Հա
18/09/2018 - 09:00

Լոնդոնի Թագաւորական քոլեջում փորձաքննւել է ՀՀ Չինաստանի «Մետաքսի ճանապարհ»-ին միանալու ռազմավարութիւնը

2018 թ. սեպտեմբերի 12-ից 16-ը Լոնդոնի Թագաւորական քոլեջի եւ «Մեծ Բրիտանիայի չինագիտութեան ասոցիացիայի» յատուկ հրաւէրքով Լոնդոն էր ժամանել «Չինաստան-Եւրասիա քաղաքական եւ ռազմավարական հետազօտութիւնների խորհուրդ» հիմնադրամի ղեկավար Մհեր Սահակեանը, ով ներկայ բրիտանացի եւ հրաւիրւած արտասահմանցի գիտնականներին, դիւանագէտներին ներկայացրեց «Մէկ գօտի, մէկ ճանապարհ» նախաձեռնութեան ֆինանսական ռեսուրսները եւ Հայ-չինական ֆինանսաբանկային համագործակցութեան հեռանկարները» հետազօտութիւնը:

«alikonline.ir» - 2018 թ. սեպտեմբերի 12-ից 16-ը Լոնդոնի Թագաւորական քոլեջի եւ «Մեծ Բրիտանիայի չինագիտութեան ասոցիացիայի» յատուկ հրաւէրքով Լոնդոն էր ժամանել «Չինաստան-Եւրասիա քաղաքական եւ ռազմավարական հետազօտութիւնների խորհուրդ» հիմնադրամի ղեկավար Մհեր Սահակեանը, ով ներկայ բրիտանացի եւ հրաւիրւած արտասահմանցի գիտնականներին, դիւանագէտներին ներկայացրեց «Մէկ գօտի, մէկ ճանապարհ» նախաձեռնութեան ֆինանսական ռեսուրսները եւ Հայ-չինական ֆինանսաբանկային համագործակցութեան հեռանկարները» հետազօտութիւնը, որի նպատակն է ճանապարհային ռազմավարական քարտէզ հանդիսանալ, որի միջոցով Հայաստանը կը խթանի Հայ-չինական տնտեսական համագործակցութիւնը։

Գիտաժողովի հրաւիրւած բանախօսների թւում էին Իւնիւն Ջոուն (Օքսֆորդի համալսարան), Հեաֆէր Ինւուդը (Քեմբրիջի համալսարան), Սիալին Ջանը (Նոթինգհեմի համալսարան), Նադիա Սարթորեթթին (Ժնեւի համալսարան) Ջոնաթհան Չափփէլը (Լոնդոնի Թագաւորական քոլեջ), Լէյ Սիէն (Չինաստանի գիտութիւնների ակադեմիա) Ջերոմէ Դոյոնը (Օքսֆորդի համալսարան),  Նիկոլաս Մկգիին (Տորոնտոյի համալսարան), Ռաքէլ Հարրիսը (Լոնդոնի համալսարան), Ալեքսանդրա Կուբատը (Լոնդոնի Թագաւորական քոլեջ), Հելենա Լոպէսը (Օքսֆորդի համալսարան) եւ այլք։

Լոնդոնի Թագաւորական քոլեջը Մեծ Բրիտանիայի լաւագոյն բուհերից է։

Մհեր Սահակեանը ղեկավարում է «Չինաստան-Եւրասիա քաղաքական եւ ռազմավարական հետազօտութիւնների խորհրուրդ» հիմնադրամը։ Միջազգային յարաբերութիւնների մասնագիտացմամբ գիտական թեզ է պաշտպանել Չինաստանի Նանծինի համալսարանում, 2018 թ․ օգոստոսին հայերէն լեզւով լոյս է տեսել նրա «Չինաստանի Մէկ գօտի, մէկ ճանապարհ նախաձեռնութիւնը եւ Հայաստանը» գիրքը։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։