Հա

Գաղափարական

23/02/2019 - 10:40

Մեր Հայրենիք, թշուառ անտէր

 

Երբեմն բառերը իրենց հետ բերում են այնպիսի արժէքային հասկացողութիւններ, որոնք ակամայ տեղ են գտնում մեր ենթագիտակցութեան մէջ: Սովետական Հայաստանը «Հայաստանի երկրորդ Հանրապետութիւն» անուանելն էլ դժբախտաբար իր հետ բերեց այն թիւր ըմբռնումը, ըստ որի Սովետական Հայաստանն էլ դասուեց Հայաստանի Առաջին Հանրապետութեան եւ ներկայ անկախ Հայաստանի շարքին: Դա իրավ անարդարութիւն էր ոչ միայն մեր պատմութեան նկատմամբ այլ նաեւ տարիներ բոլշեւիկեան հալածանքին ենթարկուած մեր ժողովրդի զաւակների նկատմամբ:

ԶԱՐԵՀ ԱՃԵՄԵԱՆ

 

Երբեմն բառերը իրենց հետ բերում են այնպիսի արժէքային հասկացողութիւններ, որոնք ակամայ տեղ են գտնում մեր ենթագիտակցութեան մէջ: Սովետական Հայաստանը «Հայաստանի երկրորդ Հանրապետութիւն» անուանելն էլ դժբախտաբար իր հետ բերեց այն թիւր ըմբռնումը, ըստ որի Սովետական Հայաստանն էլ դասուեց Հայաստանի Առաջին Հանրապետութեան եւ ներկայ անկախ Հայաստանի շարքին: Դա իրավ անարդարութիւն էր ոչ միայն մեր պատմութեան նկատմամբ այլ նաեւ տարիներ բոլշեւիկեան հալածանքին ենթարկուած մեր ժողովրդի զաւակների նկատմամբ:

Հայաստանի վերանկախացումից յետոյ մեր մտաւորականութիւնը արժանի գնահատականը չտուեց մեր երկրի սովետական տարիների պատմութեանը: Այդ քայլում իր մեղքի բաժինն ունի նաեւ մեր վերանկախացած երկրի պետականութիւնը: Մեր պետական այրերը երեւի քաղաքական նկատառումներով ու մեր երկրի «մեծ բարեկամ»-ին չվիրաւորելու համար մի տեսակ կամաւոր ինքնագրաքննութեան ենթարկուելով փորձեցին հեռու մնալ այդ տարիների սեւ ու մութ երեւոյթների բացայայտումից: Փաստօրէն Փետրուարեան ապստամբութիւնը մինչեւ օրս պետականօրէն չի նշուել ու յիշատակուել նորանկախ Հայաստանում: Դեռ չհաշուած, որ անկախութիւնից դեռ քանի տարի անց Երեւանի բանտերում կացնահարման հանդէս կազմակերպողներից՝ Աւիս Նուրիջանեանի անուան փողոցի անունը դեռ մնում էր անփոփոխ:

Հայաստանի վերանկախութեան տարիներին հասակ առած նոր սերունդը որքանո՞վ է տեղեկացուած Արամ Մանուկեանի, Համազասպի կամ նման նուիրեալների կեանքի, մտքերի ու իրագործումների մասին: Անտարակոյս նրանց կեանքին, մտքերին, կրած հալածանքներին ու ձեռքբերումներին քաջատեղեակ սերունդները այսօր կարող էին վճռորոշ դեր ունենալ երկրում ազգային արժէքների պահպանման եւ պաշտպանութեան գործում:

Սրա վրայ պէտք է աւելացնենք նաեւ մեր հանցանքի բաժինը: Մենք` իբրեւ դաշնակցականներ, վերջին երեսուն տարիներին ենթարկուեցինք նոյն ինքնագրաքննութեանը, որի արդիւնքում ժողովրդի սեփականութիւնը չդարձրեցինք մեր նորագոյն պատմութեան շատ իրողութիւններ, որոնք կարող  էին լոյս սփռել մեր ազգային արժէքների վրայ: Մենք եւս սկսեցինք օգտագործել երկրորդ Հանրապետութիւն անհիմն ասացուածքը:

Սովետական բռնատիրութեան «Հիմն»-ը մինչեւ անգամ Խաչատրեանի պէս հանճարի ստեղծագործութիւն լինելով հանդերձ մեր երկրի բռնազաւթման տարիների վերյիշումն է միայն, նրա ստորակայական կարգավիճակի վառ յիշատակը՝ երբ «եղբայրական» Ադրբեյջանին կարելի էր նուիրել հազարամեայ հայկական Արցախն ու Նախիջեւանը:

Ու այս բացթողումների եւ «հեզութեան» հետեանքով է, որ այսօր ցանկացած պատահական գործիչ հեշտութեամբ կարողանում է երկրի հիմն ու դրօշը`ազգային արժէքները, վերանայելու կամ վերազարդարելու անհիմն արշաւ սկսել ու իր վրայ գրաւել ապատեղեկացուած հանրութեան ուշադրութիւնը:

Ուշադրութի՛ւն, որ կարող է եւ միտում է շատ աւելի վտանգաւոր որոշումներից շեղել  հանրութեան միտքը:

Միայն թէ չգայ այն պահը, որ ստիպուած լինենք վերադառնալ հիմնի Նալբանդեանական բնագրի բառերին՝ Մեր հայրենիք, թշուառ անտէր...

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Որ իրավիճակում Բաքուն կը համաձայնի, որ Արցախը վերադառնայ բանակցային սեղան
    Որ իրավիճակում Բաքուն կը համաձայնի, որ Արցախը վերադառնայ բանակցային սեղան

    Երեւանում կարծում են, որ Ստեփանակերտի մասնակցութիւնը բանակցութիւններին ժամանակի խնդիր է, իսկ Ադրբեջանի դիմադրութիւնը իր բացատրութիւնն ունի:

  • Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»
    Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»

    ՀՀ վարչապետ Ն. Փաշինեանը՝ Արցախում տեղի ունեցած ՀՀ եւ ԱՀ անվտանգութեան խորհուրդների համատեղ նիստում, իսկ ՀՀ ԱԽ քարտուղար Ա. Գրիգորեանը՝ Հանրային հեռուստատեսութեան եթերում, պետական ամենաբարձր մակարդակով յայտարարեցին, որ հայկական կողմը մեծապէս կարեւորում է ժողովուրդներին խաղաղութեան նախապատրաստելը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։