Հա
01/02/2018 - 07:50

Ժիրայր Ռէիսեան. «Մենք այնտեղ էինք` ներկայացնելու սիրիացի ժողովրդին»

Սիրիայի խորհրդարանի հայազգի պատգամաւոր Ժիրայր Ռէիսեանի խօսքով՝ պէտք է շնորհակալ լինել Ռուսաստանի Դաշնութեանը Սոչիում սիրիական հակամարտութեանը վերաբերող կոնգրեսը նախաձեռնելու եւ կազմակերպելու համար:

«alikonline.ir» - Սիրիայի խորհրդարանի հայազգի պատգամաւոր Ժիրայր Ռէիսեանի խօսքով՝ պէտք է շնորհակալ լինել Ռուսաստանի Դաշնութեանը Սոչիում սիրիական հակամարտութեանը վերաբերող կոնգրեսը նախաձեռնելու եւ կազմակերպելու համար:

Նա անձամբ է մասնակցել դրան: «tert.am»-ի հետ զրոյցում նա նշեց, որ համաժողովի ընթացքում նկատւեց, որ կայ ըմբռնում` Սիրիայում խաղաղութիւնը վերականգնելու: «Որքան էլ ժողովի ժամանակ, երբեմն, վատ մթնոլորտ ստեղծւեց, սակայն միշտ կարելի եղաւ ընդհանուր եզրակացութեան գալ, որ խնդրի լուծման ճանապարհը բանակցութիւնները շարունակելն է»,- նշեց նա:

Կոնգրեսին Ժիրայր Ռէիսեանի հետ մասնակցել են Սիրիայի խորհրդարանի հայազգի միւս պատգամաւոր Նորա Արիսեանը եւ Դամասկոսի թեմի առաջնորդ Տ. Արմաշ եպս. Նալբանդեանը: Ըստ Ժիրայր Ռէիսեանի՝ իրենք այնտեղ էին, որպէս սիրիացի ժողովրդի մաս, ներկայացնում էին, թէ որքան անհրաժեշտ է Սիրիայի ժողովրդին խաղաղութիւնը: «Սիրիահայերը սիրիացիները մի մասն են»,- նկատեց նա:

Ժիրայր Ռէիսեանը մատնանշեց, որ օդանաւակայանում նրանց փորձեցին խանգարել կոնգրեսին մասնակցելու եկած ընդդիմութեան ներկայացուցիչները, սակայն նրանց մօտ ոչինչ չի ստացւել, եւ բոլորն անցել են իրենց բնականոն աշխատանքին:

«Մթնոլորտը խանգարողներ միշտ էլ լինում են, բայց բարի ցանկութիւն ունեցողները պէտք է իրենց գործը շարունակեն եւ խաղաղութիւնը վերականգնեն»,- ասաց նա:

Նա համաձայնեց՝ ակնկալում են միջազգային հանրութեան ճիշտ արձագանգը Սիրիայի հիմնախնդրի վերաբերեալ: Նրա խօսքով՝ մէկ բան յստակ է՝ Սիրիայի ժողովրդի նախաձեռնողութիւնը խաղաղութիւնն է եւ երկիրը ամէն գնով՝ պաշտպանելն է:

«Սիրիայի ժողովուրդը հաստատում է իր պատրաստակամութիւնը՝ խաղաղութիւն հաստատել եւ կեանքը իր բնականոն հունով շարունակելը»,- նշեց նա:

Սոչիում կազմակերպւած կոնգրեսից Ժիրայր Ռէիսեանն իր տպաւորութիւնները ներկայացելիս, նշեց, որ իհարկէ, բանակցային գործընթացում խնդիրներ, դժւարութիւններ կան, բայց այս դէպքում բոլոր կողմերին մէկ սրահի մէջ հաւաքելն արդէն նախաքայլ է յաջորդ հանգրւանների համար: «Դա դրական հանգրւան է յաջորդ քայլերի համար»,- ասաց նա:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։