Հա
09/05/2019 - 12:50

Ազգային Կեդրոնական Վարչութեան Քաղաքական ժողովի լիակատար նիստ Անթիլիասի Մայրավանքին մէջ

Նախագահութեամբ Ն.Ս.Օ.Տ.Տ. Արամ Ա Վեհափառ Հայրապետին, չորեքշաբթի, 8 մայիս 2019-ին, Անթիլիասի Մայրավանքին մէջ տեղի ունեցաւ Ազգային Կեդրոնական Վարչութեան Քաղաքական ժողովի նիստը։

«alikonline.ir» - Նախագահութեամբ Ն.Ս.Օ.Տ.Տ. Արամ Ա Վեհափառ Հայրապետին, չորեքշաբթի, 8 մայիս 2019-ին, Անթիլիասի Մայրավանքին մէջ տեղի ունեցաւ Ազգային Կեդրոնական Վարչութեան Քաղաքական ժողովի նիստը։ Տեղեկացնում է Մեծի Տանն Կիլիկիոյ կաթողիկոսութեան պաշտօնական կայքէջը:

Կրօնական Ժողովին յաջորդող յիշեալ Ժողովը իր օրակարգին վրայ ունէր Կաթողիկոսարանի վարչական, տնտեսական ու յարաբերական բնագաւառներու առնչուած ծրագիրներ։ Յատուկ ուշադրութեամբ քննուեցան Մեծի Տանն Կիլիկիոյ Կաթողիկոսութեան թեմերու վերակազմակերպումի հետ աղերս ունեցող ծրագիրներ։ Քննարկումներու ծիրին մէջ կարեւոր անդրադարձ կատարուեցաւ Սփիւռք-Հայաստան-Արցախ գործակցութեան եւ այդ շրջագիծէն ներս Մեծի Տանն Կիլիկիոյ Կաթողիկոսութեան դերակատարութեան։ Կաթողիկոսարանի անմիջական հովանաւորութեան տակ գործող «Թռչնոց Բոյն»-ի, Ազգային Ծերանոցի, Ազունիէի Բուժարանի խնամակալութիւններուն կողմէ տրուած զեկոյցները եւս քննարկումի նիւթ դարձան Ժողովին կողմէ։ Ան նաեւ լսեց Կաթողիկոսարանէն ներս գործող հայագիտական կեդրոնի, մանկավարժական դպրոցի, արեւմտահայերէնի ու կրթական ծրագիրներու շուրջ զեկոյցներ, որոնք դարձեալ քննարկուեցան ժողովին կողմէ։ Թեմերը ներկայացնող Քաղաքական Ժողովի անդամներ հակիրճ զեկոյցներ տուին թեմերուն առնչուած կարգ մը իրագործումներու ու հարցերու շուրջ։ Յիշեալ բոլոր նիւթերը ըստ էութեան քննուեցան։ Ժողովը գնահատեց կատարուած աշխատանքը, ողջունեց պատրաստուած նոր ծրագիրները ու յաջողութիւն մաղթեց յառաջիկայ աշխատանքներուն։

Վեհափառ Հայրապետը Ժողովին թէ՛ բացման եւ թէ եզրափակիչ խօսքերուն մէջ կարեւորութեամբ ընդգծեց հետեւեալ կէտերը.- ա) Կաթողիկոսարանը, իր Կեդրոնական Վարչութեամբ եւ յարակից մարմիններով, կը ծրագրէ ու կը գործէ Կաթողիկոսութեան հոգեւոր խնամքը վայելող մեր ժողովուրդին համար։ բ) Կաթողիկոսարանը սոսկ վարչական կեդրոն մը չէ, այլ մեր ժողովուրդին գացող քրիստոնէական առաքելութիւն է ու ժողովրդանուէր ծառայութիւն։ Ա՛յս է ու պէտք է մնայ Կաթողիկոսարանին աշխատանքներուն մղիչ ոյժն ու նպատակը։ գ) Կաթողիկոսարան ու թեմ մէկ ամբողջութիւն կը կազմեն եւ այս մօտեցումով պէտք է գործեն եւ թեմերը գործնապէս մասնակից դառնալով Կաթողիկոսարանի ծրագիրներու իրագործման եւ ընդհանրապէս առաքելութեան։

Յարակից լուրեր

  • Հայ մամուլի համահայկական համագումարէն յետոյ
    Հայ մամուլի համահայկական համագումարէն յետոյ

    Հայ մամուլին նուիրուած համահայկական համագումարը իր աւարտին հասաւ։ Արդարեւ, քննարկուած նիւթերը այնքա՜ն բազմազան էին ու այլազան, արծարծուած խնդիրները այնքա՜ն այժմէական էին ու հրատապ, հայ մամուլին դիմագրաւած մտահոգութիւններն ու մարտահրաւէրները այնքա՜ն բազմաբնոյթ էին, մեր հայեցակէտերն ու արժեւորումները այնքա՜ն տարբեր էին, որ կարելի չէր երեք օրերու ժամանակամիջոցի ընթացքին զանոնք խոր վերլուծումի ենթարկել։ Հետեւաբար, կարելի չէ համագումարի աշխատանքներուն եզրայանգում կատարել։

  • Հաղորդագրութիւն
    Հաղորդագրութիւն

    Ն.Ս.Օ.Տ.Տ. Արամ Ա Վեհափառ Հայրապետին կողմէ Հայ մամուլի տարուան հռչակման առիթով կազմակերպուած Համահայկական համաժողովը տեղիունեցաւ 2-4 յուլիս 2019-ին, Անթիլիասի Մայրավանքին մէջ, նախագահութեամբ ու ներկայութեամբ Վեհափառ Հայրապետին։

  • Հայ մամուլի համահայկական համաժողովը եզրափակեց իր եռօրեայ աշխատանքները
    Հայ մամուլի համահայկական համաժողովը եզրափակեց իր եռօրեայ աշխատանքները

    Նախագահութեամբ Ն.Ս.Օ.Տ.Տ. Արամ Ա կաթողիկոսին, հինգշաբթի, 4 յուլիս 2019-ին, Անթիլիասի Մայրավանքին մէջ ընթացք առած Հայ մամուլի համահայկական համաժողովը եզրափակեց իր եռօրեայ աշխատանքները։

  • Արամ Ա Վեհափառ Հայրապետին պատգամը Հայ մամուլի Համահայկական համաժողովին
    Արամ Ա Վեհափառ Հայրապետին պատգամը Հայ մամուլի Համահայկական համաժողովին

    Քրիստոնէական ջերմ սիրով, ազգային վառ ապրումներով եւ հայրապետական օրհնութեամբ կ'ողջունենք ձեզ՝ մեր ժողովուրդի հո­գեւոր, բա­րոյական, մշակութային ու ազգային արժէքներու ու իտէալ­ներու կենսագործման առաքելութեան նուիրուած Մեծի Տանն Կիլիկ­իոյ կաթողիկոսու­թեան մայրավանքէն ներս։ Հայրապետական այս դարաւոր Ս. Աթոռը կոչուած է «Տուն», որովհետեւ ան տունն է եղած, եւ է՛, ողջ հայութեան։ Ան կոչուած է նաեւ «Մեծ», ո՛չ իր արտաքին ծաւա­լին, այլ՝ իր հաւատքի առաքելութեան ու ազգաշէն ծառայութեան հա­մար։

  • Հայրապետական մաղթանք Արամ Ա կաթողիկոսի օծման 24-րդ տարեդարձի առիթով
    Հայրապետական մաղթանք Արամ Ա կաթողիկոսի օծման 24-րդ տարեդարձի առիթով

    Կիրակի, 30 յունիս 2019 թ.-ին յընթացս ս. եւ անմահ պատարագի, Թեհրանի մեր բոլոր եկեղեցիներում կատարւեց Հայրապետական մաղթանք, Ս. Աթոռիս գահակալ՝ Ն.Ս.Օ.Տ.Տ. Արամ Ա կաթողիկոսի ընտրութեան եւ օծման 24-րդ տարեդարձի առիթով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։