Հա
20/06/2019 - 10:20

Երեսփոխան Բագրատունի այցելեց հանրապետութեան նախագահին

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի 18 յունիսին այցելեց հանրապետութեան նախագահ զօր. Միշէլ Աունի:

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի 18 յունիսին այցելեց հանրապետութեան նախագահ զօր. Միշէլ Աունի:

Երկարատեւ հանդիպումի մը ընթացքին երեսփոխան Բագրատունի հանրապետութեան նախագահին հետ արծարծեց երկրի տնտեսական, քաղաքական եւ ընկերային խնդիրները: Ան նախագահին ներկայացուց ժողովրդային լայն զանգուածներուն մօտ հետզհետէ շեշտուող դժգոհութիւնը, որ կը վերաբերի երկրի ընկերային-տնտեսական վիճակին ու քաղաքական թատերաբեմի պրկուած վիճակին` ակնկալելով, որ հանրապետութեան նախագահը անհրաժեշտ միջամտութիւնը կը կատարէ սրբագրելու ընդհանուր վիճակը եւ պետութեան վերադարձնելու հարցերը առանց ձգձգումի քննարկելու ու համապատասխան որոշումները կայացնելու կեցուածքը:

Երեսփոխան Բագրատունի նախագահին փոխանցեց նաեւ պետական պաշտօններու եւ զանազան մարզերու համապատասխան վարչութեանց արագ նշանակման անհրաժեշտութիւնը` շեշտելով, որ հոն պէտք է յարգուի հայ համայնքի ներկայացուցչական իրաւունքը:

Հանդիպումը առիթ եղաւ կարծիքներու փոխանակման` քաղաքական հակադիր ուժերու միջեւ առողջ եւ անկեղծ յարաբերութեանց մշակման ի խնդիր:

 

«Ազդակ»

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։