Հա
13/02/2018

Մարդ, որը մէկ ձեռքով բազմաթիւ կեանքեր է փրկել. Ստամբուլում մահացել է լեգենդար պոլսահայ բժիշկ Յակոբ Կոթողեանը

Ստամբուլում կեանքից հեռացել է ստամբուլահայ լեգենդար բժիշկ Յակոբ Կոթողեանը, որը Թուրքիայում առաւել յայտնի է «Անթեւ Յակոբ» անւամբ: 

«alikonline.ir» - Ստամբուլում կեանքից հեռացել է ստամբուլահայ լեգենդար բժիշկ Յակոբ Կոթողեանը, որը Թուրքիայում առաւել յայտնի է «Անթեւ Յակոբ» անւամբ: Այս մասին ըստ «tert.am»-ի՝ յայտնում է Ստամբուլի հայկական պարբերականներից «Լոյս»-ը:

Նշենք, որ Կոթողեանը 79 տարեկան էր: Թուրքական «Milliyet» պարբերականը, յայտնելով լեգենդար բժշկի մահւան լուրը, նրան անւանել է «Թուրքիայի մեծագոյն մաշկաբաններից մէկը»:

Արեւմտեան Հայաստանի գաւառներից 1938թ.-ին Ստամբուլ գաղթած հայ ընտանիքի զաւակ Յակոբը ծնւել է Ստամբուլի հայաշատ Սամաթիա թաղամասում՝ Ջերահփաշա հիւանդանոցում:

Գիւղից Ստամբուլ տեղափոխւած աղքատիկ ընտանիքի տղան ստիպւած է եղել մանուկ հասակից աշխատել եւ տեղաւորւել է հայ արծաթագործների խանութներից մէկում: Հէնց ծանր աշխատանքի ընթացքում է, որ սարսափելի միջադէպի ժամանակ նա կորցրել է ձեռքը:

Վերակենդանացման բաժնում յայտնւած «Անթեւ Յակոբի» ընտանիքին բժիշկները յոյս ներշնչել չեն շտապել, ասել են՝ կը մեռնի:

Սակայն այդ օրը Յակոբ Կոթողեանը կարծես վերածնւել է՝ կրկին Սամաթիայի Ջերահփաշա հիւանդանոցում:

Հաշմանդամութեան պատճառով հասակակիցների խղճահարութեամբ լի հայացքներից խուսափելու համար մէկ տարի շարունակ դպրոց գնալ չցանկացած Յակոբն աւելի ուշ հասկացել է, որ լաւ մասնագիտութիւն ձեռք բերելու միակ ուղին սովորելն է:

1957 թ.-ին Ստամբուլի համալսարանի բժշկութեան ֆակուլտետ ընդունւած Յակոբն աւելի ուշ աշխատանքի է անցել նոյն Ջերահփաշա հիւանդանոցում:

Բազմաթիւ գիտական յօդւածների հեղինակ, միջազգային կոնֆերանսների մասնակից, պրոֆեսոր, դասախօս եւ վաստակաւոր բժիշկ Յակոբ Կոթողեանը բազմաթիւ կեանքեր է փրկել միայն մէկ՝ ձախ ձեռքով։ 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։