Հա

Գաղափարական

Շաբաթ, 18 Փետրւարի 2017 10:34

Աւարտւեց «Հայ երիտասարդը եւ ապագայի տեսլականը Հայաստանում եւ մերձաւոր արեւելքում» խորագրով խորհրդաժողովը

Երէկ՝ փետրւարի 17-ին, աւարտւեց ՀՅԴ «Յովնան Դաւթեան» ուսանողական միութեան կազմակերպած «Հայ երիտասարդը եւ ապագայի տեսլականը Հայաստանում եւ մերձաւոր արեւելքում» խորագրով խորհրդաժողովը:

«alikonline.ir», Սիւնէ Ֆարմանեան - Երէկ՝ փետրւարի 17-ին, աւարտւեց ՀՅԴ «Յովնան Դաւթեան» ուսանողական միութեան կազմակերպած «Հայ երիտասարդը եւ ապագայի տեսլականը Հայաստանում եւ մերձաւոր արեւելքում» խորագրով խորհրդաժողովը:
Խոհրդաժողովին դասախօսութիւններով հանդէս եկան Արամ Շահնազարեանը, Գրիգոր Ղազարեանը, Սարգիս Մկրտչեանը, դոկտ. Կարէն Խանլարեանը, Սուրիկ Աբնուսեանը, Բորիս Տէր-Յովհաննիսեանը:
Խորհրդաժողովի օրակարգը յագեցած էր հետեւեալ թեմաներով Մերձաւոր Արեւելք, Թուրքիա եւ Հայ Դատ, Հայաստան, Հայաստանի հայ երիտասարդի դերը եւ ապագայ տեսլականը Հայաստանի զարգացման գործում, Համահայկական մտածողութեան հասնելու ուղիներ եւ հայրենիք: Տեղի ունեցան լայնածաւալ քննարկումներ, որոնց ժամանակ ներկաներին առիթ տրւեց հանգուցային հարցեր արծարծելու օրակարգի թեմաների շուրջ: Եռօրեայ նիստերում քննութեան առարկայ դարձաւ Հայաստանում ակնառու դարձած խնդիրները, որոնցից են կաշառակերութիւնը եւ արտագաղթը: Շեշտադրւեց Ծովից Ծով հայրենիքի գաղափարը եւ Հայ Դատը, յատուկ ուշադրութիւն դարձւեց ազգային գիտակցութեանը ազգային ինքնութեան ամրապնդմանը, հաւատք դէպի հայրենիքը եւ ամբողջական հայրենիքի հարցերին:
Խորհրդաժողովի վերջում ժողովականները բաժանւելով աշխատանքային տարբեր խմբերի ժողովի դատին յանձնեցին իրենց բանաձեւած զեկոյցները եւ առաջարկները, որտեղ ընդգրկւած էր եռօրեայ նիստերում շօշափւող թեմաները: Հրաւիրւած երկրների ներկայացուցիչները մեծ բաւարարութեամբ, եռանդուն յոյզերով եւ պայքարի ոգու նոր ալիքներ առած լքեցին Թեհրանը: Նրանք մեկնեցին Նոր Ջուղա:

Յարակից Հրապարակումներ

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։