Հա

Գաղափարական

25/07/2019 - 12:12

Խանասորի պատգամը՝ հարուածել որեւէ օտար ուժ որ կը սպառնայ հայութեան

Դաշնակցական մտաւորական, հրապարակագիր եւ հրապարակախօս Սեդօ Պոյաճեանն իր ֆէյսբուքեան էջում գրել է. «Յուլիս 25-ին կը յիշենք ու կը տօնենք Խանասորի Արշաւանքի նուիրական օրը։ Բայց, խորաթափանցել է պէտք Խանասորի Արշաւանքի իմաստին եւ աւանդին։ Այս արշաւանքը Հայ Յեղափոխական Դաշնակցութեան մէկ սոսկ պատժական սխրագործութիւնը չէր։ Խանասորի արշաւանքը Հայ ֆետայիին ու Հայ ազատամարտիկին խոստումն էր հարուածել որեւէ օտար ուժ, որ կը սպառնայ մեր ժողովուրդին ու մեր դատին։ Եւ մենք հարուածեցինք, կը հարուածենք եւ պիտի հարուածենք...

«alikonline.ir» - Դաշնակցական մտաւորական, հրապարակագիր եւ հրապարակախօս Սեդօ Պոյաճեանն իր ֆէյսբուքեան էջում գրել է. «Յուլիս 25-ին կը յիշենք ու կը տօնենք Խանասորի Արշաւանքի նուիրական օրը։ Բայց, խորաթափանցել է պէտք Խանասորի Արշաւանքի իմաստին եւ աւանդին։ Այս արշաւանքը Հայ Յեղափոխական Դաշնակցութեան մէկ սոսկ պատժական սխրագործութիւնը չէր։ Խանասորի արշաւանքը Հայ ֆետայիին ու Հայ ազատամարտիկին խոստումն էր հարուածել որեւէ օտար ուժ, որ կը սպառնայ մեր ժողովուրդին ու մեր դատին։ Եւ մենք հարուածեցինք, կը հարուածենք եւ պիտի հարուածենք...

Սքանչելի Պարոյր Սեւակ կը պատգամէր.- «Սերունդներ դուք ձեզ ճանաչէ՛ք Սարդարապատից։» Սակայն Սարդարապատի հերոսները իրենք զիրենք ճանաչեցին Խանասորի արշաւանքից։ Թէհլիրեանները, Շիրակեանները, Երկանեանները, Արդարութեան մարտիկներն ու Լիզպոնի հինգ տղաքը իրենք իրենց ճանաչեցին Խանասորի արշաւանքէն։ Արցախի ազատամարտիկները իրենք իրենց ճանաչեցին ու կը ճանաչեն Խանասորի արշաւանքէն։

Խանասորի արշաւանքը Դաշնակցական ֆետայիի եւ Հայ ազատամարտիկի անմեղութեան խորհրդանիշն է։ Մեր ժողովուրդը չի կրնար թոյլատրել, որպէսզի ֆետայի ազատամարտիկի անմեղութիւնը խաթարուի ցուցամոլական ախտով։

Այդ անխաթար անմեղութիւնը ֆետայի ազատամարտիկին պայքարն է, գործն է, նուիրումն է միայն ու միայն ի սպաս եւ ի պաշտպանութիւն Հայաստանին, Հայութեան եւ Հայ Դատին։ Եւ միշտ ընդդէմ մեր հաւաքական լինելութեան սպառնացող որեւէ օտարին ու օտար ուժին։

Խաթարել այդ անմեղութիւնը կը նշանակէ մեղանչել Քրիստափորին, Զաւարեանին, Ռոստոմին, Նիկոլ Դումանին, Արամին, Դրոյին, Նժդեհին, Արդարութեան մարտիկներուն, Լիզպոնի հինգ ընկերներուն, Արթուր Մկրտչեանին, Շահէն Մեղրեանին, եւ Արցախի բոլոր ազատամարտիկներուն դէմ։

Չենք կրնար խորթանալ ֆետայի ազատամարտիկի անմեղութենէն։ Չենք կրնար մեղանչել Հայկական ազատագրական պայքարին դէմ։ Արծուեբոյն Արցախի Ասկերանի շրջանի զաւակ Նիկոլ Դումանը եւ Գողթն Գաւառի Ագուլիսի զաւակ Կարօն՝ Արիստակէս Զորեանը չեն ներեր մեզ, մանաւանդ ձեզ...»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։