Հա

Գաղափարական

13/06/2017 - 12:50

Մենք քեզ երբեք չենք մոռանայ, շուտ վերադարձիր…25 տարի առաջ՝ այս օրը Կարօտն անհետցաւ...

25 տարի առաջ այս օրը Կարօտն անհետացաւ

Արցախեան ազատամարտի հերոս Կարօտ Յովհաննէսի Մկրտչեանը (Ջամբազի արծիւ) ծնւել է 1964 թւականի փետրւարի 19-ին Սիրիայում: Հայրենադարձւելով՝ հասակ առաւ Պռոշեան գիւղում: Նա առաջիններից էր, ով համալրեց Հայաստան վերադարձած Հայ Յեղափոխական Դաշնակցութեան շարքերը:

Կարօտն Արցախեան շարժման հէնց սկզբից նւիրւել է Հայաստանի սահմանների պաշտպանութեանը եւ Արցախի գոյապայքարին: 1989 թւականից եղել է Պռոշեանի դաշնակցական ջոկատների ընդհանուր հրամանատարը: 1990 թւականին նրա խումբը մեկնում է Հիւսիսային Արցախ, ուր Շահէն Մեղրեանի հրամանատարութեամբ համալրում է Շահումեանի պաշտպանական ուժերը:

Կարօտը, բացի զինամթերքի հայթայթումից, իր մարտական ընկերների՝ Պետոյի եւ Հրաչ Մուրադեանի հետ շրջանի ինքնապաշտպանութիւնը կազմակերպելու համար տեղի ուժերից ստեղծում է նոր մարտական խմբեր: 1991 թւականի ապրիլի 18-ին Պռոշեանի, Բաղրամեանի, Հրազդանի ջոկատները միանում ենԳետաշէնի` ԹաթուլԿրպէյեանի հրամանատարութեան տակ գտնւող խմբերին: Սիմոն Աչիկգեոզեանի հրամանատարութեամբ գործող ջոկատը համալրելու համար Կարօտի խումբը տեղափոխւում է Մարտունաշէնի դիրքեր: 1991 թւականին Կարօտը նշանակւեց Ստեփանակերտի` Աշոտ Ղուլեանի 1-ին վաշտի, գրոհային դասակի հրամանատար: Պռոշեանի ջոկատը, Կարօտի եւ Պետոյի հրամանատարութեամբ, մեկնում է Շահումեան ու տեղի ինքնապաշտպանական խմբերի համագործակցութեամբ ստանձնում Բուզլուխի պաշտպանութիւնը:

Կարօտն այդ օրերին հաւատով կրկնում էր. «Մինչեւ Գետաշէնն ու Մարտունաշէնը չազատագրենք, ես Ղարաբաղից տուն չեմ վերադառնայ»:

«Շահումեանից յետոյ Ղարաբաղի դարպասը բաց է մնալու։ Ոչ մի դէպքում չպէտք է թողնել, որ ադրբեջանցիները տիրեն ու ամրապնդւեն այդ դիրքերում: Եթէ այսօր թշնամուն յանձնենք Շահումեանը, ապա վաղը կը յանձնենք նաեւ Հայաստանը»,- ասում էր Կարօտը:

Յունիսի 13-ին ադրբեջանցիների եւ Գեանջայի (Կիրովաբադ) շրջանում տեղակայւած ռուսական յատուկ նշանակութեան դիւիզիաներից մէկի գերազանցող ուժերի դէմ մղւած անհաւասար եւ հերոսական մարտը վերջինը եղաւ Կարօտի համար: Գերազանց գիտենալով, որ բարձունքներում արդէն թշնամու հարիւրաւոր զինւորներ են, Կարօտը կատարեց մի զարմանահրաշ քայլ` վճռելով բարձրանալ իրենց նախկին դիրքերը: Նրա կատարած այդ քայլը հաւասարազօր էր ինքնակամ նահատակութեան: Կարօտի անհետանալը Շահումեանում ցոյց տւեց նրա` թշնամու դէմ կանգնելու ու պայքարելու վճռականութիւնը եւ պայքարելու անկոտրում կամքը:

Կարօտի յիշատակին նւիրւած երգում ասւում է.

«…ամբողջ սրտով մաղթում եմ քեզ անվնաս, սուրը ձեռքիդ՝ հայրենի օջախ դառնաս»:

Յարակից լուրեր

  • Նա ծիծաղում էր մահւան երեսին
    Նա ծիծաղում էր մահւան երեսին

    Մարդիկ կան, որ ծիծաղում են կեանքի գորշ երեսին հակակշռելու, բարոյական ներդաշնակութիւն արարելու համար: Նմանները, որպէս կանոն, չեն մտածում փառքի, ճանաչման, նիւթական արժէքների մասին: Իր ապրած կեանքով հէնց այսպիսին էր Արամը` ազնիւ ու խստապահանջ Պոնչը, որ կարողանում էր յաղթահարել ցանկացած դժւարութիւն, եթէ զգար, որ նպաստում է ընդհանուր գործին:

  • Գլխիս տակ դաշույն կը դնէք, որ էն աշխարհում էլ պայքարեմ
    Գլխիս տակ դաշույն կը դնէք, որ էն աշխարհում էլ պայքարեմ

    Հայ ժողովուրդը 21-րդ դար եւ նոր ժամանակներ մուտք գործեց հասակը բարձր կանգնած, մէջքը շտկած եւ ճակատը բաց ու պայծառ։

    Ազգային ինքնավստահութեան եւ ինքնահաստատման այդ խոյանքը մեր ժողովուրդը նուաճեց Արցախեան Ազատամարտով, որ անհաւասար ուժերով ճակատումներէ ու լինելութեան մաքառումներէ յաղթական դուրս գալու հրաշքին նորօրեայ վկայութիւնը եղաւ։

  • Դուշման (Վարդան Ստեփանեան, 1966-1992). Արցախեան ազատամարտի ֆետայական խոյանքը
    Դուշման (Վարդան Ստեփանեան, 1966-1992). Արցախեան ազատամարտի ֆետայական խոյանքը

    Հայ ժողովուրդը 21-րդ դար եւ նոր ժամանակներ մուտք գործեց հասակը բարձր կանգնած, մէջքը շտկած եւ ճակատը բաց ու պայծառ։

    Ազգային ինքնավստահութեան եւ ինքնահաստատման այդ խոյանքը մեր ժողովուրդը նուաճեց Արցախեան Ազատամարտով, որ անհաւասար ուժերով ճակատումներէ ու լինելութեան մաքառումներէ յաղթական դուրս գալու հրաշքին նորօրեայ վկայութիւնը եղաւ։

  • «Թշնամու գնդակն ինձ երբեք չի դիպչի». Այսօր Կարօտի ծննդեան օրն է
    «Թշնամու գնդակն ինձ երբեք չի դիպչի». Այսօր Կարօտի ծննդեան օրն է

    Արցախեան ազատամարտի հերոս Կարօտ Յովհաննէսի Մկրտչեանը (Ջամբազի արծիւ) ծնւել է 1964 թւականի փետրւարի 19-ին Սիրիայում: Հայրենադարձւելով՝ հասակ առավ Պռօշեան գիւղում: Նա առաջիններից էր, ով համալրեց Հայաստան վերադարձած Հայ Յեղափոխական Դաշնակցութեան շարքերը:

  • Պետրոս (Պետօ) Ղեւոնդեան (1964-1994). Եթէ մեռնելու ենք, աւելի լաւ է մեռնենք կռւելով ու պատւով
    Պետրոս (Պետօ) Ղեւոնդեան (1964-1994). Եթէ մեռնելու ենք, աւելի լաւ է մեռնենք կռւելով ու պատւով

    «Եթէ մեռնելու ենք, աւելի լաւ է մեռնենք կռւելով ու պատւով». Ղարաբաղեան շարժման երրորդ տարին էր: Կարծես պատմութեան գիրկն էին անցնում այն փոթորկայոյզ օրերը, երբ հրապարակները ալեկոծող ծով բազմութիւնը միահամուռ ձեռք բերեց «Ղարաբաղ», «Միացում» բառերը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։