Հա
13/05/2019 - 13:20

ՀՄԸՄ-ի Երիտասարդական Ա համագումարը աշխատանքները աւարտեց յաջողութեամբ

Շաբաթ, 11 մայիսի երեկոյեան ժամը 7:30-ին, Աթէնքի մէջ երկօրեայ իր աշխատանքները աւարտեց ՀՄԸՄ-ի պատմութեան առաջին երիտասարդական համագումարը, որուն մասնակցեցան միութեան 17 շրջաններէն 39 երիտասարդ-երիտասարդուհիներ, շրջաններէ վարչական ներկայացուցիչներ, ՀՄԸՄ-ի Յունաստանի Շրջանային վարչութեան եւ ՀՄԸՄ-ի Կեդրոնական վարչութեան անդամներ:

Շաբաթ, 11 մայիսի երեկոյեան ժամը 7:30-ին, Աթէնքի մէջ երկօրեայ իր աշխատանքները աւարտեց ՀՄԸՄ-ի պատմութեան առաջին երիտասարդական համագումարը, որուն մասնակցեցան միութեան 17 շրջաններէն 39 երիտասարդ-երիտասարդուհիներ, շրջաններէ վարչական ներկայացուցիչներ, ՀՄԸՄ-ի Յունաստանի Շրջանային վարչութեան եւ ՀՄԸՄ-ի Կեդրոնական վարչութեան անդամներ:

ՀՄԸՄ-ի Կեդրոնական վարչութեան կազմակերպութեամբ եւ Յունաստանի Շրջանային վարչութեան հիւրընկալութեամբ իրագործուած այս համագումարը առաջին օրը` ուրբաթ, 10 մայիսին, զեկուցումներու լոյսին տակ քննեց երեք նիւթեր.

- «ՀՄԸՄ-ի անդամակցութիւնը եւ քարոզչութիւնը երիտասարդութեան մօտ», զեկուցաբեր` ՀՄԸՄ-ի «Մարզիկ» պաշտօնաթերթի խմբագիր Վիգէն Աւագեան:

- «Մարզախաղերու դերը ՀՄԸՄ-ի նպատակներուն հետապնդման մէջ», զեկուցաբեր` ՀՄԸՄ-ի Կեդրոնական վարչութեան անդամ Վիգէն Քորթեան:

- «Հայապահպանում», զեկուցաբեր` Հրայր քհնյ. Նիկոլեան:

Շաբաթ օր համագումարը շարունակեց իր աշխատանքները եւ լսեց չորս նոր զեկուցումներ` հետեւեալ նիւթերով.

- «Գաղութներուն մէջ ազգային ինքնութեան պահպանման դժուարութիւններն ու առաջարկուած լուծումները», զեկուցաբեր` ՀՅԴ Բիւրոյի անդամ Մուրատ Փափազեան:

- «Երկրորդ հարիւրամեակին ՀՄԸՄ-ի սկաուտութեան դիմագրաւած մարտահրաւէրները», զեկուցաբեր` ՀՄԸՄ-ի Կեդրոնական վարչութեան անդամ Բագրատ Եսայեան:

- «Վաղուան կազմակերպութիւնը», զեկուցաբեր` ՀՅԴ Բիւրոյի անդամ Յովսէփ Տէր Գէորգեան:

- Հայաստանի եւ գաղութներուն մէջ ՀՄԸՄ-ի դիմագրաւած դժուարութիւնները եւ անոնց յաղթահարման համար առաջարկուած լուծումները», զեկուցաբեր` Գէորգ Յակոբճեան:

Զեկուցումներուն կողքին, ՀՄԸՄ-ի Կեդրոնական վարչութեան անդամ Վիգէն Դաւթեան ներկաներուն ծանօթացուց միութեան ապագայ զարգացման ռազմավարական ծրագիրը:

Համագումարին Փակումը

Համագումարի փակման նիստին, ՀՄԸՄ-ի Յունաստանի Շրջանային վարչութեան փոխատենապետ Հայկազ Տէօքմեքճեանի ընկերակցութեամբ, ժողովականներուն այցելեց եւ հայրական իր ողջոյնները ուղղեց Յունաստանի հայոց թեմի առաջնորդ Գեղամ արք. Խաչերեան:

Առաջնորդ սրբազանը իր ուրախութիւնը յայտնեց ՀՄԸՄ-ի մեծ ընտանիքի երիտասարդ ներկայացուցիչներուն մէջ գտնուելուն համար: Ան ըսաւ, թէ ՀՄԸՄ-ը արժանի է բոլորին յարգանքին եւ գնահատանքին: ՀՄԸՄ-ը սրտամօտ է բոլորին: Ուր որ ՀՄԸՄ կայ, այնտեղ հայութիւն կայ: ՀՄԸՄ-ը կը գտնուի հայ կեանքին կեդրոնը:

Ապա, իր խօսքը ժողովականներուն ուղղելով, սրբազան հայրը նշեց, որ ՀՄԸՄ-ի երիտասարդական համագումարին քննարկած նիւթերը` հայ երիտասարդութիւնը եւ հայապահպանումը, կը տագնապեցնեն բոլորը եւ, հետեւաբար, կարելի չէ չգնահատել նման համագումարի մը կազմակերպումը, որուն արդիւնքներէն պիտի օգտուին ՀՄԸՄ-ը եւ ՀՄԸՄ-ի ճամբով համայն ժողովուրդը:

Գեղամ արք. Խաչերեանի այցելութենէն ետք, համագումարը առաւ կարճ դադար մը, որմէ ետք մասնակիցները ընտրեցին երեք երիտասարդներ, որոնք խորհրդակցական ձայնով ներկայ պիտի գտնուին ՀՄԸՄ-ի 12-րդ Պատգամաւորական Ընդհանուր ժողովին (14-19 հոկտեմբեր 2019, Հայաստան), ուր պիտի ներկայացնեն համագումարին երիտասարդութեան կողմէ արտայայտուած միտքերը, մտահոգութիւնները, առաջարկներն ու ծրագիրները :

Համագումարը փակուեցաւ ՀՄԸՄ-ի Կեդրոնական վարչութեան ատենապետ Գառնիկ Մկրտիչեանի փակման խօսքով եւ «Յառաջ նահատակ» քայլերգով:

Այնուհետեւ, համագումարին կազմը ներկայ գտնուեցաւ ՀՅԴ Յունաստանի երիտասարդական միութեան եւ ՀՄԸՄ-ի Յունաստանի Շրջանային վարչութեան Մայիսեան յաղթանակներու ժողովրդային ճաշկերոյթ-խրախճանքին, որուն մասնակցեցան նաեւ նոյն օրը Աթէնքի մէջ ընթացք առած ՀՅԴ Եւրոպայի երիտասարդական միութիւններու խորհրդաժողովին մասնակիցները:

«Ազդակ»

Յարակից լուրեր

  • Արցախի մէջ հիմնուեցաւ Հ.Մ.Ը.Մ.-ի 111-րդ մասնաճիւղը
    Արցախի մէջ հիմնուեցաւ Հ.Մ.Ը.Մ.-ի 111-րդ մասնաճիւղը

    Հ.Մ.Ը.Մ.-ի երկրորդ հարիւրամեակի ծրագիրներուն առաջնահերթութիւնը Արցախի մէջ Հ.Մ.Ը.Մ.-ի մասնաճիւղ հիմնելու անհրաժեշտութիւնն էր։

  • Քաղաքական դինաստիաններն ու ժողովրդավարութիւնը
    Քաղաքական դինաստիաններն ու ժողովրդավարութիւնը

    Յուլիսի 7-ին Յունաստանում տեղի ունեցած արտահերթ խորհրդարանական ընտրութիւններում յաղթել է «Նոր ժողովրդավարութիւն» ընդդիմադիր, աջակենտրոն կուսակցութիւնը՝ ստանալով ձայների 38.9% եւ 300 հոգանոց խորհրդարանի 158 տեղը։ Այսպիսով, Կիրիակոս Միցոտակիսի գլխաւորած կուսակցութիւնը հնարաւորութիւն է ստացել ձեւաւորել կառավարութիւն՝ առանց կոալիցիոն գործընկերների։

  • Հայ մամուլի համահայկական համագումարէն յետոյ
    Հայ մամուլի համահայկական համագումարէն յետոյ

    Հայ մամուլին նուիրուած համահայկական համագումարը իր աւարտին հասաւ։ Արդարեւ, քննարկուած նիւթերը այնքա՜ն բազմազան էին ու այլազան, արծարծուած խնդիրները այնքա՜ն այժմէական էին ու հրատապ, հայ մամուլին դիմագրաւած մտահոգութիւններն ու մարտահրաւէրները այնքա՜ն բազմաբնոյթ էին, մեր հայեցակէտերն ու արժեւորումները այնքա՜ն տարբեր էին, որ կարելի չէր երեք օրերու ժամանակամիջոցի ընթացքին զանոնք խոր վերլուծումի ենթարկել։ Հետեւաբար, կարելի չէ համագումարի աշխատանքներուն եզրայանգում կատարել։

  • Հաղորդագրութիւն
    Հաղորդագրութիւն

    Ն.Ս.Օ.Տ.Տ. Արամ Ա Վեհափառ Հայրապետին կողմէ Հայ մամուլի տարուան հռչակման առիթով կազմակերպուած Համահայկական համաժողովը տեղիունեցաւ 2-4 յուլիս 2019-ին, Անթիլիասի Մայրավանքին մէջ, նախագահութեամբ ու ներկայութեամբ Վեհափառ Հայրապետին։

  • Յունաստանի արտահերթ խորհրդարանական ընտրութիւններում յաղթել է ընդդիմադիր՝ «Նոր ժողովրդավարութիւն» կուսակցութիւնը
    Յունաստանի արտահերթ խորհրդարանական ընտրութիւններում յաղթել է ընդդիմադիր՝ «Նոր ժողովրդավարութիւն» կուսակցութիւնը

    Յունաստանում, երէկ՝ յուլիսի 8-ին կայացած արտահերթ խորհրդարանական ընտրութիւններում յաղթանակ է տարել Կիրիակոս Միցոտակիսի գլխաւորած լիբերալ-պահպանողական «Նոր ժողովրդավարութիւն» կուսակցութիւնը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։