Հա
30/05/2018 - 08:50

Հալէպի օդանաւակայանի վերաբացումը հեռու չէ

Հալէպի օդանաւակայանը պատրաստ է վերադառնալ բնականոն աշխատանքի, սակայն, անվտանգութեան որոշ հարցերից ելնելով, իշխանութիւններն առայժմ չեն շտապում դիմել այդ քայլին: Այս մասին «Արմէնպրես»-ի մամուլի սրահում հրաւիրւած ասուլիսում նշեց Սիրիայի խորհրդարանի հայազգի պատգամաւոր Ժիրայր Ռէիսեանը:

«alikonline.ir» - Հալէպի օդանաւակայանը պատրաստ է վերադառնալ բնականոն աշխատանքի, սակայն, անվտանգութեան որոշ հարցերից ելնելով, իշխանութիւններն առայժմ չեն շտապում դիմել այդ քայլին: Այս մասին «Արմէնպրես»-ի մամուլի սրահում հրաւիրւած ասուլիսում նշեց Սիրիայի խորհրդարանի հայազգի պատգամաւոր Ժիրայր Ռէիսեանը:

«Հարցը չափազանց կարեւոր է, Սիրիայի կառավարութիւնը լուրջ աշխատանքներ է տանում այդ ուղղութեամբ: Օդանաւակայանն, իրականութեան մէջ, կարող եմ ասել, պատրաստ է: Այն նոյնիսկ երբեմն ոչ պաշտօնական թռիչքներ ունի: Ինչպէս գիտենք, որոշ շրջաններում դեռ կան զինեալ ահաբեկչական խմբեր եւ բնականոն թռիչքների պարագայում հնարաւոր է հրթիռակոծութիւններ լինեն, հետեւաբար, անվտանգութեան նկատառումներից ելնելով կառավարութիւնը դանդաղում է պաշտօնապէս օդանաւակայանը վերագործարկել»,- ասաց Ժիրայր Ռէիսեանը:

Ամէն դէպքում վերջին շրջանի քաղաքական զարգացումների, բանակի գործողութիւնների, առաջընթացի լոյսի ներքոյ, Ժիրայր Ռէիսեանը նշեց, որ օդանաւակայանի վերաբացումը հեռու չէ:

Հալէպում ճանապարհները բաց են, ենթակառուցւածքները հիմնականում բարելաււած են, կեանքը վերադարձել է բնականոն հուն: Ժիրայր Ռէիսեանը նշեց, որ նախկինում պայմանների առումով լուրջ խնդիրներ են եղել, սակայն հիմա իրավիճակը բաւական բարելաււել է:

«Օրեր են եղել, երբ տեւական ժամանակ չենք ունեցել ջուր, էլեկտրականութիւն: Այսօր իրավիճակն այլ է, օրւայ 10 ժամից աւելի հոսանք ենք ունենում, ջրամատակարարման հարցը կարգաւորւել է: Քաղաքային իշխանութիւնը զգալի աշխատանք է կատարել փողոցները քարերից, աղբից մաքրելու ուղղութեամբ: Այսինքն՝ կարող ենք ասել, որ կեանքը վերադառնում է իր բնականոն ընթացքին»,- ասաց Ժիրայր Ռէիսեանը:

Ժիրայր Ռէիսեանը նկատեց, որ սիրիական պատերազմի ընթացքում երկիրը հսկայական վնասներ է կրել, այսօր կառավարութիւնը կանգնած է խոշոր նիւթական պարտաւորութիւնների առջեւ: Այդուհանդերձ, կառավարութիւնը ժողովրդի հետ ձեռք ձեռքի տւած աշխատանքներ է տանում երկրի վերականգնման ուղղութեամբ: Խօսելով Սիրիայի զինւած ուժերի յաջողութիւններից՝ Ժիրայր Ռէիսեանը նշեց, որ այսօր երկրի կարեւորագոյն տարածքներն ազատագրւած են:

Անդրադառալով Հալէպում սիրիահայերի տեղաշարժին՝ Ժիրայր Ռէիսեանը նշեց, որ արդէն դրական միտումներ նկատւում են, նկատելի թւով ընտանիքներ գործնական քայլերի են դիմել եւ վերադարձել են: Վերադարձողները ե´ւ Լիբանանից են, ե´ւ արեւմտեան երկրներից: Հայերից ոմանք իրենց նախկին գործն են վերականգնում, ոմանք նոր գործ են սկսում: Հիմնականում արհեստագործական, առեւտրի ոլորտներում են: Հայ համայնքն իր ազգային կենտրոններով ձեռնամուխ է եղել հայկական կրթօջախների, կառոյցների վերականգնման գործընթացին:

Յարակից լուրեր

  • Արամ Ա-ի հռչակած Վերանորոգման եւ վերականգնման տարին Հալէպում նոր թափ է ստանում
    Արամ Ա-ի հռչակած Վերանորոգման եւ վերականգնման տարին Հալէպում նոր թափ է ստանում

    Սիրիայի`եօթ տարի տեւած պատերազմից ամենաշատը տուժած քաղաքներից մէկը, անկասկած, հայաբնակ Հալէպն էր: 2016 թւականի դեկտեմբերի 12-ին սիրիական բանակի ջանքերով Հալէպի ազատագրումից անմիջապէս յետոյ սկսւեցին քաղաքի վերակերտման աշխատանքները: Քաղաքի վերականգնման աշխատանքների, վնասներ կրած ազգային կառոյցների, հայ աշակերտութեան եւ խաղաղութեան հաստատումից յետոյ Հալէպ վերադարձողների մասին «yerkir.am»-ը զրուցել է հալէպահայ գրող-վերլուծաբան Յարութ Օրտեքեանի հետ:

  • Դամասկոսի ազգային թանգարանը եօթ տարւայ ընդմիջումից յետոյ վերաբացւում է
    Դամասկոսի ազգային թանգարանը եօթ տարւայ ընդմիջումից յետոյ վերաբացւում է

    Դամասկոսի ազգային թանգարանը եօթ տարւայ ընդմիջումից յետոյ պատրաստւում է բացմանը։ «ՏԱՍՍ»-ի հաղորդմամբ, Սիրիայի հնութիւնների եւ թանգարանների վարչութեան ղեկավար Մաամուն Աբդէլ Քերիմը «SANA»-ին ասել է, որ երկար սպաստւած իրադարձութիւնը տեղի կունենայ այսօր։ 

  • Բաշշար Ասադի հրամանով Հալէպի դպրոցներից մէկը կանւանւի հայ հերոսի պատւին
    Բաշշար Ասադի հրամանով Հալէպի դպրոցներից մէկը կանւանւի հայ հերոսի պատւին

    Սիրիայի նախագահ Բաշշար Ասադը կարգադրել է Հալէպի կրթական հաստատութիւններից մէկը անւանել հայ զինւորի Գրիգոր Աշնաքելեանի անունով: 

  • Հալէպի մէջ տեղի ունեցաւ «Արամ Մանուկեան. Նամականի» հատորին շնորհահանդէսը
    Հալէպի մէջ տեղի ունեցաւ «Արամ Մանուկեան. Նամականի» հատորին շնորհահանդէսը

    Մայիսեան յաղթանակներու եւ Հայաստանի Ա. Հանրապետոթեան 100-ամեակի տօնակատարութիւններու շարքին, հովանաւորութեամբ Բերիոյ Հայոց Թեմի Բարեջան Առաջնորդ գերշ. Տէր Շահան Ս. արք. Սարգիսեանի, կազմակերպութեամբ Հայ Երիտասարդաց Միութեան, երեքշաբթի, 10 յուլիս 2018-ի երեկոյեան ԱՄԺ Տան «Լ. Շանթ» սրահէն ներս տեղի ունեցաւ Հայաստանի անկախութեան կերտիչ ու հայոց պետականութեան հիմնադիր Արամ Մանուկեանի նամակներու ժողովածուին՝ «Արամ Մանուկեան. Նամականի» հատորին շնորհանդէսը, պատուոյ ներկայութեամբ եւ մատուցումով հատորի խմբագիր պատմաբան Երուանդ Փամպուքեանի:

  • Կարեւորը հաւատալն է նպատակի ճշմարտացիութեան եւ պայքարիլ
    Կարեւորը հաւատալն է նպատակի ճշմարտացիութեան եւ պայքարիլ

    Չեմ գիտեր ձեզմէ քանի հոգի եղած է Սարդարապատի յուշահամալիր եւ եթէ եղած է՝ ի՞նչ զգացած է։ Բայց ես, ամէն անգամ որ կ՚այցելեմ Սարդարապատ, սոսկում մը կ՚ապրիմ: Սոսկում՝ որովհետեւ կը մտածեմ, թէ ի՛նչ պիտի ըլլար մեր ժողովուրդին ճակատագիրը, եթէ 1918 թուականի մայիսեան այդ պատմական օրերուն, հայկական բանակը, որ այդ օրերուն մեր հայրենիքի այդ տարածքին ամբողջ ժողովուրդն էր, չյաղթէր թրքական ուժերուն։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։