Հա
28/06/2018

Մեծի Տանն Կիլիկիոյ կաթողիկոսութեան եւ Իրանի Իսլամական Հանրապետութեան մշակոյթի ու միջազգային հաղորդակցութեան կեդրոնին միջեւ կրօններու երկխօսութիւնը ընթացք առաւ Անթիլիասի մայրավանքին մէջ

Չորեքշաբթի, 27 յունիս 2018-ի երեկոյեան, Անթիլիասի մայրավանքին մէջ ընթացք առաւ «Կրօնը եւ կենսոլորտը» խորագիրով Մեծի Տանն Կիլիկիոյ կաթողիկոսութեան եւ Իրանի Իսլամական Հանրապետութեան մշակոյթի եւ միջազգային հաղորդակցութեան կեդրոնին միջեւ 8-րդ երկխօսութիւնը։

«alikonline.ir» - Չորեքշաբթի, 27 յունիս 2018-ի երեկոյեան, Անթիլիասի մայրավանքին մէջ ընթացք առաւ «Կրօնը եւ կենսոլորտը» խորագիրով Մեծի Տանն Կիլիկիոյ կաթողիկոսութեան եւ Իրանի Իսլամական Հանրապետութեան մշակոյթի եւ միջազգային հաղորդակցութեան կեդրոնին միջեւ 8-րդ երկխօսութիւնը։ 

Բացման նիստին հանդէս եկան Ն.Ս.Օ.Տ.Տ. Արամ Ա կաթողիկոսն ու վերոյիշեալ կեդրոնին նախագահը՝ դոկտ. Իբրահիմի Թիւրքմենը։ 

Վեհափառ Հայրապետը առաջին հերթին իր գնահատանքը յայտնեց տուեալ երկխօսութեան նախաձեռնութեան՝ ընդգծելով նիւթին անհրաժեշտ ու այժմէական բնոյթը եւ բարի գալուստ մաղթեց Իրանէն ժամանած հիւրերուն, ինչպէս նաեւ ներկայացուց Մեծի Տանն Կիլիկիոյ կաթողիկոսութեան ներկայացուցիչները։ 

Հանդէս գալով «Կրօնը եւ կենսոլոտը» նիւթին իր ներկայացումով, Վեհափառ Հայրապետը յայտնեց, որ ոչ թէ տեսական, այլ գոյութենապաշտ մօտեցումով պիտի արծարծուին կենսոլորտին դիմագրաւած տագնապները, նկատի ունենալով որ տագնապը առաջին հերթին մարդուն, արարիչին ու արարչութեան հետ յարաբերութեան չարաշահումին հետեւանքն է։ Քրիստոնէական տեսանկիւնէն դիտելով, Հայրապետը նշեց, որ այն ինչ որ Աստուծոյ ստեղծագործութիւնն է բարի է, սակայն մարդոց ուժի ապօրինի գործածութիւնն ու անձնական շահերու հետապնդումը պատճառ կը դառնան կենսոլորտի քայքայման։ Մարդ արարածը պատասխանատուութիւն ունի կենսոլորտին ու բնութեան հանդէպ. ան ոչ թէ տէրն է, այլ ծառան է, ըսաւ Վեհափառ Հայրապետը։ Ան շեշտեց, որ կենսոլոտին ճգնաժամը հիմնականօրէն աստուածաբանական, բարոյական ու բարոյագիտական hիմք ունի։ Մէկ կողմէն տնտեսական անհաւասար աճը, միւս կողմէն աղբիւրներու անհաւասար դասաւորումը պատճառ դարձած են աղքատութեան ու պատերազմներու, որոնք կենսոլորտի չարաշահումի հիմնախնդիրներէն են։ Եզրափակելով իր խօսքը՝ Հայրապետը ընդգծեց, որ աղբիւրներու հաւասար բաշխումը, ստեղծագործութեան հանդէպ բարոյական արժէքներով մօտեցումն ու Աստուծոյ հանդէպ պատասխանատուութիւնը կրնան լուծել կենսոլորտին ճգնաժամին խնդիրը։ 

Ապա, խօսք առաւ դոկտ. Իբրահիմի։ Ան, առաջին հերթին, շնորհակալական խօսք ուղղեց Նորին Սրբութեան եւ Մեծի Տանն Կիլիկիոյ կաթողիկոսութեան, այս երկխօսութեան հիւրընկալութեան համար։ Խօսելով մարդոց կենսոլորտին հանդէպ պատասխանատուութեան մասին, թուեց երկու հիմնական դիրքորոշումներ, որոնցմէ առաջինը կը պաշտպանէ այն թէզը, որ մարդ արարածը ժառանգորդ է եւ իր կարգին կենսոլորտը պիտի փոխանցէ իր յաջորդներուն, իսկ երկրորդը կը պաշտպանէ այն թէզը, որ մարդ արարածը տէրն ու տիրականն է կենսոլորտին։ Դոտկ. Իպրահիմին իր ներկայացումը շարունակեց՝ ընդգծելով մարդոց ագահութեան եւ անպատասխանատուութեան հետեւանքով տեղի ունեցած վնասները, որուն պատճառներէն մէկն է Աստուծոյ հետ խզումը, եւ ընդծեց կրօնական դաստիարակութեան անհրաժեշտութիւնը այս առնչութեամբ։ Աւարտին, ան յոյս յայտնեց, որ տուեալ երկխօսութիւնը իր ազդեցութիւնը կունենայ բարելաւելու մարդոց կենսամակարդակը եւ ապահովելու յաջորդող սերունդներուն բարեկեցիկ կեանքը։ 

Նշենք, որ «Կրօնը եւ կենսոլորտը» երկխօսութեան առաջին նիստին ներկայացում ունեցան այաթ. դոկտ. Ահմադ Մոբալաղի եւ գերշ. Տ. Սեպուհ արք. Սարգիսեան՝ «Կրօնապետներու փոխազդեցութիւնը կենսոլորտին վրայ. Մոհամմադ Մարգարէի եւ Յիսուս Քրիստոսի օրինակով» նիւթով, որմէ ետք յիշեալ նիւթին շուրջ տեղի ունեցաւ քննարկում։ 

Եռօրեայ երկխօսութեան առաջին օրը իր աւարտին հասաւ պաշտօնական խմբանկարով մը։

Image Gallery

{gallery}47875{/gallery}

Յարակից լուրեր

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Երկուշաբթի, 17 սեպտեմբեր 2018-ի առաւօտեան թեմիս առաջնորդ գերշ. Տ. Սեպուհ Ս. արք. Սարգսեանին այցելեցին Թեհրանի քաղաքապետարանի 6-րդ շրջանի մշակութային եւ հասարակական հարցերի օգնական ճրտ. Ալի Փուր Զոնուզին եւ նոյն պաշտօնով՝ նոյն շրջանի առաջին բաժնի օգնական դոկտ. Զանդին։

  • Կարէն Խանլարեանը՝ Աւստրալիայի դեսպանի հետ հանդիպման ժամանակ. «ԱՄՆ-ին չի յաջողւի պատժամիջոցների գործադրման միջոցով հասնել իր նպատակներին»
    Կարէն Խանլարեանը՝ Աւստրալիայի դեսպանի հետ հանդիպման ժամանակ. «ԱՄՆ-ին չի յաջողւի պատժամիջոցների գործադրման միջոցով հասնել իր նպատակներին»

    Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը երէկ՝ սեպտեմբերի 4-ին հանդիպել է Իրանում Աւստրալիայի դեսպան Իեան Բէյգզի հետ:

  • Վերամուտի առիթով հանդիպում
    Վերամուտի առիթով հանդիպում

    Հանդիպման հիմնական նպատակը համատեղ կերպով քննարկելն էր՝ մեր դպրոցների հետ կապւած հարցեր, յատկապէս կրօնի եւ Ադեանի դասանիւթերի եւ այդ նիւթերը դասաւանդող ուսուցիչների աշխատանքի եւ դասապահերի հետ։ Խօսւեց նաեւ դպրոցական 2018-2019 տարեշրջանի վերամուտի հետ կապւած հարցերի մասին։

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Չորեքշաբթի օգոստոս 29, 2018 թ.-ի կէսօրին, Իրանի Իսլամական Հանրապետութիւնում հաւատարմագրւած Ռուսաստանի Դաշնութեան արտակարգ եւ լիազօր դեսպան՝ մեծարգոյ պրն. Լեւոն Ջաղարեանը, այցելեց թեմիս առաջնորդ՝ գերշ. Տ. Սեպուհ Ս. արք. Սարգսեանին:

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Չորեքշաբթի օգոստոսի 29-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց տիկնայք՝ Դորիս Ջաղարբէգեան, Նինա Թորոսեան եւ Սոֆի Ջաղարբէգեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։