Հա
31/10/2018 - 11:30

Կեանքից հեռացել է Հայոց Ցեղասպանութիւնը վերապրած կանադահայ Սիրվարդ Քուրտեանը

Տորոնտոյի բնակչուհի Հայոց Ցեղասպանութիւնը վերապրած Սիրվարդ Քուրտեանը կեանքից հեռացել է 106 տարեկան հասակում: 

«alikonline.ir» - Տորոնտոյի բնակչուհի Հայոց Ցեղասպանութիւնը վերապրած Սիրվարդ Քուրտեանը կեանքից հեռացել է 106 տարեկան հասակում: «Արմէնպրես»-ի հաղորդմամբ, այս մասին տեղեկացնում է «Հորիզոն»-ը:

Սիրվարդ Քուրտեանը ծնւել է հարկադիր տեղահանութեան սկսւելուց երեք տարի առաջ: Նա ստիպւած է եղել իր մօր, եղբայրների եւ քոյրերի հետ Էրզրումից հասնել Թուրքիայի արեւելք, այնուհետեւ Մոսուլ քաղաք: Ճանապարհորդութիւնը տեւել է 6 ամիս: Սիրվարդի հայրը սպանւել է 1915 թւականին թուրքերի կողմից:

Մոսուլ հասնելուց յետոյ, որոշ ժամանակ անց նրանք տեղափոխւում են Սիրիայի Հալէպ քաղաք: Այդ ժամանակ այդտեղ աւելի քան 100 հազար հայ վերապրածներ կային, որոնց թւում՝ նաեւ բազմաթիւ որբեր: Այնտեղ Սիրվարդը սկսում է յաճախել դպրոց եւ շուտով իր դասարանի առաջատարներից է դառնում: 15 տարեկանում ամուսնանում է Խաչիկ Քուրտեանի հետ: 1974 թւականին Խաչիկ Քուրտեանը մահանում է: 1991 թւականին Սիրվարդն իր ընտանիքի հետ տեղափոխւում է Կանադա:

«Հորիզոն»-ը շուտով կը ներկայացնի Սիրվարդ Քուրտեանի ամբողջական կենսագրութիւնը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։