Հա

Գաղափարական

Երկուշաբթի, 14 Օգոստոսի 2017 12:20

Օտոմանեան 121-ամեայ դասը...

1890 թւականի Սարգիս Կուկունեանի ձախորդ արշաւանքից եւ նոյն թւականի «Գում Գափուի», այնուհետեւ 1895 թ.-ին Հնչակեանների կազմակերպած «Բաբ Ալիի» խաղաղ ցոյցերից յետոյ, Հայ ազատագրական պայքարում մարտավարական փոփոխութիւնն այլեւս անհրաժեշտութիւն էր:

ԴԵՐԵՆԻԿ ՄԵԼԻՔԵԱՆ

 

1890 թւականի Սարգիս Կուկունեանի ձախորդ արշաւանքից եւ նոյն թւականի «Գում Գափուի», այնուհետեւ 1895 թ.-ին Հնչակեանների կազմակերպած «Բաբ Ալիի» խաղաղ ցոյցերից յետոյ, Հայ ազատագրական պայքարում մարտավարական փոփոխութիւնն այլեւս անհրաժեշտութիւն էր:

Ազատագրական պայքարի խաղաղ ու պաշտպանողական կեցւածքները փոխարինւեցին յարձակողական-աննախադէպ քայլերով, որոնց խիզախ ու շշմեցուցիչ մեկնարկային օրինակը հանդիսացաւ 1896 թւականի օգոստոսի 14-ին Ստամբուլի (Պոլիս) Օտոմանեան բանկի գրաւումը...

Խիզախութեան ու սխրագործութեան դասից բացի, Հայ ազատագրական պայքարը, յանձինս Բանկ Օտոմանի գրաւման, սերտեց ու միաժամանակ վերապրեց այն փորձառութիւնը, որն դեռեւս, քիչ թէ շատ սերտել էր Սան Ստեֆանոյի (1878) ու Բեռլինի (1878) վեհաժողովներից ի վեր, որոնցով ճաշակել էր Եւրոպական «դիպլոմատ հրէշներից»..., որոնք ժպտադէմ ու փափուկ լեզւով մշտապէս փորձել են արդարացնել ինչպէս Համիդեան, այնպէս էլ եւ հետագային՝ երիտթուրքական կոտորածներն ու ... Հայոց Մեծ Եղեռնը: 

....Բանկ Օտոմանների ու Խանասորների փորձառութիւնները, սակայն, հետագային, թէկուզ ծանրակշիռ գներով, բայցեւ արդիւնաւորւեցին Հայկական կամաւորական ջոկատներով ու գունդերով, որոնք էլ ազատագրական երեսնամեայ պայքարը պսակեցին Սարդարապատեան փառաւոր յաղթանակներով, ընդհուպ՝ անկախ պետականութեան անկրկնելի նւաճմամբ...:

 

Յ. Գ.

Ի յուշ՝ պատմութիւնն լաւ չսերտած, կամ «սերտելով» հանդերձ՝ նենգափոխողներին.-

Հայկական կոտորածներն ու ջարդերը կազմակերպւել են ու պատահել են դեռ «բանկ օտոմաններից» ու «խանասորներից» շատ առաջ. այնպէս որ՝ պատճառ-հետեւանքային աճպարարութիւններով այլեւս հնարաւոր չէ պատմական իրողութիւնները ծուռ հայելիներում արտացոլելով՝ մոլորեցնել հանրութեանը...: 

«ԱԼԻՔ»

Յարակից Հրապարակումներ

  • Սա հէնց այն թուրքիան է, որ…
    Սա հէնց այն թուրքիան է, որ…

    Խաղաղ բնակչութեանը կոտորելուց ու բռնագաղթից յետոյ Աֆրինը զաւթող Թուրքիան պաշտօնապէս իր գոհունակութիւնն է յայտնել Սիրիայի հրթիռակոծումների վերաբերեալ: 

  • Ազգային համերաշխութիւնը՝ անվտանգութեան երաշխիք...
    Ազգային համերաշխութիւնը՝ անվտանգութեան երաշխիք...

    Օրւայ հետ ամէն քայլափոխի եւ ամենուր թեմատիկ զրոյցը դոլարի թանկացման ու դրանից բխող հետեւանքներն են… ոչ միայն օրէնսդիրի (խորհրդարան) նիստում լսել չուզեցին Կենտրոնական բանկի նախագահ Սէյֆի «արդարացումները», այլեւ նագախահի առաջին օգնական Ջհանգիրիի վերջնագիրը՝ տարադրամի 4200 թումանով գործարկման մասին, բանի տեղ չդրեցին նոյնինքն տարադրամային փոխանակման կենտրոնները…:

  • Պետականամէտ կեցւածք՝ համազգային միասնականութեամբ
    Պետականամէտ կեցւածք՝ համազգային միասնականութեամբ

    Հայաստանի Հանրապետութեան նոր սահմանադրութեան դրոյթներով ամրագրւած համակարգային նոր փոփոխութիւններն սկիզբ առան համապատասխան լիազօրութիւններով օժտւած 4-րդ նախագահի՝ դոկտ. Արմէն Սարգսեանի ընտրութեամբ՝ Ազգային ժողովի կողմից: Իսկ երկու օր անց՝ ապրիլի 9-ին, կայանալու է նորընտիր նախագահի երդմնակալութեան արարողութիւնը՝ Ծիծեռնակաբերդի Կարէն Դեմիրճեան անւան յուշահամալիրում:

  • Թեւակոխելով 88-րդ հանգրւան...
    Թեւակոխելով 88-րդ հանգրւան...

    Այսօրւայ թիւով (22984) «Ալիք»-ը փակում է իրանական 1396 (2017-18) թւականի իր գործունէութիւնը, միաժամանակ բոլորելով հրատարակման 87-րդ տարին՝ 22 մարտ 2018 թ.: Ահա, եւս 16 համար, ու «Ալիք»-ը 23000-րդ անգամը լինելով՝ բախելու է իր ընթերցողի դուռը… ընթերցող, որի բարոյա-նիւթական աջակցութեան շնորհիւ էլ կանգուն է վաղեմիութեան առումով Իրան երկրի 2-րդ օրաթերթը:

  • Օրինաչափ սայթաքումներ…
    Օրինաչափ սայթաքումներ…

    Հայաստանի պետութեան ու պետականութեան հեղինակութեանն ու հանրային վարկանիշի բարձրացմանը սպասարկող իշխանական-կառավարական միաւորները, անկախութեան վերականգնումից 27 տարիների ընթացքում եթէ ոչ ռազմավարական միտումնաւոր, ապա՝ մարտավարական որոշում-քայլերում ՕՐԻՆԱՉԱՓՕՐԷՆ թոյլ են տւել սխալներ ու սայթաքումներ: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։