Հա

Գաղափարական

09/04/2013

altՅԱՅՏԱՐԱՐՈՒԹԻՒՆ

Երկրում արդարութեան հաստատմանը, քաղաքացու ազատ ապրելուն, աշխատելուն եւ արարելուն ուղղւած խոչընդոտները, ահագնացող աղքատութիւնն ու սոցիալական բեւեռացումը, altսպառնալի ծաւալների հասնող արտագաղթը, բաւարար վստահութիւն չներշնչող ընտրական եւ միահեծան նախագահական համակարգերը խարխլում են ապագայի նկատմամբ հաւատն ու վստահութիւնը, ջլատում ազգային միասնութիւնը եւ թուլացնում հայոց պետականութիւնը:

Այս իրողութիւններին հակառակ՝ գործող իշխանութիւնն անհաղորդ է մնում համակարգային, արմատական փոփոխութիւններ կատարելու հասարակական պահանջին: Ցաւալիօրէն այն դեռեւս բաւարար չափով ընկալում չի գտնում նաեւ քաղաքական տարբեր շրջանակների կողմից: Համոզւած ենք՝ ստեղծւած վիճակից ելքը Հայ Յեղափոխական Դաշնակցութեան կողմից առաջադրւած իշխանութիւն-ընդդիմութիւն քաղաքական միասնական օրակարգով արմատական եւ խորքային բարեփոխումներն են: Իշխանութիւնները պարտաւոր են, սթափ գնահատելով առկայ իրավիճակը, գիտակցել արմատական համակարգային փոփոխութիւններ կատարելու համընդհանուր հրամայականը:
Մեկնելով այս հաստատումներից՝ Հայաստանի Հանրապետութեան Ազգային ժողովի Հայ Յեղափոխական Դաշնակցութեան պատգամաւորական խմբակցութիւնը յայտարարում է, որ
1 - Չի մասնակցելու Հայաստանի Հանրապետութեան նախագահի երդման արարողութեանը նւիրւած ՀՀ Ազգային ժողովի 2013 թւականի ապրիլի 9-ի յատուկ նիստին,
2 - Արմատական եւ խորքային բարեփոխումներ իրականացնելու ուղղութեամբ իշխանութիւնների կողմից քաղաքական կամք դրսեւորւելու եւ գործուն քայլեր ձեռնարկւելու պարագայում՝ կը ցուցաբերի համարժէք վերաբերմունք:

Հայաստանի Հանրապետութեան Ազգային ժողովի
Հայ Յեղափոխական Դաշնակցութեան պատգամաւորական խմբակցութիւն

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։