Հա
11/09/2018 - 09:50

Թուրքիայում հիմնադրւել է Դերսիմի ու Դերսիմի հայերի մասին ուսումնասիրութիւններ հրատարակող հայկական հրատարակչատուն

Թուրքիայում հիմնադրւել է Դերսիմի ու Դերսիմի հայերի մասին ուսումնասիրութիւններ ու գրքերի թարգմանութիւններ հրատարակող «Փրկիչ» հայկական հրատարակչութիւնը։ Այն հիմնադրւել է Դերսիմի հայերի միութեան հիմնադիր ու նախկին նախագահ Միրան Գիւլթեկինի կողմից: 

«alikonline.ir» - Թուրքիայում հիմնադրւել է Դերսիմի ու Դերսիմի հայերի մասին ուսումնասիրութիւններ ու գրքերի թարգմանութիւններ հրատարակող «Փրկիչ» հայկական հրատարակչութիւնը։ Այն հիմնադրւել է Դերսիմի հայերի միութեան հիմնադիր ու նախկին նախագահ Միրան Գիւլթեկինի կողմից: Այս մասին ըստ «tert.am»-ի՝ գրում է Ստամբուլի հայկական պարբերականներից «Ակօս»-ը։

Յայտնի է, որ հրատարակչութիւնն արդէն հասցրել է լոյս ընծայել իր առաջին գիրքը՝ Վարդգէս Անդրէասեանի Դերսիմի մասին յուշերը, որոնց բնօրինակը հայերէն է։ «Դերսիմի ողբը-1915» գրքի թուրքերէն թարգմանութեամբ զբաղւել է Տիրան Լոքմագեոզեանը։

«Մահմեդականացւած հայերի մասին պատմութիւնները վերջին տարիներին ջրի երես դուրս եկան։ Խօսելու, պատմելու ու գրելու ընթացքում տեսնում ենք, որ շատ-շատ պատմութիւններ կան։ Երբ մարդիկ սկսում են պատմել, թէկուզ մի քիչ, վէրքը լաւանում է։ Պատմելն ու իրար հասկանալը հրատարակւած ամէն պատմութեան հետ պէտք է աւելի հեշտանայ»,- ասել է Գիւլթեկինն «Ակօս»-ի հետ զրոյցում։

Հրատարակչութիւնը նպատակ ունի լոյս ընծայել Դերսիմի պատմութեան ու դերսիմահայութեան մասին թէ՛ Թուրքիայում արւած հետազօտութիւններ, թէ՛ Հայաստանում ու Սփիւռքում հրատարակւած, բայց դեռեւս թուրքերէն թարգմանութիւն չունեցող գրքեր։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։