Հա
09/06/2018 - 09:50

Հզօր Լիբանան համախմբումը աւարտեց իր դռնփակ հանդիպումը` ընդգծելով ժողովրդավարական համագործակցութեան կարեւորութիւնը

Հզօր Լիբանան համախմբումի դռնփակ հանդիպումի պաշտօնական մեկնարկը կատարուեցաւ երէկ առաւօտեան, Զահլէի «Քատիրի» պանդոկին մէջ` նախագահութեամբ Ազգային ազատ հոսանք կուսակցութեան ղեկավար, երեսփոխան Ժըպրան Պասիլի եւ մասնակցութեամբ համախմբումը բաղկացնող բոլոր ուժերուն, որոնց շարքին` ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունիի եւ Հայկական երեսփոխանական պլոքի անդամներ Յակոբ Թերզեանի եւ Ալեքսանտր Մաթոսեանի:

Հզօր Լիբանան համախմբումի դռնփակ հանդիպումի պաշտօնական մեկնարկը կատարուեցաւ երէկ առաւօտեան, Զահլէի «Քատիրի» պանդոկին մէջ` նախագահութեամբ Ազգային ազատ հոսանք կուսակցութեան ղեկավար, երեսփոխան Ժըպրան Պասիլի եւ մասնակցութեամբ համախմբումը բաղկացնող բոլոր ուժերուն, որոնց շարքին` ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունիի եւ Հայկական երեսփոխանական պլոքի անդամներ Յակոբ Թերզեանի եւ Ալեքսանտր Մաթոսեանի:

Համախմբումի նախագահ Պասիլ շեշտեց, որ համախմբումին դիմաց կայ նոր մարտահրաւէր մը, որ կը կոչուի նուաճում կամ իրագործում:

Ան հաստատեց, որ իբրեւ հանրապետութեան նախագահ զօր. Միշել Աունին զօրակցող համախմբում, իրենք գործակցութեան ձեռք կ՛երկարեն լիբանանեան քաղաքական բոլոր ուժերուն:

Պասիլ նշեց, որ համախմբումին համար քաղաքական գլխաւոր գործունէութիւնը պիտի ըլլայ փտածութեան դէմ պայքարը, որ պիտի մղուի Հըզպալլայի հետ միասնաբար, ինչպէս նաեւ վարչապետ Սաատ Հարիրիի հետ պիտի շարունակեն սերտ գործակցութիւնը` բարելաւելու համար երկրին տնտեսական վիճակը:

Պասիլ նշեց, որ Ազգային ազատ հոսանք կուսակցութիւնը պիտի շարունակէ Լիբանանեան ուժերուն հետ իր սկսած ուղեգիծը, ինչքան ալ շատ ըլլան իրենց դէմ կատարուած ցեխարձակումները:

Պասիլ հաստատեց, որ համախմբումը յառաջիկայ ամսուան ընթացքին դռնփակ այլ հանդիպում մը պիտի գումարէ` կառավարութեան եւ խորհրդարանական յանձնախումբերուն կազմութենէն ետք:

Իր կարգին, համախմբումի ընդհանուր քարտուղար, երեսփոխան Իպրահիմ Քանաան յայտնեց, որ համախմբումը համապարփակ պատկերացում եւ աշխատանքային ծրագիր մշակած է յաջորդ փուլին համար` տնտեսական, ընկերային, կրթական թէ երիտասարդական մակարդակներու վրայ:

Դռնփակ հանդիպումի աւարտին Պասիլ յայտնեց, որ համախմբումը ընդգծած է ժողովրդավարական համագործակցութեան կարեւորութիւնը:

Պասիլ շեշտեց, որ իրենց համար առաջնահերթութիւն է սուրիացի տեղահանուածներու թղթածրարը ներառել կառավարութեան աշխատանքային ծրագիրին մէջ: Ան աւելցուց, որ իրենք պատրաստ են Լիբանանին միայն դրականը տրամադրելու:

Պասիլ նշեց, որ դռնփակ հանդիպումին ընթացքին կազմուած են յանձնախումբեր` 18 թղթածրարներու աշխատանքը հետապնդելու նպատակով:

Պասիլ յայտնեց, որ ինք եւ երեսփոխան Յ. Բագրատունի պիտի նախագահեն դիւանագիտութեան եւ լիբանանեան սփիւռքի կարեւոր թղթածրարը:

Երեսփոխան Յակոբ Թերզեան պիտի հետապնդէ մաքսատան եւ ընդհանուր տուրքերու պարագային արձանագրուած օրինազանցութիւնները, իսկ երեսփոխան Ալեքսանտր Մաթոսեան պիտի գործէ առողջապահութեան, դեղորայքի եւ փտածութեան դէմ պայքարի յանձնախումբերուն շրջագիծին մէջ:

Ան նշեց նաեւ, որ պաշտպանութեան ռազմավարութեան եւ ահաբեկչութեան դէմ պայքարի աշխատանքը պիտի հետապնդէ երեսփոխան Շամել Ռուքոզի գլխաւորած յանձնախումբը, տնտեսական եւ ելեւմտական թղթածրարը` երեսփոխան Քանաանի գլխաւորած յանձնախումբը:

«Ազգային ազատ հոսանք կուսակցութիւնը պիտի ըլլայ նաեւ վարչական ապակեդրոնացեալ դրութեան հաստատումի աշխուժ մեքենան», հաստատեց Պասիլ:

«Ազդակ»

Յարակից լուրեր

  • Մեկնարկ` Լեռնալիբանանի Ցեղասպանութեան ճանաչման գործընթացին
    Մեկնարկ` Լեռնալիբանանի Ցեղասպանութեան ճանաչման գործընթացին

    Լիբանանի տարբեր շրջաններուն մէջ Հայոց ցեղասպանութեան 100-ամեակին առիթով կազմակերպուած դասախօսական հանդիպումներուն, լիբանանցի օրէնսդիրներ եւ քաղաքական գործիչներ արծարծած էին նաեւ Օսմանեան կայսրութեան կողմէ Լեռնալիբանանի դէմ կիրարկուած սովամահութեամբ զանգուածային սպանութիւններ կազմակերպելու պետական քաղաքականութեան հետեւանքները:

  • ՀՅԴ-Փաղանգաւոր հանդիպում. «Ապրիլ 24»-ը Ցեղասպանութեան յիշատակումի օր հռչակելու օրինագիծ
    ՀՅԴ-Փաղանգաւոր հանդիպում. «Ապրիլ 24»-ը Ցեղասպանութեան յիշատակումի օր հռչակելու օրինագիծ

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի եւ Կեդրոնական կոմիտէի անդամ Վիգէն Աւագեան երէկ կէսօրին «Շաղզոյեան» կեդրոնին մէջ ընդունեցին Փաղանգաւոր կուսակցութեան ղեկավար, երեսփոխան Սամի Ժեմայէլը, որուն ընկերակցեցաւ Փաղանգաւոր կուսակցութեան մէկ պատուիրակութիւնը: 

  • Ատրպատականի հայոց թեմի առաջնորդը ընդունեց թաւրիզահայ արւեստագէտ արծաթագործ Զարեհ Բուդաղեանին
    Ատրպատականի հայոց թեմի առաջնորդը ընդունեց թաւրիզահայ արւեստագէտ արծաթագործ Զարեհ Բուդաղեանին

    Հինգշաբթի, 3 յունւար 2019-ին, թաւրիզահայ արւեստագէտ արծաթագործ-փորագրիչ Զարեհ Բուդաղեանը այցելեց ազգային առաջնորդարան եւ ներկայացաւ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանին, Լիբանանում կիրառական արւեստների յատուկ բարձրամակարդակ ցուցահանդէսին իր բերած մասնակցութիւնից վերադարձի առիթով:

  • Ընկ. Հրայրին. Պի՛նդ է դաշնակցութիւնը
    Ընկ. Հրայրին. Պի՛նդ է դաշնակցութիւնը

    ՀՅ Դաշնակցութեան նորագոյն պատմութեան մէջ ընկ. Հրայր Մարուխեան կը պատկանի այն փաղանգին, որ իւրայատուկ դրոշմ եւ ուժականութեամբ յատկանշուած կշիռ տուած է ո՛չ միայն Դաշնակցութեան, այլ նաեւ Դաշնակցութեան ճամբով համայն հայ ժողովուրդին:

  • ՀՅԴ Լիբանանի Կեդրոնական կոմիտէն այցելեց վարչապետ Հարիրիի
    ՀՅԴ Լիբանանի Կեդրոնական կոմիտէն այցելեց վարչապետ Հարիրիի

    ՀՅԴ Լիբանանի Կեդրոնական կոմիտէի պատուիրակութիւն մը, որուն մաս կազմեցին Կեդրոնական կոմիտէի ներկայացուցիչ, երեսփոխան Յակոբ Բագրատունի եւ զբօսաշրջութեան նախարար Աւետիս Կիտանեան, դեկտեմբերի 20-ին այցելեց վարչապետ Սաատ Հարիրիի: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։