Հա
09/01/2018 - 08:20

Ուրուգւայի Մալդոնադօ քաղաքում «Հայաստանի Հանրապետութեան» հրապարակ է բացւել

Ուրուգւայի Պունտա դէլ Էստէ նահանգի Մալդոնադօ քաղաքում բացւել է Հայաստանի Հանրապետութեան հրապարակ, որտեղ տեղադրւել է Իջեւանից քանդակագործ Գոռ Դաւթեան հայ կնոջ կերպարով քանդակը:

«alikonline.ir» - Ուրուգւայի Պունտա դէլ Էստէ նահանգի Մալդոնադօ քաղաքում բացւել է Հայաստանի Հանրապետութեան հրապարակ, որտեղ տեղադրւել է Իջեւանից քանդակագործ Գոռ Դաւթեան հայ կնոջ կերպարով քանդակը:

Ինչպէս հաղորդում է «Արմէնպրես»-ը՝ վկայակոչելով «Prensa Armenia»-ն, Հայաստանի հրապարակ բացելու ծրագիրը համատեղ իրականացրել են Ուրուգւայում Հայաստանի դեսպանութիւնը եւ Մալդոնադոյի քաղաքապետարանը: Հրապարակի բացմանը ներկայ են եղել Ուրուգւայի զբօսաշրջութեան նախարար Լիլիամ Քեչիչեանը, Պունտա դէլ Էստէի նահանգապետ Անդրէս Ջաֆիֆը, Մալդոնադոյի քաղաքապետ Անդրէս Անտիա Բերհենսը, Ուրուգւայում Հայաստանի դեսպան Էսթէր Մկրտումեանը, Հայ առաքելական եկեղեցու Ուրուգւայի թեմի առաջնորդ Յակոբ արքեպիսկոպոս Գլնճեանը, Ուրուգւայի հայ ազգային կոմիտէի ներկայացուցիչներ:

«Հայ համայնքն առանձնանում է բազմաթիւ մարդկանցով ու թիմային աշխատանքով: Բազմաթիւ տարիներ մենք աշխատել ենք գեղեցիկ Պունտա դէլ Էստէում այս տեղի համար, որին, կարծում եմ, մենք արժանի ենք: Մեր համայնքը վայելում է բոլոր ուրուգւայցիների համակրանքը՝ որպէս ուժեղ, աշխատասէր համայնք, որը պահպանում է իր աւանդոյթները»,- նշել է Լիլիամ Քեչիչեանը:

Միջոցառումը կազմակերպւել է Հայաստանի Հանրապետութեան եւ Ուրուգւայի Արեւելեան Հանրապետութեան միջեւ դիւանագիտական յարաբերութիւնների հաստատման 25-ամեակի միջոցառումների շրջանակներում: Միջոցառման ժամանակ Պունտա դէլ Էստէն եւ Իջեւանը հռչակւել են քոյր քաղաքներ:

«Հայաստանի եւ Ուրուգւայի միջեւ դիւանագիտական յարաբերութիւնների հաստատման 25 տարիների ընթացքում երկու ժողովուրդների աւանդական համակրանքը վերածւել է բարեկամութեան եւ երկկողմ համագործակցութեան՝ յանուն ազգերի մէջ խաղաղութեան եւ ներդաշնակութեան»,- նշել է Ուրուգւայում Հայաստանի դեսպան Էսթէր Մկրտումեանը:

Յարակից լուրեր

  • Շառլ Ազնաւուրի անւան հրապարակ է բացւել Շաւիլ քաղաքում
    Շառլ Ազնաւուրի անւան հրապարակ է բացւել Շաւիլ քաղաքում

    Յունիսի 21-ին Ֆրանսիայի Շաւիլ քաղաքում տեղի ունեցաւ Շառլ Ազնաւուրի անւան հրապարակի բացման արարողութիւնը, որին մասնակցեցին Ֆրանսիայում Հայաստանի դեսպան Յասմիկ Տոլմաջեանը, Շաւիլի քաղաքապետ Ժան-Ժակ Գիյէն, ինչպէս նաեւ Օ-դը-Սէն դեպարտամենտի պատգամաւոր Ժակ Մերը։

  • Ուրուգւայի հայ համայնքի հաստատութիւնների յայտարարութիւնը
    Ուրուգւայի հայ համայնքի հաստատութիւնների յայտարարութիւնը

    Ներքոյ ստորագրեալ Ուրուգուհայ համայնքի հաստատութիւններս, յանուն մեր շարքերուն եւ համակիրներուն, Հայրենի ԶԼՄ-ներու միջոցով, խոր մտահոգութեամբ տեղեկացանք թէ Հայաստանի կառավարութիւնը պիտի լուծարէ Սփիւռքի նախարարութիւնը, եւ անոր պաշտօնեաները գործէ ազատ պիտի արձակուին։

  • Գագիկ Թումանեան հրապարակում տեղադրւելու է նահատակի կիսանդրին
    Գագիկ Թումանեան հրապարակում տեղադրւելու է նահատակի կիսանդրին

    Թեհրանի 6-րդ շրջանի քաղաքապետարանի հաւաստմամբ՝ Սրբազան պաշտպանութեան շաբաթւայ առիթով, Իրան-Իրաք պարտադրեալ պատերազմի տարիներին իր կեանքը յանուն երկրի հողային ամբողջականութեան նւիրաբերած նահատակ Գագիկ Թումանեանի կիսանդրու բացումն է կատարւելու Թեհրանում նահատակի անունը կրող Գագիկ Թումանեան հրապարակում:

  • «Աշխարհի ամենաաղքատ նախագահը» հրաժարւել է թոշակից
    «Աշխարհի ամենաաղքատ նախագահը» հրաժարւել է թոշակից

    Ուրուգւայի նախկին նախագահ Խոզէ Մուխիկան, որին համեստ կենսակերպի համար անւանում են աշխարհի ամենաաղքատ նախագահ, ասել է, որ չի ուզում սենատորի կենսաթոշակ ստանալ:

  • Փոքրիկ Հայաստանը՝ էկզոտիկ Ուրուգւայում. Լապշինի բլոգ
    Փոքրիկ Հայաստանը՝ էկզոտիկ Ուրուգւայում. Լապշինի բլոգ

    Ռուս-իսրայէլցի բլոգեր Ալեքսանդր Լապշինը Ուրուգւայում եղել է հայկական ամենահին» կուսակցութիւններից մէկի՝ «Հնչակեան» կուսակցութեան կենտրոնակայանում: Այս մասին նա գրել է իր՝ «Փոքրիկ Հայաստանը էկզոտիկ Ուրուգւայում» յօդւածում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։