Հա
Երեքշաբթի, 12 Սեպտեմբերի 2017 10:50

Իրանն ու Հայաստանը քննարկել են էլեկտրահաղորդման երրորդ գծի կառուցման աշխատանքները

ՀՀ-ում Իրանի արտակարգ եւ լիազօր դեսպան Սէյէդ Քազեմ Սաջջադիի եւ ՀՀ էներգետիկ ենթակառուցւածքների եւ բնական պաշրների նախարար Աշոտ Մանուկեանի միջեւ կայացած հանդիպման ժամանակ քննարկւել է Իրան-Հայաստան էլեկտրահաղորդման երրորդ գծի շինարարական աշխատանքների ընթացքը:

«alikonline.ir» - ՀՀ-ում Իրանի արտակարգ եւ լիազօր դեսպան Սէյէդ Քազեմ Սաջջադիի եւ ՀՀ էներգետիկ ենթակառուցւածքների եւ բնական պաշրների նախարար Աշոտ Մանուկեանի միջեւ կայացած հանդիպման ժամանակ քննարկւել է Իրան-Հայաստան էլեկտրահաղորդման երրորդ գծի շինարարական աշխատանքների ընթացքը: Տեղեկացնում է ԻՌՆԱ-ն:

Սեպտեմբերի 11-ին կայացած հանդիպման ընթացքում վերը նշւած թեմայից բացի, Քազեմ Սաջջադին եւ Աշոտ Մանուկեանը քննարկել են նաեւ էներգետիկ, տրանսպորտի, գիւղատնտեսութեան եւ առեւտրի ոլորտներում երկկողմ համագործակցութեան ընդլայնման եւ առկայ խոչընդոտների վերացման հետ կապւած թեմաներ:

Դեսպան Սաջջադին եւ նախարար Մանուկեանը դրական են գնահատել տարբեր ոլորտներում երկու երկրների միջեւ համագործկցութիւնները՝ կարեւորել դրանց մակարդակի բարձրացումը: Նրանք կարեւորել են յատկապէս Իրան-Հայաստան էլեկտրահաղորդման երրորդ գիծը նախատաեսւած ժամկէտներում շահագործման յանձնման հանգամանքը:

Անդրադառնալով սեպտեմբերի 22-ին Երեւանում կայանալիք իրանական արտադրութիւնների ցուցահանդէսին, զրուցակիցներն այն համարել են պատեհ առիթ, որը կարող է նպաստել երկկողմ առեւտրա-տնտեսական յարաբերութիւնների ընդլայնմանը:

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։