Հա
05/07/2018 - 09:30

 «Los Angeles Times»-ի անդրադարձը. «Հայաստանը սկսել է վերագտնել իր կապը սփիւռքի հետ՝ սկսելով Գլենդէլից

«Los Angeles Times» պարբերականն անդրադարձել է Գլենդէլ Հայաստանի մշակոյթի նախարար Լիլիթ Մակունցի այցին, որի ընթացքում նա կիսւել է Հայաստանի ժամանցային մշակոյթի ապագայի մասին իր տեսլականով եւ պատասխանել Հայաստանում տեղի ունեցած յեղափոխութեան մասին հարցերի:

«alikonline.ir» - «Los Angeles Times» պարբերականն անդրադարձել է Գլենդէլ Հայաստանի մշակոյթի նախարար Լիլիթ Մակունցի այցին, որի ընթացքում նա կիսւել է Հայաստանի ժամանցային մշակոյթի ապագայի մասին իր տեսլականով եւ պատասխանել Հայաստանում տեղի ունեցած յեղափոխութեան մասին հարցերի: Տեղեկացնում է «tert.am»-ը:

«Դաունթաուն Սենթրալ Լայբրըրի»-ում տեղի ունեցած միջոցառման ժամանակ Մակունցը յայտարարել է, որ նախարարութեան համագործակցութիւնը Լոս Անջելէսում եւ Երեւանում հիմնւած «Ստեղծարար Հայաստան» հիմնադրամի հետ կաջակցի Հայաստանի կառավարութեանը երկրի ժամանցային մշակոյթի բարեփոխումների հարցում:

Ինչպէս գրում է յօդւածագիրը, այս հանդիպումը կարեւոր իրադարձութիւն էր Գլենդէլի համար, որտեղ բնակւում են Արեւմուտքում ամենամեծ թւով հայերը, որոնց մեծ մասն արտագաղթել է Հայաստանից վերջին տասնամեակներին:

«Մենք յոյս ունենք, որ սա նախարարի, Հայաստանի կառավարութեան եւ Գլենդէլի ժողովրդի միջեւ շատ աւելի ակտիւ այցերի, խորը եւ աւելի ջերմ կապերի սկիզբն է»,- ասել է Գլենդէլի քաղաքային խորհրդի անդամ Արա Նաջարեանը:

Յօդւածագիրը նշում է, որ 34-ամեայ Մակունցը մէկուկէս ամիս է, ինչ զբաղեցնում է մշակոյթի նախարարի պաշտօնը: Նա 19 նորանշանակ նախարարներից մէկն է, որոնց մի մասն այժմ վարչապետ Նիկոլ Փաշինեանի առաջնորդած ցոյցերի, որոնք աւելի ուշ յայտնի դարձան որպէս «Թաւշեայ յեղափոխութիւն», երիտասարդ մասնակիցներ են եղել:

Գլենդէլի գրադարանում ակնյայտ է եղել առաջին ձեռքից յեղափոխութեան մասին լսելու շուրջ ոգեւորութիւնը, երբ Մակունցը 400 ներկաների հետ կիսւել է իր փորձով եւ ներկայացրել Հայաստանում մշակոյթի մասին իր տեսլականը, գրում է պարբերականը։

Յօդւածագիրը նշում է, որ Մակունցը սկսել է խօսել անգլերէն, բայց հաւաքւածների առաջարկից յետոյ նա շարունակել է խօսել հայերէն: Ամերիկահայ բնակիչների համար հանդիպումը բացառիկ հնարաւորութիւն էր իրենց հայրենիքի իշխանութիւնների հետ նոր կապ ստեղծելու համար:

«Ստեղծարար Հայաստան»-ի փոխնախագահ Ալեք Մուհիբեանը յայտնել է, որ իշխանափոխութիւնից յետոյ, սփիւռքը կարող է «Հայաստանը դիտել որպէս հնարաւորութիւն, այլ ոչ որպէս բեռ»:

Նաջարեանն, իր հերթին, յաւելել է, որ այժմ, երբ սփիւռքը Հայաստանի իշխանութիւններից ունի աջակցութիւն, Գլենդէլում յոյսի զգացողութիւն կայ:

«Գլենդէլում մեծ փոփոխութիւն է տեղի ունեցել, որովհետեւ քաղաքը շատ սերտօրէն է կապւած Հայաստանի հետ՝ չնայած հեռաւորութեանը: Մենք իսկապէս հաւատում ենք, որ իշխանութեան այս նոր փոփոխութիւնը բերելու է շատ աւելի բաց, աւելի ազատ եւ շատ աւելի թափանցիկ կառավարման, մի բան, որ տասնամեակներ շարունակ բոլորը ցանկանում էին տեսնել Հայաստանում»,- ասել է նա:

Յարակից լուրեր

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

  • «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը
    «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը

    Հեղինակաւոր «Ալ Ջազիրա» լրատւամիջոցն անդրադարձել է Սիրիայում ընթացող քաղաքացիական պատերազմի սկզբում Հալէպից Երեւան տեղափոխւած 31-ամեայ ոսկերիչ Վահէ Յովհաննիսեանի կեանքի պատմութեանը:

  • Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ
    Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ

    Իսրայէլի պաշտպանութեան նախարարութիւնը թոյլ է տւել «Aeronautics Defense Systems Ltd» ընկերութեանը վերսկսել Ադրբեջանին «Orbiter 1K» մարտական անօդաչու-կամիկաձեներ առաքելը։ Պաշտօնատար անձինք շարունակում են մնալ պատժամիջոցների տակ, բայց ընկերութիւնն այսուհետ ազատ է իր գործողութիւններում։ Տարօրինակ ոչ մի բան չկայ, որ նման որոշում ընդունւել է հէնց այս ժամանակահատւածում։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։