Հա
30/05/2018 - 11:30

Բագրատ Էստուկեան. «Սփիւռքի նոր նախարարը պէտք է աւելի թափանցիկ կերպով շփւի թրքահայ համայնքի բոլոր տարրերի հետ»

Սփիւռքի նորանշանակ նախարարը Թուրքիայի համայնքի հետ աշխատելիս պէտք է աւելի լայն շփումներ ապահովի: «Tert.am»-ի հետ զրոյցում նման կարծիք յայտնեց Ստամբուլում հրապարակւող «Ակօս» թերթի հայերէն էջերի խմբագիր Բագրատ Էստուկեանը՝ խօսելով նոր կառավարութեան, սփիւռքի նախարարութիւնից ունեցած իր ակնկալիքների մասին:

«alikonline.ir» - Սփիւռքի նորանշանակ նախարարը Թուրքիայի համայնքի հետ աշխատելիս պէտք է աւելի լայն շփումներ ապահովի: «Tert.am»-ի հետ զրոյցում նման կարծիք յայտնեց Ստամբուլում հրապարակւող «Ակօս» թերթի հայերէն էջերի խմբագիր Բագրատ Էստուկեանը՝ խօսելով նոր կառավարութեան, սփիւռքի նախարարութիւնից ունեցած իր ակնկալիքների մասին:

«Նոյնիսկ խորհրդային տարիներին աւանդոյթ է եղել, որ Հայաստանը Պոլսի մէջ երկխօսութիւն է արել միայն իրեն պատահական կերպով ծանօթ դարձած մի քանի անձանց հետ, եւ կարծել են, որ աշխարհն այդ մարդկանցով է սահմանափակւած»,- ասաց նա՝ նշելով, որ իրականութիւնը դա չէ, եւ սփիւռքի նոր նախարարը պէտք է զգուշանայ այդ սխալ ընկալումից եւ աւելի թափանցիկ կերպով շփւի թրքահայ համայնքի բոլոր տարրերի հետ:

Կարեւոր է, որ սփիւռքի նախարարը լինի սփիւռքագէտ. Բագրատ Էստուկեանի նկատառմամբ՝ մեր պետականութեան մէջ Հրանուշ Յակոբեանի օրօք հիմնւած սփիւռքի նախարարութիւնն էլ նորութիւն է, դա կարեւորւում է, բայց պէտք է բոլորը, ոչ միայն սփիւռքի նախարարութիւնը, այլ նաեւ՝ մշակութային գործիչները, հասարակութիւնը հասկանան, որ սփիւռքը միայն Միացեալ Նահանգներով, Լոս Անջելէսով չի սահմանափակւում:

«Մենք շատ կարեւոր դերակատարումներ ունեցող քաղաքների համայնքներ ունենք, աւելի մեծ ներուժ ներկայացնող համայնքներ ունենք, երեւոյթ, որ ընդհանրապէս անտեսւած էր Հայաստանի քաղաքական գործիչների կողմից: «Օտար ամայի ճամփեքի վրայ» ծրագիրը, օրինակ, չկարողացաւ Եւրոպայի սահմաններից դուրս գալ: Չեմ ասում նրա համար, որ մէկ անգամ այդ հաղորդաշարը չեկաւ Պոլիս, չշփւեց պոլսահայերի հետ: Եթովպիայի հայերի մասին ի՞նչ պատկերացում ունեն Հայաստանում, Եգիպտոսի հայերի մասին ի՞նչ պատկերացումներ կան: Այո՛, Սիրիան այսօր պատերազմի դաշտ է, բայց Յորդանանի հայերի մասին ի՞նչ պատկերացումներ կան, Լիբանանի հայերի դէպքում ի՞նչ պատկերացումներ կան»,- հարց բարձրացրեց նա՝ նշելով, որ սփիւռք հասկացողութիւնն աւելի մեծ անկիւնով պէտք է նայենք, իր նշած երկրներում հայ համայնքները շատ աւելի մեծ ներուժ ունեն, քան եւրոպական երկրների շատ համայնքներ:

Դիտարկմանը, թէ գուցէ ՀՀ իշխանութիւնները թուրքահայ համայնքից ներդրումներ բերելու հետ կապւած մեծ ակնկալիքներ չեն ունեցել, այդ պատճառով չեն աշխատել նրանց հետ, Բագրատ Էստուկեանը պատասխանեց․«Դա իրականութիւն չէ: Հայաստանի քաղաքացիութիւն ստանալու ցանկութիւն յայտնողների ամենամեծ թիւը թրքահայ համայնքից է: Թուրքիայի հայութիւնն է, որ Հայաստանի մէջ աշխատանք ստեղծելու ճանապարհներ է որոնում: Եթէ մենք հիմա համեմատենք, թէ քանի Թուրքիայի հայ է Հայաստանի հետ տնտեսական կապերի մէջ եւ օրինակ, քանի ֆրանսահայ կամ ամերիկահայ, ապա կը տեսնենք, որ կշեռքի նժարը շատ աւելի կը կշռի ի նպաստ Թուրքիայի հայութեան»:

Ի՞նչ պէտք է անել Թուրքիայի հայութեանը Հայաստանի հետ առաւել ամուր կապերով կապելու համար: Բագրատ Էստուկեանը այս հարցին պատասխանելիս նկատեց, որ Հայաստան-Սփիւռք համաժողովին եղել է առաջարկ՝ վերանայել հայրենադարձութեան ծրագիրը:

«Բայց դա միայն ցանկութիւններով ձեռնարկւող գործ չէ: Դրա կողքին պէտք է օրինականութիւն հաստատւի: Յոյս կայ, որ այդ օրինականութիւնը պէտք է հաստաւի Հայաստանում: Դրանից յետոյ միայն կը դիւրացւի, օրինակ, Թուրքիայի հայերին Հայաստանի քաղաքացիութիւն տալու գործընթացը: Վերջին տարիներին Թուրքիայի համայնքում արտագաղթի պատճառով «արիւնահոսութիւն» ենք ունեցել: Հիմա այդ «արիւնահոսութեան» հոսանքը պէտք է հակառակ ուղղութիւնով վերակազմակերպենք, պէտք է հայորդիներին իրենց գիտելիքով, իրենց փորձառութեամբ ուղղորդենք դէպի Հայաստան: Սա անելու համար միայն բարեմաղթանքը բաւարար չէ, այլ պէտք է օրինական երկիր, օրէնքի տառին համապատասխան միջավայր ստեղծել»,- ասաց նա:

Յարակից լուրեր

  • Սփիւռքը կարգաւորելու յաւակնոտները
    Սփիւռքը կարգաւորելու յաւակնոտները

    Դաշնակցական մտաւորական, հրապարակախօս եւ հրապարակագիր Սեդօ Պոյաճեանն իր ֆէյսբուքեան էջում գրել է.

  • «Կարեւորը հետագայ պահւածքն է». Կիրօ Մանոյեանը՝ Սինանեանի նշանակման մասին
    «Կարեւորը հետագայ պահւածքն է». Կիրօ Մանոյեանը՝ Սինանեանի նշանակման մասին

    «Պէտք է ասեմ, որ բաւականին դժւար պատասխանատւութիւն է՝ նախ հաշւի առնելով, որ ընդհանրապէս նոր է ձեւաւորւում գրասենեակը, գործառոյթները».- ասաց Մանոյեանը՝ անդրադառնալով յանձնակատարի նշանակման հարցին։

  • Սփիւռքի յանձնակատար՝ նախարարի փոխարէն. մնում է տեսնել` կը լինե՞ն գործեր կենացների փոխարէն
    Սփիւռքի յանձնակատար՝ նախարարի փոխարէն. մնում է տեսնել` կը լինե՞ն գործեր կենացների փոխարէն

    Դուր է գալիս դա մեզ, թէ ոչ, բայց աւելի շատ հայեր ապրում են Հայաստանից հեռու, քան հայրենիքում: Երեւի եռապատիկ աւելի շատ: Դա առկայ իրողութիւն է: Ողջ հարցն այն է, թէ ինչպէս անել, որ այդ իրողութիւնը իրապէս շարունակի մնալ մեր մրցակցային պոտենցիալ առաւելութիւններից մէկը, ամենակարեւորը՝ սկսի փաստացի առաւելութիւն ու աւելի մեծ տնտեսական, քաղաքական, համազգային արդիւնք տալ:

  • Մենք տակաւին այդ շունն ենք
    Մենք տակաւին այդ շունն ենք

    Սփիւռքը սունկի նման չբուսաւ։ Ան պարտադրուեցաւ, որպէսզի վերանայ հայրենիքը եւ ընդհուպ չքանայ ազգը։ Սփիւռքահայը մացառի նման չչորացաւ, հողմերուն զարնուեցաւ բայց դիմացաւ, որպէսզի ապրի եւ իրմով ապրեցնէ կորսուած հայրենիքը։

  • Հայկականութեան նոր ճարտարապետութիւն կերտելու մասին
    Հայկականութեան նոր ճարտարապետութիւն կերտելու մասին

    Հայկական ազգային օրակարգի առաջնային խնդիրներից մէկը շարունակում է մնալ Սփիւռքի կամ աւելի ճիշտ կը լինի ասել՝ համահայկականութեան նոր, համարձակ ու արդիւնաւէտ ճարտարապետութեան հարցը։ Հայաստան-Սփիւռք գործակցութեան ընկալումների ու տարւող քաղաքականութեան, օրակարգերի ձեւաւորման ու առաջմղման այն մոդելը, որն ունենք այսօր, ձեւաւորւել է նախորդ դարում եւ ոչ ամբողջութեամբ է համարժէք ժամանակի պահանջներին։ Իսկ եթէ անկեղծ, այն այսօր արդիւնաւէտութեան տեսանելի ճգնաժամ է ապրում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։