Հա
23/04/2018 - 12:40

Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն

Երկուշաբթի, 23 ապրիլ 2018-ին, Ն.Ս.Օ.Տ.Տ. Արամ Ա Կաթողիկոսին գլխաւորութեամբ միաբանական հանդիպում մը տեղի ունեցաւ Անթիլիասի Մայրավանքին մէջ։

Վեհափառ Հայրապետը ընդհանուր գծերով պարզեց Հայաստանէն ներս տեղի ունեցող իրադարձութիւնները։ Ան շեշտեց, որ մեր եկեղեցին չի կրնար անտարբեր մնալ, սոսկ դիտողի կրաւորական վիճակին մէջ մնալ ի տես հայրենիքէն ներս պարզուող ներկայ բողոքի ու ընդվզումի արտայայտութիւններուն։ 

«alikonline.ir» - Երկուշաբթի, 23 ապրիլ 2018-ին, Ն.Ս.Օ.Տ.Տ. Արամ Ա Կաթողիկոսին գլխաւորութեամբ միաբանական հանդիպում մը տեղի ունեցաւ Անթիլիասի Մայրավանքին մէջ։ Այս մասին տեղեկացնում է կաթողիկոսարանի կայքը:

Վեհափառ Հայրապետը ընդհանուր գծերով պարզեց Հայաստանէն ներս տեղի ունեցող իրադարձութիւնները։ Ան շեշտեց, որ մեր եկեղեցին չի կրնար անտարբեր մնալ, սոսկ դիտողի կրաւորական վիճակին մէջ մնալ ի տես հայրենիքէն ներս պարզուող ներկայ բողոքի ու ընդվզումի արտայայտութիւններուն։ Հայրենիքը ժողովուրդին է. եկեղեցին ժողովուրդին է։ Հետեւաբար, ժողովուրդի իրաւունքներու պաշտպանութիւնը եկեղեցւոյ կոչումն է՝ միշտ օրէնքի սահմաններուն մէջ եւ մեկնելով հայրենիքի գերագոյն շահերէն։

Ապրիլ 24-ի նախօրեակին, մեր Սուրբ Աթոռին միաբանութիւնը կարեւորութեամբ շեշտեց Ապրիլ 24-ի նուիրականութիւնն ու խորհուրդը անաղարտ պահելու հրամայականը՝ յատկապէս յիշեցնելով, թէ Ապրիլ 24-ը սովորական օր չէ մեր ժողովուրդին համար. մեր նահատակները յիշելու եւ անոնց սրբազան կտակը մեր զաւակներուն ու աշխարհին յիշեցնելու նուիրական օր է։ Աշխարհը մեզ կը դիտԷ։ Հետեւաբար, բարձրագոյն աստիճանի նախանձախնդրութեամբ ու երկիւղածութեամբ հարկ է Ապրիլ 24-ի խորհուրդն ու ոգին յարգել ու արժեւորել։

Հետեւաբար, Վեհափառ Հայրապետն ու միաբանութիւնը կոչ ուղղեցին մեր ժողովուրդի սիրելի զաւակներուն Ապրիլ 24-ի օրը հեռու մնալու ներքին լարուածութիւն յառաջացնող քայլերէ եւ յարգելու մեր նահատակներուն յիշատակն ու պատգամը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։