Հա
01/09/2018 - 08:00

Ստամբուլի հայկական «Մարմարա»-ն տօնում է հիմնադրման 78-ամեակը

Ստամբուլում լոյս տեսնող հայկական «Մարմարա» օրաթերթն օգոստոսի 31-ին տօնում է 78-ամեակը: Ստամբուլի հայ համայնքում մինչ օրս գործող փոքրաթիւ պարբերականներից մէկը՝ «Մարմարա»-ն հիմնւել է 1940 թւականին՝ լրագրող Սուրէն Շամլեանի կողմից, ում ջանքերով էլ թերթի շուրջ ժամանակին համախմբւեցին ճանաչւած մտաւորականներ: 1967 թւականից մինչ օրս թերթի գլխաւոր խմբագրի պաշտօնը ստանձնում է Ռոպեր Հատտէճեանը: 

«alikonline.ir» - Ստամբուլում լոյս տեսնող հայկական «Մարմարա» օրաթերթն օգոստոսի 31-ին տօնում է 78-ամեակը: Ստամբուլի հայ համայնքում մինչ օրս գործող փոքրաթիւ պարբերականներից մէկը՝ «Մարմարա»-ն հիմնւել է 1940 թւականին՝ լրագրող Սուրէն Շամլեանի կողմից, ում ջանքերով էլ թերթի շուրջ ժամանակին համախմբւեցին ճանաչւած մտաւորականներ: 1967 թւականից մինչ օրս թերթի գլխաւոր խմբագրի պաշտօնը ստանձնում է Ռոպեր Հատտէճեանը: Գրում է «Արմէնպրես»-ը:

Այս տարիների ընթացքում «Մարմարա»-ն ոչ միայն խոշորացոյցի տակ է պահել Ստամբուլի հայ համայնքում տեղի ունեցող կարեւորագոյն իրադարձութիւնները՝ իր էջերում լայնօրէն լուսաբանելով դրանք, այլեւ դարձել է այն դարբնոցը, որտեղ ձեւաւորւեց ստամբուլահայ նոր գրականութիւնը: Թերթում մինչ օրս լոյս են տեսնում հայագիտական յօդւածներ, գրական ստեղծագործութիւններ:

«Մարմարա» թերթը, լինելով հարազատ համայնքի մտահոգութիւնների անմիջական արտայայտողը, անմասն չի մնացել փորձութիւններից: Նա դիմակայել է թէ՛ Երկրորդ աշխարհամարտի տարիներին Թուրքիայում պետականօրէն խրախուսւող ազգայնամոլութեան պոռթկումների, թէ՛ 1955 թ. սեպտեմբերի 6-ին Ստամբուլում իշխանութեան հրահանգով թուրք խուժանի կազմակերպած խժդժութիւնների եւ թէ՛ յաջորդ տարիների պետական յեղաշրջումների շրջաններում:

Համատարած բռնութեան պայմաններում հասարակական-քաղաքական կազմակերպութիւնների հետ իրենց գործունէութիւնը դադարեցրին նաեւ թուրքական մի շարք թերթերի խմբագրութիւնները: Հակառակ այդ ամէնին, սակայն, «Մարմարա» օրաթերթը, շնորհիւ հաւասարակշիռ դիրքորոշման, կարողացաւ շարունակել իր «հանդիպումներն» ընթերցողների հետ: Ներկայում թերթն ունի համացանցային էջ, իսկ 2001 թ.-ից հրատարակում է նաեւ թուրքերէն մէկշաբաթեայ յաւելւածը` «Նոր Մարմարա»-ն, որում ընդգրկւում են շաբաթւայ կարեւորագոյն իրադարձութիւնները: Յաւելւածը հասցէագրւած է թրքախօս հայերին, ովքեր չեն կարողանում կարդալ հայերէն, սակայն ցանկանում են հաղորդակից դառնալ հայ կեանքին:

Յարակից լուրեր

  • ԱՆԴՐԱԴԱՐՁ - Ռասիմ Օզան Քիւթահեալը հարցնում է. «Մենք ո՞ւմ թոռներն ենք, Թալէաթների՞, թէ՞ հայերին պաշտպանողների»
    ԱՆԴՐԱԴԱՐՁ - Ռասիմ Օզան Քիւթահեալը հարցնում է. «Մենք ո՞ւմ թոռներն ենք, Թալէաթների՞, թէ՞ հայերին պաշտպանողների»

    Թուրքական «Սաբահ» օրաթերթի սիւնակագիր Ռասիմ Օզան Քիւթահեալը, որ մի առ ժամանակից ի վեր 1915-ի մասին ուշագրաւ յօդւածներ է հրատարակում ու յարգանքով է յիշում այն պատւաւոր թուրք մարդկանց ու պաշտօնեաներին, որոնք 1915 թւականին հերոսաբար դէմ եկան իթթիհադականների կողմից կազմակերպւած սպանդի տեղահանութեան, նաեւ ունի մի յօդւած, որտեղ հարց է տալիս, թէ Թաքսիմի «Գեզի» հանրապարտէզի ոգին էլ ո՞ւմ ճանապարհի վրայ է, նա՞ էլ Թալէաթ փաշայի ուղիներին է հետեւում:

  • Թուրքիայում լոյս տեսաւ «24 Ապրիլ 1915» հատորը
    Թուրքիայում լոյս տեսաւ «24 Ապրիլ 1915» հատորը

    Պատմաբան եւ հետազօտող Նեսիմ Օւատիա Իզրայիլը հրապարակ հանեց «24 Ապրիլ 1915» խորագրով մի կոթողային ուսումնասիրութիւն, որն իր ընդհանուր գծերում նւիրւած է 1915 թ. ապրիլի 24-ի գիշերը Ստամբուլում ձերբակալւած հայ մտաւորականների ոդիսականին եւ այդ պահից յետոյ իրագործւած ոճիրներին ու մաքրագործումներին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։