Հա
25/12/2018 - 12:00

Ուրուգւայի հայ համայնքի հաստատութիւնների յայտարարութիւնը

Ներքոյ ստորագրեալ Ուրուգուհայ համայնքի հաստատութիւններս, յանուն մեր շարքերուն եւ համակիրներուն, Հայրենի ԶԼՄ-ներու միջոցով, խոր մտահոգութեամբ տեղեկացանք թէ Հայաստանի կառավարութիւնը պիտի լուծարէ Սփիւռքի նախարարութիւնը, եւ անոր պաշտօնեաները գործէ ազատ պիտի արձակուին։

Ներքոյ ստորագրեալ Ուրուգուհայ համայնքի հաստատութիւններս, յանուն մեր շարքերուն եւ համակիրներուն, Հայրենի ԶԼՄ-ներու միջոցով, խոր մտահոգութեամբ տեղեկացանք թէ Հայաստանի կառավարութիւնը պիտի լուծարէ Սփիւռքի նախարարութիւնը, եւ անոր պաշտօնեաները գործէ ազատ պիտի արձակուին։

Մեր մտահոգութիւնը գլխաւորապէս կ՛երթայ նաեւ այս պետական կառոյցի կասեցմամբ, շփման պակասին, քանի որ իր ստեղծումէն անցած են տասը տարիներ եւ հակառակ որ անոր գործունէութեան ընթացքին եղած էին բացթողումներ եւ անճշտութիւններ, սակայն Հայաստան-Սփիւռք պետական կապի գլխաւոր օղակը հանդիսացաւ ան, ուր մենք որպէս սփիւռքի ամենահեռաւոր գաղութներէն մին, յաջողեցանք այդ տարիներու ընթացքին Սփիւռքի նախարարութեան ճիգերով, անմիջական կապ հաստատել եւ առիթը ունենալ Մայր Հայրենիքի թէ մշակութային, թէ կրթական եւ թէ արուեստի ոլորտներու մէջ ճանաչում գտած անձնաւորութիւններու ներկայութիւնը վայելել եւ իրենց միջոցով զգալ Հայրենիքի ջերմութիւնը։

Մեզի նաեւ կը մտահոգէ այս առնուած որոշումի ձեւը, քանի որ այլընտրանքի մասին չի խօսուիր, քննարկումներ տեղի չեն ունենար, ինչ որ կը նշանակէ թէ մենք Հայրենիքի եւ Սփիւռքի հարցերը համակարգող կառոյց պիտի չունեանք եւ այս կապակցութեամբ ալ հեռանկարը կը մնայ շատ անորոշ։ Կը կարծենք որ սխալ է նման որոշում մը կայացնել առանց խորհրդակցելու սփիւռքի գաղութներու հետ, հոն գործող կառոյցները անտեսելով։ Եթէ անկեղծ էին Թաւշեայ յեղափոխութենէն յետոյ անոր ղեկավար դէմքերուն հրապարակային յայտարարութիւններն ու պատգամները, Հայաստան-Սփիւռք յարաբերութիւնները նոր մակարդակի վրայ դնելու եւ հայրենադարձութեան ալ աւելի թափ տալու ուղղութեամբ՝ ապա կը սպասէինք որ անոնք երեւան ելլէին նաեւ գործով ու Սփիւռքի հաստատութիւններու ներկայացուցիչներու նկատմամբ համապատասխան վերաբերումով:

Մեր մտահոգութիւնը հրապարակելով յոյս ունինք որ Հայաստանի կառավարութիւնը կը մնայ յանձնառու համահայկական տեսլականին եւ սփիւռքի հետ իր յարաբէրութիւնները կը դնէ ազգային քաղաքական օրակարգի վրայ, որպէս առանձին ուշադրութեան արժանի խնդիր եւ ոչ թէ պետական երկրորդական մակարդակի կառոյցներու պատասխանատւութիւն:

Մոնտեւիտէօ, 24 դեկտեմբեր 2018

Ուրուգուայի հայոց թեմի Կեդրոնական վարչութիւն

ՀՅԴ Վռամեան կոմիտէ

Հայ Օգնութեան միութիւն (ՀՕՄ)

Հայ Մարմնակրթական Ընդհանուր միութիւն (ՀՄԸՄ)

Համազգային կրթական եւ մշակութային միութիւն

Արմենիա երիտասարդական միութիւն

ՀՅԴ Ուրուգուայի Հայ Դատի յանձնախումբ

Կոմիտաս ռատիօժամ

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։