Հա

Գաղափարական

09/03/2019 - 10:50

Դրօ՝ Դաշնակցութեան աննկուն կամքը - «Ա՜խ, մի անգամ տեսնեմ Էրկիրը...»

63 տարի առաջ, 1956-ի մարտի 8-ին, իր աչքերը յաւիտենապէս փակեց հայ ժողովուրդի աներկիւղ մարտիկը եւ Հ. Յ. Դաշնակցութեան յանդգնութիւնը մարմնաւորող Դրոն՝ Դրաստամատ Կանայեանը։ Ան մահացաւ հայրենիքէն հեռու, սակայն միշտ հայրենիքը իր սրտին, մտքին եւ երակներուն մէջ։ Իր վերջին խօսքը եղաւ, «Ա՜խ, մի անգամ տեսնեմ Էրկիրը...»։

ՍԵԴՕ ՊՈՅԱՃԵԱՆ

 

63 տարի առաջ, 1956-ի մարտի 8-ին, իր աչքերը յաւիտենապէս փակեց հայ ժողովուրդի աներկիւղ մարտիկը եւ Հ. Յ. Դաշնակցութեան յանդգնութիւնը մարմնաւորող Դրոն՝ Դրաստամատ Կանայեանը։ Ան մահացաւ հայրենիքէն հեռու, սակայն միշտ հայրենիքը իր սրտին, մտքին եւ երակներուն մէջ։ Իր վերջին խօսքը եղաւ, «Ա՜խ, մի անգամ տեսնեմ Էրկիրը...»։

Դրոն այսօր կը հանգչի յաւիտենապէս իր Էրկրին մէջ՝ անկախ Հայաստանի հողին վրայ։ Այդ հողի ազատագրական պայքարին համար անդուլ կռուողն էր ան։ Հայաստանի անկախացման եւ ազգային պետութեան կերտման առաջնորդներէն էր ան։ Այդ էր Դրոն - մեր ժողովուրդի անձնընդիր մարտիկը, հայկական յեղափոխութեան նուիրեալ ֆետային, Բաշ Ապարանի հրամանատարը, եւ Դաշնակցութեան յանդուգն բազուկը...։

Դրոն եզակի ներկայութիւն եղաւ ու է՛ մեր ժողովուրդին համար։ Դրոյի մտերիմ ընկերը եւ գործակիցը, Հայաստանի Հանրապետութեան վերջին վարչապետ՝ Սիմոն Վրացեան կու տայ լաւագոյն եւ ջինջ սահմանումը Դրոյի մասին - Մրրկածին Դրօ։

Դրոն իր վերջին պատգամը տուաւ մահէն մի քանի ամիս առաջ, նոյեմբեր 27, 1955-ին, Պէյրութի մէջ Հ. Յ. Դաշնակցութեան 65-ամեակին նուիրուած հանդիսութեան։ Այդ պատգամը որքան հնչեղ էր այդ օրին, նոյնքան պարտադրող է այսօր եւս։

Դրոյի վերջին պատգամը հարազատ սահմանումն է մեր քաղաքական պայքարին ու ազգային վարքագծին.- «... քանի մեր հողերը բռնագրաւուած են, Հայ Յեղափոխական Դաշնակցութիւնը ունի իր պայքարը եւ Դաշնակցութեան զաւակները, իբրեւ հայ ժողովուրդի հարազատ զաւակներ, պիտի շարունակեն այդ պայքարը, արիւնով կ՚ըլնի, գրիչով կ՚ըլնի, պայքարով կ՚ըլնի, մինչեւ Հայը հաւաքուի իր բոյնին մէջ, Հայը Հային կառավարի, ո՛չ Անգլիացին, ո՚չ Ամերիկացին, ո՚չ Ռուսը, ո՛չ Թուրքը, Հայը լինի իր երկրին մէջ տէրը, Հայը լինի իր ազատութեան տէրը։»

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։