Հա

Գաղափարական

21/11/2013

ՀՅԴ 123-ԱՄԵԱԿ - Անանձնականը եւ անձնադրոշմը

Կազմակերպական մեր կեանքին, թէ գաղափարական մեր արտայայտութիւններուն մէջ ընդհանրապէս կը շեշտենք անանձնական վարքի ու մօտեցումներու հրամայականը, որպէսզի Դաշնակցութեան հնոցէն անցնող հայ մարդը յաղթահարէ եսակենտրոն կենցաղի, մտածողութեան եւ գործելակերպի այն կաշկանդումները, որոնք անհատին հետ կը ծնին, մարդկային բնութեան պարտադրանքն են եւ կը դժւարացնեն հաւաքական ես առաջացնելու ճիգերը:

ՆԱԶԱՐԷԹ ՊԵՐՊԵՐԵԱՆ

Կազմակերպական մեր կեանքին, թէ գաղափարական մեր արտայայտութիւններուն մէջ ընդհանրապէս կը շեշտենք անանձնական վարքի ու մօտեցումներու հրամայականը, որպէսզի Դաշնակցութեան հնոցէն անցնող հայ մարդը յաղթահարէ եսակենտրոն կենցաղի, մտածողութեան եւ գործելակերպի այն կաշկանդումները, որոնք անհատին հետ կը ծնին, մարդկային բնութեան պարտադրանքն են եւ կը դժւարացնեն հաւաքական ես առաջացնելու ճիգերը:
Գաղափարական մեր աւանդներուն ամենէն ցայտուն ժառանգութիւնը կը հանդիսանայ դաշնակցականին անանձնականութիւնը, որ ամբողջ սերունդներու զոհաբերած արեամբ եւ բոլորանւէր վարքագիծով նւիրագործւած է եւ կը շարունակէ մնալ անսպառ աղբիւրը հաւաքական մեր ուժին եւ ժողովրդականութեան:
Բայց գաղափարական բոլոր զէնքերուն օրինակով անանձնականութիւնը եւս երկսայրի սուր է, ծայր աստիճան ուշադիր գործածութիւն կենթադրէ եւ, այլապէս, բացասական անդրադարձներ կունենայ, երբ իր բովանդակութենէն կը պարպւի եւ կը վերածւի անհատականութիւնները անտեսելու կամ թերագնահատելու արժեչափի:
Ճառագայթող անհատականութիւններն են, որ անանձնականութեան կու տան գաղափարական իր արժէքը եւ առաջքը կառնեն հաւաքական շարժում մը անգոյն եւ անդիմագիծ հետեւորդներով ծանրաբեռնելու այն վտանգին, որ սովորաբար կը սպառնայ կուսակցութիւններու կեանքին:
Դաշնակցութեան հարուստ կենսափորձը վկայ, որ եզակի անհատականութեանց եւ անոնց իւրայատուկ կամ անձնադրոշմ ներդրումներուն հնոց մը կրցած է դառնալ գաղափարական մեր շարժումը:
Կարելի է թւել երկար շարքը հիմնադիր մեր երրորդութենէն մինչեւ անւանի մեր ֆեդայիները եւ անկախութեան մեր սերունդէն մինչեւ սփիւռքի գոյատեւման կռւանները ամրապնդած բազմավաստակ գործիչները երկարող դաշնակցականներուն, որոնք իրենց անհատականութեամբ այնքան տարբեր եւ ուրոյն դրոշմ ձգած են կազմակերպական մեր կեանքին ու գործին վրայ, բայց որոնց անձնական նւիրումը փաստօրէն ներդաշնակած է այդ առանձնայատկութիւնները: Ներդաշնակում մը, որ իւրաքանչիւր անհատականութեան կընձեռնէ դաշնակցականի ինքնուրոյն տիպար մը դառնալու հնարաւորութիւնը՝ իբրեւ հաւաքական եսին ճառագայթող մարմնաւորում:
Անանձնականին եւ անձնադրոշմին միջեւ Դաշնակցութեան գտած այս ներդաշնակութիւնը եւ հաւասարակշռութիւնը ուղենշային արժէք ունին, եւ, իբրեւ այդպիսին, կոչւած են հունաւորելու կազմակերպական մեր առօրեան:
Ահա թէ ինչո՛ւ նոյնքան կարեւոր է դաշնակցական ընկերներու անհատականութեանց առջեւ ինքնահաստատման ուղին բաց պահելու կազմակերպական հոգածութիւնը, լայնախոհութիւնը: Ահա թէ ինչո՛ւ կարգապահական մեր պատիժները գերազանցապէս դաստիարակչական բնոյթ ունին եւ բոլոր միջոցները սպառելէ ետք միայն, աստիճանական զարգացումով կը յանգին հեռացումի:
Հոգածու եւ լայնախոհ վերաբերումի արժանի են ինքնահաստատման հանգրւանին գտնւող դաշնակցական ընկերներու անհատականութիւնները, որովհետեւ կազմակերպական մեր առօրեան արդէն տեղ կու տայ միայն անոնց, որոնք անանձնական նւիրումի ընդունակ են եւ գաղափարական մեր հնոցին մէջ կը նետւին գիտակից այդ յանձնառութեամբ: Միւսները, պատահականութեամբ թէ պատեհապաշտութեամբ Դաշնակցութեան ածուին մէջ ինկած եսակենտրոն սերմերը, ուշ կամ կանուխ կը զարնւին նւիրումի փորձաքարին եւ ժամանակի հովը կը քշէ ու կը տանի զանոնք:
Տոկացողներուն մէջ ամբողջական մեր գուրգուրանքը վայելելու ամէն իրաւունք ունին անոնք, որոնց անհատականութիւնը կրնայ յղկելի երեսներ ունենալ, դժւարութեամբ համակերպիլ կարգապահական մեր ըմբռնումներուն, բայց որոնց չի պակսիր անանձնականութեան ապրումը: Գաղափարական մեր շարժումին վերանորոգման եւ երիտասարդացաման ուղին ալ այդ է:

Յարակից լուրեր

  • Արծւիկ Մինասեան. «Դաշնակցութիւնն այնտեղ է, որտեղ հայոց պետականութիւնն է»
    Արծւիկ Մինասեան. «Դաշնակցութիւնն այնտեղ է, որտեղ հայոց պետականութիւնն է»

    Մայիսի 21-ին ՀՀ նախագահի նստավայրում ՀՀ կառավարութեան նոր անդամների երդմնակալութեան արարողութիւնից առաջ լրագրողների հետ կարճ ճեպազրոյց ունեցաւ տնտեսական զարգացման եւ ներդրումների նախարար Արծւիկ Մինասեանը: 

  • Արա Պապեանից մինչեւ Լեւոն Շիրինեան մէկ քայլ է
    Արա Պապեանից մինչեւ Լեւոն Շիրինեան մէկ քայլ է

    Եւ այսպէս, Արա Պապեանը, իսկ յետոյ նաեւ Լեւոն Շիրինեանը (կամ գուցէ հակառակը) սաստիկ սրտացաւութեամբ կարծիք են յայտնել, որ ՀՅԴ-ն յաջորդ խորհրդարանում ներկայացւած չի լինի, այսինքն` չի կարողանայ յաղթահարել ժողովրդի վստահութեան 5 տոկոսի շեմը: Իհարկէ, Արա Պապեանն ու Լեւոն Շիրինեանը չունեն հայ հանրայայտ սոցիոլոգ Ահարոն Ադիբէկեանի գիտելիքների 5 տոկոսն անգամ, բայց, ահա, փորձում են այդ պարզ բացը լրացնել իրենք քաղաքագիտական «հիմնաւորումներով», որոնք, եթէ հիմնաւորում էլ անւանենք, ապա հայաստանեան շուկայում գրոշ չարժեն:

  • Սա ֆորսմաժորային իրավիճակի հետ կապւած համագործակցութիւն է
    Սա ֆորսմաժորային իրավիճակի հետ կապւած համագործակցութիւն է

    Արսէն Համբարձումեանն ընդգծեց, որ ՀՅԴ-ի աջակցութիւնը Նիկոլ Փաշինեանին եւ համաժողովրդական շարժմանը պայմանաւորւած չի եղել կառավարութեան մէջ մաս կազմելու պայմանով. «Սա ֆորսմաժորային իրավիճակի հետ կապւած համագործակցութիւն է»:

  • Սիմոն Վրացեան (1882-1969). Հայաստանի վարչապետն ու Դաշնակցութեան դրօշակիրը
    Սիմոն Վրացեան (1882-1969). Հայաստանի վարչապետն ու Դաշնակցութեան դրօշակիրը

    Մայիս 21-ին, Պէյրութի մէջ, յետ-երկարատեւ հիւանդութեան, յոգնաբեկ ու մարած իր աչքերը առյաւէտ փակեց հայ ժողովուրդի նորագոյն պատմութեան մեծանուն կերտիչներէն Սիմոն Վրացեան։

    28 մայիս 1918-ին հիմնուած Հայաստանի Հանրապետութեան չորրորդ եւ վերջին վարչապետն էր Սիմոն Վրացեան՝ Հայաստանի անկախութիւնը կերտած սերունդին արժանաւոր ներկայացուցիչներէն մէկը։

  • Արա Պապեանի նորագոյն անլրջութիւնները
    Արա Պապեանի նորագոյն անլրջութիւնները

    Հինգշաբթի, մայիս 17-ին, Փաստ կէտ Էյ. Էմ կայքէջի լրագրողներէն Արմինէ Գրիգորեան յօդուածի ձեւաչափով հարցազրոյց մը լոյս ընծայած է նախկին դեսպան, «Մոտիւս վիւենտի» կեդրոնի ղեկավար Արա Պապեանի հետ, որ կը զարգացնէ այն միտքը, որ Դաշնակցութիւնը «պէտք է ինքնամաքրուի»՝ եթէ կ՛ուզէ տեղ գրաւել յառաջիկայ խորհրդարանին մէջ։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։