Հա
25/12/2018 - 10:00

ՀՅԴ Լիբանանի Կեդրոնական կոմիտէն այցելեց դեսպան Վահագն Աթաբէկեանին

Այս առաւօտ ՀՅԴ Լիբանանի Կեդրոնական կոմիտէն ներկայանցող պատուիարկութիւնը գլխաւորութեամբ ՀՅԴ Լիբանանի Կեդրոնական կոմիտէի ներկայացուցիչ երեսփոխան Յակոբ Բագրատունիի այցելեց Լիբանանի միջ Հայաստանի հանրապետութեան դեսպանատուն եւ տեսակցեցաւ արտակարգ եւ լիազօր նորանշանակ դեսպան Վահագն Աթաբէկեանի հետ։

Այս առաւօտ ՀՅԴ Լիբանանի Կեդրոնական կոմիտէն ներկայանցող պատուիարկութիւնը գլխաւորութեամբ ՀՅԴ Լիբանանի Կեդրոնական կոմիտէի ներկայացուցիչ երեսփոխան Յակոբ Բագրատունիի այցելեց Լիբանանի միջ Հայաստանի հանրապետութեան դեսպանատուն եւ տեսակցեցաւ արտակարգ եւ լիազօր նորանշանակ դեսպան Վահագն Աթաբէկեանի հետ։

Դեսպան Աթաբէկեան բարի գալուստ մաղթեց ՀՅԴ պատուիրակութեան անդամներուն եւ հաստատեց անհրաժեշտութիւն Հայաստանի հանրապետութիւն-Լիբանան միջպետական յարաբերութիւններու զարգացման ուղղութեամբ ՀՀ դեսպանութիւն-Դաշնակցութիւն փոխլրացուցիչ գործունէութիւն ծաւալելու։

Երեսփոխան Բագրատունի իր հերթին, ողջունելով դեսպանին նշանակումն ու ժամանումը Լիբանան, ընդգծեց Դաշնակցութեան պատրաստակամութիւնը միշտ կողքին կանգնելու պետութեան նախաձեռնած ծրագիրներու իրագործման։ 

Այնուհետեւ խորհրդակցութիւնները կեդրոնացան տեղեկատուութեան ոլորտին, հայրենիք-սփիւռք կապերու եւ յատկապէս մշակութային ոլորտի մէջ իրականացուելիք համագործակցութեան, ինչպէս նաեւ ֆրանսախօս երկիրներու գագաթաժողովի Երեւան կայացումէն ետք եւ անոր շրջանակներուն մէջ Երեւան-Պէյրութ յարաբերութիւններու զարգացման նոր հեռանկարներուն։

Հանդիպումի աւարտին երեսփոխան Բագրատունի դեսպանին փոխանցեց յուշանուէր մը՝ Հայաստանի Հանրապետութեան հիմնադրութեան 100-ամեակի թեմային յատկացուածեւ Արցախի մէջ պատրաստուած գորգ մը։ Դեսպան Աթաբէկեան բարձր գնահատեց Կեդրոնական կոմիտէի այս նախաձեռնութինը եւ ըսաւ, որ յատուկ խորհուրդ ունի այս յուշանուէրը՝ Հայաստանի հանրապետութեան յատկացուած, Արցախի մէջ հիւսուած եւ Լիբանանի մէջ յանձնուած ըլլալու հանգամանքները նկատի ունենալով։

«Ազդակ»

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։