Հա
24/01/2018

Ժիրայր Ռէիսեան. «Ինչպէս բոլոր սիրիացիները, այնպէս էլ սիրիահայերը անհանգստացած են Աֆրինում թուրքական զինուժի գործողութիւններից»

Սիրիայի խորհրդարանի հայազգի պատգամաւոր Ժիրայր Ռէիսեանի խօսքով՝ ինչպէս բոլոր սիրիացիները, այնպէս էլ սիրիահայերը անհանգստացած են Աֆրինում թուրքական զինուժի գործողութիւններից:

«alikonline.ir» - Սիրիայի խորհրդարանի հայազգի պատգամաւոր Ժիրայր Ռէիսեանի խօսքով՝ ինչպէս բոլոր սիրիացիները, այնպէս էլ սիրիահայերը անհանգստացած են Աֆրինում թուրքական զինուժի գործողութիւններից:

Նա «tert.am»-ի հետ զրոյցում նշեց, որ ընդհանրապէս Սիրիայի հետ ցանկացած հարց, որ մտահոգում է սիրիացիներին, մտահոգում է նաեւ այնտեղ ապրող հայերին:

«Այսօր Հալէպից ոչ շատ հեռու գտնւող Աֆրինի շրջանը բռնութեան է ենթարկւած, եւ այսօր պաշտօնապէս Սիրիան դատապարտում է դա: Կոչ է անում միջազգային ընտանիքին, որ վերջ տան թուրքական ագրեսիային, կասեցնեն այդ ոտնձգութիւնները»,- ասաց նա:

Նրա խօսքով՝ այդ ամէնին մասնակից է նաեւ սիրիահայութիւնը: «Բոլորիս այսօրւայ իրավիճակը անհանգստացնում է, բայց բոլորս դեռ լաւ ակնկալիքներ ունենք»,- նշեց նա:

Հարցին՝ արդեօ՞ք սիրիահայերը վախենում են, որ Սիրիայի յարաբերական խաղաղութիւնը կը սասանւի, Ժիրայր Ռէիսեանը պատասխանեց․ «Հիմա այլեւս «վախ» բառը չենք գործածում, որովհետեւ արդէն այս եօթ տարիների ընթացքում իր համոզումների մէջ  ժողովուրդն արմատացել է, ժողովուրդ, որ վստահ է, որ ի վերջոյ խաղաղութիւն կը լինի եւ իր ցանկութիւնները կիրագործւեն, արդարութիւնը կը վերականգւի։ Այնպէս որ, ինչպիսի դժւարութիւն էլ լինի, ժողովուրդը իր ղեկավարութեան կողքին շրջանցելու եւ լաւին անցնելու հաստատակամութիւն է դրսեւորելու»,- ասաց նա:

Յիշեցնենք, որ յունւարի 20-ին թուրքական ԶՈՒ-ն սկսել է Սիրիայի հիւսիսում գտնւող քրդական ազգային զինւած ջոկատների (PYD/YPG) դէմ ռազմական գործողութիւնը, որը ստացել է «Ձիթենու ճիւղ» անւանումը: Օդային առաջին յարձակումներից յետոյ, յունւարի 21-ին թուրքական ԶՈՒ-ի զինւորականներն անցել են լայնամասշտաբ յարձակման նաեւ ցամաքում: Յայտնի է, որ թուրքական ԶՈՒ-ին աջակցում է «Սիրիական ազատ բանակ» ընդդիմադիր խմբաւորումը՝ ինչպէս 2016 թւականին ձեռնարկւած «Եփրատի վահան» գործողութեան ժամանակ:

Յարակից լուրեր

  • Որոշում է կայացւել Սրբոց Նահատակաց հայկական եկեղեցին եւ յուշահամալիրը վերանորոգելու մասին
    Որոշում է կայացւել Սրբոց Նահատակաց հայկական եկեղեցին եւ յուշահամալիրը վերանորոգելու մասին

    «2016 թւականի դեկտեմբերին Հալէպի ազատագրումը անկիւնադարձային եղաւ սիրիահայերի համար. ներկայումս Հալէպը շատ աւելի կայուն վիճակում է գտնւում: Կային կենցաղային դժւար պայմաններ, որոնք այսօր արդէն տարբեր միջոցներով յաղթահարւել են, ճանապարհներն օրըստօրէ բացւում են, լուծւել է ջրամատակարարման ու վառելանիւթի խնդիրը, քիչ տատանումներով վերականգնւել է էլեկրտականութիւնը»,- «Հայերն այսօր»-ի հետ զրոյցում ասաց Սիրիայի խորհրդարանի հայազգի պատգամաւոր, Բերիոյ հայոց թեմի մամուլի խօսնակ Ժիրայր Ռէիսեանը՝ յաւելելով, որ սիրիահայերը բնականոն հունով են ապրում, զբաղւած են իրենց առօրեայ աշխատանքներով եւ տները վերանորոգելով:

  • Հալէպի օդանաւակայանի վերաբացումը հեռու չէ
    Հալէպի օդանաւակայանի վերաբացումը հեռու չէ

    Հալէպի օդանաւակայանը պատրաստ է վերադառնալ բնականոն աշխատանքի, սակայն, անվտանգութեան որոշ հարցերից ելնելով, իշխանութիւններն առայժմ չեն շտապում դիմել այդ քայլին: Այս մասին «Արմէնպրես»-ի մամուլի սրահում հրաւիրւած ասուլիսում նշեց Սիրիայի խորհրդարանի հայազգի պատգամաւոր Ժիրայր Ռէիսեանը:

  • Ժիրայր Ռէիսեան. «Հալէպում կեանքն իր բնականոն ընթացքի մէջ է»
    Ժիրայր Ռէիսեան. «Հալէպում կեանքն իր բնականոն ընթացքի մէջ է»

    Հալէպում իրականում կեանքն իր բնականոն ընթացքի մէջ է, բնակիչները զբաղւած են իրենց սովորական առօրեայով: Այս մասին «Արմէնպրես»-ի հետ զրոյցում նշեց Սիրիայի խորհրդարանի հայազգի պատգամաւոր Ժիրայր Ռէիսեանը:

  • Էրդողան. «Այսօր Աֆրինում ենք, վաղը՝ Մանբիջում, միւս օրն էլ Եփրատի արեւելքից մինչեւ Իրաքի սահման կը հասնենք»
    Էրդողան. «Այսօր Աֆրինում ենք, վաղը՝ Մանբիջում, միւս օրն էլ Եփրատի արեւելքից մինչեւ Իրաքի սահման կը հասնենք»

    Թուրքիայի նախագահ Ռեջեբ Թայիբ Էրդողանը յայտարարել է, որ թուրքական ԶՈՒ-ն պատրաստ է «մաքրել» ահաբեկիչներից սիրիական Մանբիջը: 

  • Ձիթենու կոտրւող ճիւղը...
    Ձիթենու կոտրւող ճիւղը...

    Կոտրւող «Ձիթենու ճիւղ»-ի վրայ նստած Թուրքիան արդէն սկսել է չքմեղանքի եւ արդարացման հնարքներով խաղեր տալ…

    Յոխորտացող Էրդողանը կուսակիցների առջեւ հերթական ելոյթում յայտարարել է, որ զինական գործողութիւնների ընթացքում յաջողութիւններին միշտ էլ ուղեկցում են ձախողութիւնները…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։