Հա
22/12/2018 - 09:30

ՀՅԴ Լիբանանի Կեդրոնական կոմիտէն այցելեց վարչապետ Հարիրիի

ՀՅԴ Լիբանանի Կեդրոնական կոմիտէի պատուիրակութիւն մը, որուն մաս կազմեցին Կեդրոնական կոմիտէի ներկայացուցիչ, երեսփոխան Յակոբ Բագրատունի եւ զբօսաշրջութեան նախարար Աւետիս Կիտանեան, դեկտեմբերի 20-ին այցելեց վարչապետ Սաատ Հարիրիի: 

«alikonline.ir» - ՀՅԴ Լիբանանի Կեդրոնական կոմիտէի պատուիրակութիւն մը, որուն մաս կազմեցին Կեդրոնական կոմիտէի ներկայացուցիչ, երեսփոխան Յակոբ Բագրատունի եւ զբօսաշրջութեան նախարար Աւետիս Կիտանեան, դեկտեմբերի 20-ին այցելեց վարչապետ Սաատ Հարիրիի: Գրում է «Ազդակ»-ը:

Հանդիպումէն ետք Յ. Բագրատունի ըսաւ. «Մէկուկէս ամիս առաջ այս վայրէն յայտարարեցինք 48 ժամէն կառավարութիւնը կազմելու հաւանականութիւնը, սակայն այսօր վստահ ենք եւ կ՛աւետենք լիբանանցիներուն, թէ հասած ենք կառավարութեան կազմութեան վերջին վայրկեաններուն: Կը հաւատանք, որ այլեւս ոչ մէկ մանրամասնութիւն կայ, որ կրնայ կառավարութեան կազմութեան ուշացումը պատճառել: Հետեւաբար Նոր տարին դիմաւորելու կողքին, պիտի դիմաւորենք նաեւ նոր կառավարութեան կազմութիւնը»:

Երեսփոխան Բագրատունի ընդգծեց, որ վարչապետ Հարիրիի հետ քննարկած են Լիբանանի քաղաքական եւ տնտեսական մարզերը յուզող հարցերը, ինչպէս նաեւ անդրադարձած կառավարութեան կազմութեան հոլովոյթին:

«Շնորհակալութիւն յայտնեցինք վարչապետ Հարիրիին, անոր ի գործ դրած ջանքերուն համար, եւ ան իր կարգին հաստատեց, որ նոր կառավարութեան մէջ հայ համայնքին ճշգրիտ ներկայացուցչութիւն ապահովուած է, այլ խօսքով` նոր կազմուելիք կառավարութեան մէջ պիտի ըլլան երկու հայ նախարարներ, որոնցմէ մէկը` Հայկական երեսփոխանական պլոքի եւ ՀՅ Դաշնակցութեան նախարարը պիտի ստանձնէ նախարարութիւն»,- ընդգծեց երեսփոխան Բագրատունի:

Ան մաղթեց, որ կառավարութիւնը շատ արագ կազմուի, որպէսզի կարելի ըլլայ աշխատանքը շարունակել ու արդիւնաբեր ըլլալ, որովհետեւ ժողովուրդին համբերութեան բաժակը լեցուած է եւ չի կրնար աւելի սպասել:

«Իբրեւ պատասխանատուներ, մենք պէտք է աշխատինք մեր ժողովուրդին ու երիտասարդութեան ապագան ապահով ձեռքերու մէջ առնել, որպէսզի կարենանք տարբերութիւն մը արձանագրել, ինչպէս նաեւ անցնող եօթը ամիսները հատուցել: Յաջողութիւն կը մաղթենք նոր կառավարութեան, որ առաւելագոյնը մինչեւ շաբաթ օր պիտի կազմուի»,- հաստատեց ան:

Կառավարութեան աշխատանքային ծրագիրին մասին հարցումի մը պատասխանելով` Յ. Բագրատունի յայտնեց, որ ըստ հանրապետութեան եւ խորհրդարանի նախագահներուն ու վարչապետին, աշխատանքային ծրագիրը գրեթէ պատրաստ է, «իսկ Նոր տարուան սկիզբը արդէն իսկ այդ ծրագիրը քննարկելու նիստերը կը գումարուին: Կառավարութեան վստահութիւն շնորհելու խորհրդարանի նիստերը հաւանաբար գումարուին հայկական Ս. Ծնունդէն ետք: Կառավարութիւնը ժողովուրդին եւ երկրին շահերը ամէն բանէ վեր պիտի դասէ»,- եզրափակեց Յ. Բագրատունի:

Յարակից լուրեր

  • Ակնարկ. Եռակողմ անհամաձայնութիւններ
    Ակնարկ. Եռակողմ անհամաձայնութիւններ

    Անգարայի մէջ կայացած Թուրքիա-Ռուսիա-Իրան միջնախագահական ձեւաչափով եռակողմ հանդիպման պաշտօնական յայտարարութիւնը ո՛չ միայն հակիրճ է, այլ նոյնիսկ անբովանդակ: Նման ամփոփ եւ որեւէ հիմնական շեշտադրում չպարփակող յայտարարութիւն կա՛մ կ՛ուզէ թաքցնել հիմնական բաժինը եւ ուշադրութիւն ցրուել, կա՛մ ալ ընդհանուր յայտարարներու չգալու պարագային կը շրջանցէ տարակարծութիւններու գոյութեան փաստը:

  • Դեսպան Սաջջադին հանդիպել է ՀՀ սոցնախարարի հետ
    Դեսպան Սաջջադին հանդիպել է ՀՀ սոցնախարարի հետ

    ՀՀ աշխատանքի եւ սոցիալական հարցերի նախարար Զարուհի Բաթոյեանը հրաժեշտի հանդիպում է ունեցել Հայաստանում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Երկուշաբթի, սեպտ. 16-ին, թեմիս առաջնորդ Տ. Սեպուհ արք. Սարգսեանը, առաջնորդարանի իր գրասենեակում ընդունեց Իրանահայ Գրողների միութեան նախագահ՝ Գարուն Սարգսեանին եւ «Նայիրի» հրատարակչատան տնօրէն՝ Արտոյտ Զոհրաբեանին:

  • Թեհրանը կը հիւրընկալի Իրանի, Ռուսաստանի եւ Թուրքիայի նախագահների 6-րդ հանդիպումը
    Թեհրանը կը հիւրընկալի Իրանի, Ռուսաստանի եւ Թուրքիայի նախագահների 6-րդ հանդիպումը

    Թեհրանը կը հիւրընկալի Սիրիայի հարցով, Աստանայի գործընթացի երաշխաւոր երկրների՝ Իրանի, Ռուսաստանի եւ Թուրքիայի նախագահների եռակողմ ձեւաչափով 6-րդ հանդիպումը:

  • Հանրապետութեան նախագահը հանդիպել է Ռեջեփ Թայիփ Էրդողանի հետ
    Հանրապետութեան նախագահը հանդիպել է Ռեջեփ Թայիփ Էրդողանի հետ

    Հանրապետութեան նախագահ դոկտ. Հասան Ռոհանին այսօր՝ սեպտեմբերի 16-ին հանդիպել է Թուրքիայի նախագահ Ռեջեփ Թայիփ Էրդողանի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։