Հա
16/01/2019 - 10:10

Մեկնարկ` Լեռնալիբանանի Ցեղասպանութեան ճանաչման գործընթացին

Լիբանանի տարբեր շրջաններուն մէջ Հայոց ցեղասպանութեան 100-ամեակին առիթով կազմակերպուած դասախօսական հանդիպումներուն, լիբանանցի օրէնսդիրներ եւ քաղաքական գործիչներ արծարծած էին նաեւ Օսմանեան կայսրութեան կողմէ Լեռնալիբանանի դէմ կիրարկուած սովամահութեամբ զանգուածային սպանութիւններ կազմակերպելու պետական քաղաքականութեան հետեւանքները:

 (ՀՅԴ - Փաղանգաւոր միացեալ նախաձեռնութեան առիթով)

 

Լիբանանի տարբեր շրջաններուն մէջ Հայոց ցեղասպանութեան 100-ամեակին առիթով կազմակերպուած դասախօսական հանդիպումներուն, լիբանանցի օրէնսդիրներ եւ քաղաքական գործիչներ արծարծած էին նաեւ Օսմանեան կայսրութեան կողմէ Լեռնալիբանանի դէմ կիրարկուած սովամահութեամբ զանգուածային սպանութիւններ կազմակերպելու պետական քաղաքականութեան հետեւանքները: Այդ բոլոր առիթներուն համակողմանիօրէն իբրեւ ուսանելի օրինակ, լիբանանցի պետական եւ քաղաքական դէմքերը լուսարձակի տակ առած էին Ցեղասպանութեան միջազգային ճանաչման եւ յատկապէս հատուցման պահանջատիրութեամբ աշխարհին ներկայացող հայ ժողովուրդի անտեղիտալի կամքն ու հետեւողական աշխատանքը:

Այս առիթով Քասլիքի համալսարանին մէջ կազմակերպուած գիտաժողովին հնչեց նաեւ այն տեսակէտը, որ հետեւելով հայոց օրինակին, պաշտօնական Պէյրութը պէտք է իրաւականացման ընթացակարգի մէջ դնէ Օսմանեան կայսրութեան կողմէ Լեռնալիբանանի դէմ կիրարկուած ցեղասպանական արարքը: Ի վերջոյ պետական քաղաքականութեամբ, կանխամտածուած զանգուածային բնաջնջման համազօր արարք էր այն, ինչ որ օսմանեան վարիչները ի գործ դրին Համաշխարհային Ա. պատերազմի ընթացքին հայ, ասորի, քաղդէացի, մարոնի եւ շիի փոքրամասնութիւններուն դէմ:

Յիշենք նաեւ, որ դարձեալ 100-ամեակին առիթով կազմակերպուած համաժողովի մը ընթացքին, Ազգային ազատ հոսանք կուսակցութեան օրուան ղեկավար եւ այժմու հանրապետութեան նախագահը զուգահեռ գծած էր 20-րդ դարուն առաջին ցեղասպանութեան եւ 21-րդ դարուն միջինարեւելեան տարածաշրջանին մէջ իրականացուող ցեղային զտումներուն միջեւ` քաղաքական այն ուղերձը փոխանցելով, որ առաջինին ուղղակի ծրագրաւորողն ու գործադրողը երկրորդի պարագային նոյն քաղաքականութիւնը կը կիրարկէր միջնորդաւորուած ձեւով: Պարզօրէն` միեւնոյն Թուրքիան կը շարունակէր իրականացնել ցեղասպանական քաղաքականութիւն:

Չորս օր առաջ հրապարակուած լրատուութիւնը` Ապրիլ 24-ը ցեղասպանութիւններու յիշատակի օրի վերածելու օրինագիծին մասին, աննկատ չ՛անցնիր Անգարայի համապատասխան գերատեսչութիւններու մշտադիտարկում կատարող բաժանմունքներէն:

Հայկական, ասորական, յունական, քրտական ցեղասպանութիւններ իրականացուցած Թուրքիոյ ստուար թղթածրարին վրայ պիտի աւելնայ նաեւ լիբանանեանը: Կ՛ենթադրուի, որ քաղաքական պայմաններու փոփոխութեանց, թրքական գործօնի աշխուժացման եւ ազդեցութեան գօտիներու նուաճման մերօրեայ համապատկերին մէջ որոշակի խոչընդոտներու դէմ յանդիման գտնուինք:

2000 թուականին, Լիբանանի խորհրդարանը կ՛որդեգրէր ցարդ քուէարկուած բազմաթիւ բանաձեւերէն համեմատաբար ամէնէն կուռ, ամէնէն հասցէական, ամէնէն դատապարտող եւ միջազգային ընտանիքէն արդարութիւն պահանջող բանաձեւը, միաձայնութեամբ: Այս իմաստով չէ բացառուած, որ նոյն պատկերը կրկնուելու իրականութեան դէմ յանդիման չըլլանք:

Այսուհանդերձ, յայտարարուած է, որ օրինագիծը պիտի մշակուի, համաստորագրուի եւ ներկայացուի խորհրդարան: Լիբանանի մէջ եւս յար եւ նման այլ երկիրներու, օրինագիծի ընդունման նախապատրաստական աշխատանքներու, բանակցութիւններու եւ լոպիիստական հանդիպումներու անհրաժեշտութիւնը կը ծագի:

100-ամեակին ազդանշանը տրուած էր, որ Ցեղասպանութեան հարցը հայկականութենէն անդին ներգրաւած էր արդէն լիբանանեան դաշտի յատկապէս քրիստոնեայ հատուածը: Հիմա կը նախանշուի, որ խնդիրը համալիբանանեան տարողութիւն ստանալու իրաւակարգի շեմին կը գտնուի:

Այս սիւնակներէն բազմիցս շեշտուած էր մայիս 6-ի խորհուրդը վերաիմաստաւորելու, հաւաքական յիշողութիւնը վերաթարմացնելու եւ Նահատակաց օրուան խորհուրդը վերարծարծելու անհրաժեշտութիւնը: Օրինագիծի վաւերացումով մայիս 6-ը համատեղուելով ապրիլ 24-ի հետ` արձանագրած կ՛ըլլայ իր վերաիմաստաւորումը:

ՀՅԴ-Փաղանգաւոր միացեալ նախաձեռնութեան արդիւնաւորումը համալիբանանեան տարողութեամբ կ՛օրինականացնէ Հայոց եւ Լեռնալիբանանի ցեղասպանութիւններու զոհերուն յիշատակի յարգումը եւ ամենայն հաւանականութեամբ մեկնարկային կէտ կ՛ապահովէ Լեռնալիբանանի ցեղասպանութեան ճանաչման գործընթացին:

«Ազդակ»

 

Յարակից լուրեր

  • Կենդանի է մեր պայքարի ոգին, ուրեմն կենդանի է ՀԱՅ ԴԱՏԸ
    Կենդանի է մեր պայքարի ոգին, ուրեմն կենդանի է ՀԱՅ ԴԱՏԸ

    Դաշնակցական անւանի մտաւորական Նիկոլ Աղբալեանը ժամանակին ասել է. «Այն դատերը կը մեռնեն, որոնք պաշտպան չունեն»:

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • Սաֆրաստեան. «Հայոց Ցեղասպանութեան ճանաչման հարցը, կարծես, տեղափոխւում է մահմեդական աշխարհ»
    Սաֆրաստեան. «Հայոց Ցեղասպանութեան ճանաչման հարցը, կարծես, տեղափոխւում է մահմեդական աշխարհ»

    Թուրքիայում վերջին շրջանում ձեւաւորւած վախի մթնոլորտն ազդում է Հայոց Ցեղասպանութեան վերաբերեալ ճշմարտացի խօսքի վրայ: Այս մասին ասուլիսում ասաց ՀՀ ԳԱԱ արեւելագիտութեան ինստիտուտի տնօրէն, թուրքագէտ Ռուբէն Սաֆրաստեանը՝ նշելով, որ եթէ տարիներ առաջ Հայոց Ցեղասպանութեան մասին ազատ խօսքն աւելի յաճախ լսելի էր, ապա վերջին շրջանում այդ ձայնը շատ թոյլ է:

  • ՀՀ-Սփիւռք յարաբերութիւններում ներդրւելիք նոր համակարգի մասին
    ՀՀ-Սփիւռք յարաբերութիւններում ներդրւելիք նոր համակարգի մասին

    ՀՀ խորհրդարանում քննարկւեց եւ ընդունւեց «Կառավարութեան կառուցւածքի եւ գործունէութեան մասին» օրէնքում փոփոխութիւններ եւ լրացումներ կատարելու մասին նոր օրէնքը: Նշեալ եւ յարակից օրէնքների նախագծերի փաթեթի վերաբերեալ Հայաստանի Հանրապետութեան կառավարութեան օրէնսդրական նախաձեռնութեանը ՀՀ կառավարութիւնը հաւանութիւն էր տւել 2019 թւականի մարտի 7-ի որոշմամբ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։