը

Ֆրանսիական «Յառաջ»-ի փոխանցմամբ՝ Վիեն քաղաքում պղծել են Հայոց Ցեղասպանութեան նահատակների յիշատակին կանգնեցւած յուշարձանը: 

«alikonline.ir» - Ֆրանսիական «Յառաջ»-ի փոխանցմամբ՝ Վիեն քաղաքում պղծել են Հայոց Ցեղասպանութեան նահատակների յիշատակին կանգնեցւած յուշարձանը: Տեղեկացնում «Արցախպրես»-ը:

Վիենի հայկական ընկերակցութիւնների խումբն այս առթիւ հրապարակել է հաղորդագրութիւն, որում ասւում է. «14 տարի անց (2003 ապրիլին էր) Հայոց Ցեղասպանութեան նահատակներին նւիրւած Վիենի (Իզեռ) յուշարձանը կրկին պղծել են։

Արդարեւ, նրա երկու երեսները ծածկեցին անարգական եւ անպատկառ արձանագրութիւններով։

Վիենի հայկական ընկերակցութիւնների խումբը ամենայն խստութեամբ դատապարտում է այս լկտի եւ զազրելի արարքը եւ որոշել է բողոք ներկայացնել X-ի դէմ։

Ո՛չ ատելութիւն, ոչ էլ վրէժխնդրութիւն կայ հայոց սրտերում, բայց ո՛չ մէկը եւ ոչի՛նչ չպիտի կարենայ կասեցնել նրանց իրաւունքի, արդարութեան եւ ճշմարտութեան պայքարը։

Այս յուշարձանը պղծելով՝ հարւած են հասցրել ո՛չ միայն 1915-ի նահատակների, այլ նաեւ բոլոր այն հայերի յիշատակին, որոնք Համաշխարհային զոյգ պատերազմների ընթացքում նահատակւել են Ֆրանսիայի համար, եւ որոնց յիշատակին եւս կանգնեցւած է այս յուշարձանը։

Վանդալական այս արարքը, որը մաս է կազմում վերջին տարիներին Ֆրանսիայում արձանագրւած պղծումների տխուր շարքի, մեզ յուշում է, թէ որքա՛ն երկար է Յիշողութեան պաշտպանութեան եւ ժխտողականութեան դէմ պայքարը, որ այն մնում է այժմեական հարց, եւ երկրի իշխանութիւններից պահանջում խիստ պատասխան»։

Նշենք, որ յուշարձանի ետեւի կողմի պղծումը կատարւած է աւելի ամօթալի խորհրդանիշներով: Զանց կառնենք նկարը:

Յարակից լուրեր

  • ՀՀ վարչապետը հանդիպել է Ֆրանսիայի նախագահի եւ Փարիզի քաղաքապետի հետ
    ՀՀ վարչապետը հանդիպել է Ֆրանսիայի նախագահի եւ Փարիզի քաղաքապետի հետ

    Աշխատանքային այցով Փարիզում գտնւող ՀՀ վարչապետ Նիւկոլ Փաշինեանը հանդիպել է Ֆրանսիայի նախագահ Էմանուէլ Մակրոնի եւ Փարիզի քաղաքապետ Անն Իդալգոյի հետ:

  • Հայերին նւիրւած 5 վայր եւ յուշակոթող Ֆրանսիայում
    Հայերին նւիրւած 5 վայր եւ յուշակոթող Ֆրանսիայում

    Ֆրանսիայում բնակւում է ամենամեծ ու ներկայացուցչական հայ համայնքներից մէկը ողջ աշխարհում: Հայերը Ֆրանսիայի տարբեր շրջաններում հաստատւել են Ցեղասպանութիւնից յետոյ, այնուհետեւ նաեւ գաղթելով Մերձաւոր Արեւելքի երկրներից:

  • Հրապարակւել է աշխարհի ամենաայցելւած երկրների ցանկը
    Հրապարակւել է աշխարհի ամենաայցելւած երկրների ցանկը

    ՄԱԿ Զբօսաշրջութեան համաշխարհային կազմակերպութիւնը հրապարակել է զբօսաշրջիկների ամենասիրւած 10 երկրների ցանկը, որը գլխաւորել է Ֆրանսիան:

  • Ֆրանսիայում կը բացւի Միշէլ Պլատինիի թանգարանը
    Ֆրանսիայում կը բացւի Միշէլ Պլատինիի թանգարանը

    Ֆրանսիական Ժէֆ քաղաքում կը ստեղծւի թանգարան՝ նւիրւած ֆրանսիացի նախկին պրոֆեսիոնալ ֆուտբոլիստ եւ մարզիչ, ՈՒԵՖԱ-ի նախկին նախագահ Միշէլ Պլատինիին։ 

  • «Իմ բերանս վարժ չի սրբապղծութեան»...
    «Իմ բերանս վարժ չի սրբապղծութեան»...

    Քաղաքական հակառակորդի (աւելի ճիշտ՝ մրցակցի) հանդէպ ընդդիմադիր կեցւածքի շեշտակիութիւնը ապացուցելու համար՝ լուտանքների ու հայհոյանքների «տեխնիկան» թէպէտ վաղուց է սպառել իրեն ու ըստ ամենայնի դարձել ապարդիւն, բայցեւայնպէս տեղ-տեղ նկատելի են վերոգրեալ «տեխնոլոգիան» կիրառող շրջանակներ, որոնք, ցաւօք, գիտակցաբար թէ՛ անգիտակից, տրւում են տւեալ գայթակղութեանը…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։