Հա
Երեքշաբթի, 25 Յուլիսի 2017 09:30

Մեխակ Ապրեսեան. «Եթէ զբօսաշրջիկներն առաջ Երեւան էին գալիս, այժմ նաեւ Գիւմրի են այցելում»

2017 թւականի առաջին եռամսեակի ընթացքում Հայաստան ներգնայ զբօսաշրջային այցելութիւնների թիւը աճել է: Ասել է ՀՀ զբօսաշրջութեան պետական կոմիտէի նախագահի առաջին տեղակալ Մեխակ Ապրեսեանը: 

«alikonline.ir» - 2017 թւականի առաջին եռամսեակի ընթացքում Հայաստան ներգնայ զբօսաշրջային այցելութիւնների թիւը աճել է: Այս մասին «news.am»-ի հետ զրոյցում ասել է ՀՀ զբօսաշրջութեան պետական կոմիտէի նախագահի առաջին տեղակալ Մեխակ Ապրեսեանը: Նա նշեց, որ առաջին եռամսեակի ընթացքում Հայաստան է եկել 299 հազար զբօսաշրջիկ, ինչը 18․2 %-ով աւելի է  նախորդ տարւայ նոյն ժամանակահատւածի համեմատ, իսկ 2017 թւականի յունւար-մայիս ամիսների ընթացքում ընդհանուր այցելութիւնները Հայաստան նախորդ տարւայ նոյն ժամանակահատւածի համեմատ՝ աճել է աւելի քան 30%-ով: 

«Հիմնականում Ռուսաստանից, Չինաստանից, Իրանից, արաբական երկրներից, եւրոպայից են գալիս: Զգալի աշխատանքներ են տարւում համաշխարհային շուկայում Հայաստանի հասանելիութեան բարձրացման առումով, վիզային ռեժիմի դիւրացման, որոշ երկրների հետ էլ ուղիղ չւերթներ ենք կազմակերպել, ինչն էլ նպաստում է ներգնայ զբօսաշրջային այցելութիւնների թւի աճին»,- ասաց նա: 

Նրա խօսքով, եթէ զբօսաշրջիկներն առաջ Երեւան էին գալիս եւ այլ զբօսաշրջային վայրեր, ապա այժմ այցելում են նաեւ Գիւմրի. «Քանի որ Գիւմրիում արդէն չւերթներ ունենք, զբօսաշրջիկները Գիւմրի եւս գնում են արդէն, շատ կարեւոր է նաեւ, որ նրանք Հայաստանից շատ գոհ են հեռանում»:

Յարակից Հրապարակումներ

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։