Հա
Հինգշաբթի, 12 Հոկտեմբերի 2017 11:00

«Ժամանակ». «Իրանցի նախարարի բացայայտումը. ինչ կը պատասխանի Երեւանը»

Իրանի նաւթի փոխնախարար Ամիր Հոսէյն Զամանինիան յայտարարել է, որ Թեհրան կատարած այցի ընթացքում ՀՀ վարչապետ Կարէն Կարապետեանը քննարկել է Իրանից գազ գնելու, նաեւ Իրանի տարածքով թուրքմենական գազն, այսպէս կոչւած, սւոփ, այսինքն՝ փոխանակման եղանակով Հայաստան տեղափոխելու հարցերը:

«alikonline.ir» - «news.am»-ը տեղեկացնում է, որ «Ժամանակ» թերթը գրում է. «Իրանի նաւթի փոխնախարար Ամիր Հոսէյն Զամանինիան յայտարարել է, որ Թեհրան կատարած այցի ընթացքում ՀՀ վարչապետ Կարէն Կարապետեանը քննարկել է Իրանից գազ գնելու, նաեւ Իրանի տարածքով թուրքմենական գազն, այսպէս կոչւած, սւոփ, այսինքն՝ փոխանակման եղանակով Հայաստան տեղափոխելու հարցերը:

Խօսքն այն մասին է, որ Թուրքմենստանը գազ է մատակարարում Իրան, իսկ Իրանը նոյն ծաւալի գազ է մատակարարում Հայաստան: Հայկական կողմը ՀՀ վարչապետի իրանական այցի համատեքստում չի խօսել այդ մասին քննարկումների շուրջ: Թուրքմենական գազի շուրջ քննարկումների մասին չի խօսւել նաեւ Հայաստանի նախագահի եւ վարչապետի թուրքմենական այցերի, նաեւ Թուրքմենստանի նախագահի՝ Հայաստան այցի ընթացքում: Որ քննարկւում է այդ հարցը, առաջին անգամ ասում է իրանցի նախարարը:

Ի՞նչ պարզաբանում կը տայ այդ կապակցութեամբ Երեւանը, կը հաստատի՞, որ քննարկւում է այդ հարցը: Միւս կողմից էլ՝ հարց է առաջ գալիս, թէ ինչո՞ւ է Երեւանը քննարկում թուրքմենական եւ իրանական գազ գնելու հարցը: Իհարկէ, այդ հարցադրումն առաջանում է այն համատեքստում, որ Հայաստանը գազ է գնում «Գազպրոմ»-ից, եւ հաշւի առնելով թէ՛ հայ-ռուսական յարաբերութեան բնույթը, թէ՛ «Գազպրոմ»-ի հետ ունեցած պայմանագիրը՝ թուրքմենական եւ իրանական գազի շուրջ բանակցութիւնը փաստօրէն տեղի է ունենում «Գազպրոմ»-ի շահի հաշւին:

Ըստ այդմ էլ հարց է ծագում, թէ արդեօք Երեւանը կը գնա՞յ նման քայլի՝ չզգուշանալով Ռուսաստանի դժգոհութիւնից: Հետեւաբար Երեւանը կա՛մ փնտրում է ռուսական կամ գազպրոմական գազին այլընտրանք, կա՛մ Իրանի եւ Թուրքմենստանի հետ գազային բանակցութիւնը վարւում է ռուսական կողմի հաւանութեամբ եւ գիտութեամբ: Հետեւաբար ծագում է միւս հարցը՝ այդ դէպքում ո՞րն է նպատակը, կամ ինչո՞ւ է այլընտրանք փնտրւոմ, որովհետեւ եթէ անգամ խօսքը ռուսական կողմի գիտութեամբ քննարկումների մասին է, ապա միեւնոյն է՝ ստացւում է քննարկում այլընտրանքի շուրջ:

Այլ կերպ ասած՝ հարցերը իսկապէս շատ են, հասկանալու համար, թէ որքանով է լուրջ այն գործընթացը, որ սկսել է Հայաստանը գազային այլընտրանքի ուղղութեամբ: Դրա շնորհիւ միայն հնարաւոր կը լինի հասկանալ, թէ որքանով է դա իրապէս այլընտրանք, ոչ թէ միայն, այսպէս ասած, թղթով կամ խողովակով: Որովհետեւ տասներկու տարի առաջ Հայաստանն ունեցաւ այլընտրանքային խողովակ Իրանից, բայց այդ խողովակը դէ ֆակտօ այդպէս էլ չդարձաւ իրական այլընտրանք Հայաստանի էներգետիկ դիւերսիֆիկացիան ապահովելու համար: Առաւել եւս, որ զուտ ֆիզիկապէս այդ խողովակը անկարող է ապահովել Հայաստանի ամբողջական պահանջը:

Հետեւաբար ներկայումս այլընտրանքի մասին առարկայօրէն խօսելու համար թերեւս պէտք է խօսել նոր գազամուղի մասին: Միայն դրա վերաբերեալ խօսակցութիւնը կարող է լրջացնել էներգետիկ գործակցութեան եւ ընդհանրապէս հայ-իրանական յարաբերութեան մասին ընդհանուր առմամբ դեկլարատիւ բնոյթի տեղեկատւութիւնը եւ վկայել իսկապէս լուրջ ռազմավարական հեռանկարի մասին:

Այն, որ կայ գործընթաց եւ քննարկում հարաւային ուղղութեամբ՝ անկասկած ողջունելի է: Սակայն կան հարցեր, որոնք ունեն պատասխանի կարիք Հայաստանը կամ հանրութեանը երազախաբութիւնից ապահովագրելու համար, որովհետեւ այդպիսի դէպքերում սովորաբար ոչ թէ այլընտրանքներն են քիչ թէ շատ ծնւում, այլ մեծանում է ընտրութեան դեֆիցիտի, այսպէս ասած, ժամանակային դիապազոնը»:

Յարակից Հրապարակումներ

  • Կիրօ Մանոյեան. «Վճարողը մենք ենք եղել, դրա համար անհրաժեշտ է, որ զգօն լինենք»
    Կիրօ Մանոյեան. «Վճարողը մենք ենք եղել, դրա համար անհրաժեշտ է, որ զգօն լինենք»

    «Թրամփի կեցւածքի մէջ կայ հակասականութիւն, ինչը՝ զարմանալի չէ։ Հակասականութիւնն այն է, որ այս ձեւով են փորձում նպաստել խաղաղութեան հաստատմանը։ Երկու-երեք կէտ կայ, որ պէտք է ոչ ուղղակիօրէն վերցնենք իր ասածից, այլ ընդհանուր մօտեցումը նկատի ունենանք»,- «Առաջին լրատւական»-ի հետ զրոյցում ասաց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը։

  • Բաքու-Թբիլիսի-Կարս թւաբանութիւնը. ինչպէս Ադրբեջանը ճանապարհ գործարկեց ուրւական-գնացքների համար
    Բաքու-Թբիլիսի-Կարս թւաբանութիւնը. ինչպէս Ադրբեջանը ճանապարհ գործարկեց ուրւական-գնացքների համար

    Բաքու-Թբիլիսի-Կարս երկաթուղին կարելի է համարել 826 կմ. երկարութեամբ ձգւող քաղաքական ատրակցիոն։

    Հոկտեմբերի 30-ին Ադրբեջանի, Վրաստանի, Ղազախստանի եւ Թուրքիայի առաջնորդները հանդիսաւորութեամբ բացեցին Բաքու-Թբիլիսի-Ախալքալաք-Կարս (ԲԹԿ) երկաթգիծը, որի վրայ աւելի քան մէկ միլիարդ դոլար է ծախսւել։

  • Թեհրանական հորիզոններ. Երեւանը գազ կը գնի՞ Իրանից
    Թեհրանական հորիզոններ. Երեւանը գազ կը գնի՞ Իրանից

    Որոշակի պայմանաւորւածութիւններ են ձեռք են բերւել Իրանից Հայաստան գազի գնման գործընթացի կազմակերպման հարցերի շուրջ:

    Հայաստանն ու Իրանն արդեն որոշակի պայմանաւորւածութիւններ ունեն` իրանական գազի գնման հարցի շուրջ։ Պայմանաւորւածութիւնները ձեռք են բերւել ՀՀ ԱԺ Հայաստան-Իրան բարեկամական խմբի պատւիրակութեան Իրան կատարած աշխատանքային այցի շրջանակներում: 

  • Վահէ Դաւթեան. «Իրանական գազի գնման շուրջ Հայաստանի հետ տարւող բանակցութիւնները, ենթադրում եմ, որ արդիւնք տւել են, գինը նւազել է»
    Վահէ Դաւթեան. «Իրանական գազի գնման շուրջ Հայաստանի հետ տարւող բանակցութիւնները, ենթադրում եմ, որ արդիւնք տւել են, գինը նւազել է»

    Չնայած նրան, որ ներկայումս Հայաստանի համար իրանական գազը մօտ 30 դոլարով աւելի թանկ է, քան ռուսականը, այն իր որակով չի գերազանցում ՌԴ-ից գնւող գազին, ամէն դէպքում դրական է, որ Հայաստանի եւ Իրանի միջեւ ակտիւացել է երկխօսութիւնը ներկրւող գազի ծաւալների աւելացման շուրջ: 

  • Հայաստան-Եւրոպական Միութիւն համագործակցութեան համաձայնագիրի կտրած ուղին
    Հայաստան-Եւրոպական Միութիւն համագործակցութեան համաձայնագիրի կտրած ուղին

    Երբ Երեքշաբթի, 3 սեպտեմբեր 2013-ին, Հայաստանի նախագահ Սերժ Սարգսեան շրջադարձ կատարեց Մոսկուայէն՝ յայտարարելով, որ պիտի դադրեցնէ Վիլնիւսի (Լիթուանիա) գագաթնաժողովին մէջ Եւրոպական Միութեան հետ 28-29 նոյեմբեր 2013-ին ստորագրուելիք «Համագործակցութեան համաձայնագիր»-ը եւ «Խորունկ եւ համապարփակ ազատ շուկայի գօտի»-ն եւ անոր փոխարէն՝ Հայաստան պիտի միանայ Ռուսիոյ գլխաւորութեամբ՝ Մաքսային եւ Եւրասիական տնտեսական միութեան, Եւրոպական Միութիւնը եւ բոլոր անոնք, որոնք կողմնակից էին այդ համաձայնագիրին, ցնցում մը ապրեցան:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։