Հա

Գաղափարական

05/03/2013

* Արմէն Ռուստամեան.- «Բանակցութիւնները փակուղի են մտել»
* Օբամա, ինչո՞ւ շնորհաւորեցիր
* Րաֆֆի Յովհաննիսեանի հայցը՝ ընդդէմ Կենտրոնական ընտրական յանձնաժողովի, մերժւել է

«yerkir.am» - ՀՀ ԱԺ-ի ՀՅԴ Գերագոյն մարմնի ներկայացուցիչ Արմէն Ռուստամեանը «yerkir.am»-ին տեղեկացրեց, որ «Ժառանգութեան» հետ մարտի 3-ի հանդիպման ժամանակ քննարկւել են շարժման հետագայ անելիքները, ստեղծւած իրավիճակը, տեսակէտներ են փոխանակւել:
Ա. Ռուստամեանը յայտնեց նաեւ, որ ՀՅԴ-ն մասնակցելու է այսօր կայանալիք հանրահաւաքին եւ իր խօսքն է ասելու:

alt

Արմէն Ռուստամեան.- «Բանակցութիւնները փակուղի են մտել»

«yerkir.am» - ՀՀ ԱԺ-ի բոլոր խմբակցութիւնների ներկայացուցիչները մարտի 4-ին հանդիպում են ունեցել ԱԺ-ի նախագահ Յովիկ Աբրահամեանի հետ՝ ԱԺ-ում յետընտրական գործընթացները քննարկելու ձեւաչափը որոշելու համար: Այս մասին «yerkir.am»-ի հետ զրոյցում յայտնեց ԱԺ ՀՅԴ խմբակցութեան ղեկավար Արմէն Ռուստամեանը:
«Քննարկւեց արտահերթ նիստ հրաւիրելու վերաբերեալ մեր առաջարկութիւնը, բայց, ըստ էութեան, բանակցութիւններն այս պահին մտնում են փակուղի: Իշխանութիւններն առաջին հերթին համաձայն չեն արտահերթ նիստ հրաւիրելու մեր առաջարկութեանը»,- յայտարարեց Արմէն Ռուստամեանը:
Անդրադառնալով ՀՅԴ-ի եւ «Ժառանգութեան» ներկայացրած երեք յայտնի պահանջներին՝ իշխանութիւնները պահանջել են, որ ընդդիմութեան կողմից էլ պէտք է զիջում լինի, որ հարցը քննարկեն: Բայց, միւս կողմից՝ միւս քաղաքական ուժերն էլ, մասնաւորապէս՝ ՀԱԿ-ը, եւս համաձայն չեն այդ եռակէտ օրակարգով հարցի լուծմանը:
«ՀԱԿ-ն ասում է, որ այս երեք կէտերը հարցի լուծում չեն, բայց արտահերթ նիստ հրաւիրելուն դէմ չեն»,- նշեց Ա. Ռուստամեանը: ՕԵԿ-ը երեք կէտերից համաձայն է միայն 100-տոկոսանոց համամասնական ընտրակարգի անցմանը, ընդդիմութիւն-իշխանութիւն միասնական համակարգի ձեւաւորմանը, ինչին համաձայն է նաեւ ՀՀԿ-ն: Կոալիցիոն գործընկերները եւ ՀԱԿ-ը վերապահումներ ունեն կառավարման խորհրդարանական համակարգին անցման եւ արտահերթ խորհրդարանական ընտրութիւններ անցկացնելու հարցերում: ԲՀԿ-ի դիրքորոշումները, ըստ Ա. Ռուստամեանի, համահունչ են ՀՅԴ-ի եւ «Ժառանգութեան» դիրքորոշումներին:
«Բանակցութիւնները փակուղի են մտել, քանի որ համաձայնութիւն ձեռք չի բերւում յայտարարութեան տեքստի շուրջ, մնում է 1/3 ստորագրութիւն հաւաքել՝ արտահերթ նիստ հրաւիրելու համար, բայց այդ դէպքում էլ վստահ չենք, որ, ինչպէս անցած անգամ, այս անգամ եւս ՀՀԿ-ականները չեն բոյկոտի նիստը»,- ասաց Ա. Ռուստամեանը:

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։