Հա
13/03/2018

ՀՅԴ հետազօտութիւն. «Հիւսիս-հարաւ ճանապարհային միջանցքի կառուցումը պէտք է աւարտին հասցնել՝ հաշւի առնելով արձանագրւած խնդիրները. հրապարակւել է»

«Հրայր Մարուխեան» հիմնադրամը հրապարակել է ՀՅԴ Բիւրոյի տնտեսական հետազօտութիւնների գրասենեակի վերլուծութիւնների շարքի երրորդը՝ «Հիւսիս-հարաւ ճանապարհային միջանցքի ներդրումային ծրագրի առկայ վիճակը եւ խնդիրները»։

«alikonline.ir» - «Հրայր Մարուխեան» հիմնադրամը հրապարակել է ՀՅԴ Բիւրոյի տնտեսական հետազօտութիւնների գրասենեակի վերլուծութիւնների շարքի երրորդը՝ ««Հիւսիս-հարաւ» ճանապարհային միջանցքի ներդրումային ծրագրի առկայ վիճակը եւ խնդիրները»։ Գրում է «tert.am»-ը:

Վերլուծութիւնն առաջին անգամ հանրութեան ուշադրութեանը յանձնւեց 2017 թ. հոկտեմբերին։ Վերջին ամիսների ընթացքում քաղաքական, մասնագիտական եւ մամուլի շրջանակներում մեծ հետաքրքրութիւն կայ «Հիւսիս-հարաւ» ճանապարհային միջանցքի ներդրումային ծրագրի իրականացման նկատմամբ, ինչը, անշուշտ, պայմանաւորւած է մեծ ակնկալիքներով եւ այս ծրագրի իրականցման համար վերցւած վարկերի նպատակային օգտագործման հրամայականով: «Հիւսիս-հարաւ» ճանապարհային միջանցքի ներդրումային ծրագրի նկատմամբ հասարակական վերահսկողութիւնը եւ վստահութիւնը ապահովելու համար ՀՅԴ Բիւրոյի տնտեսական հետազօտութիւնների գրասենեակը նախաձեռնել է փաստաթղթային ուսումնասիրութիւն (շուրջ 4000 էջ), որի արդիւնքում արձանագրւել են մի շարք մտահոգութիւններ։

ՀՅԴ Բիւրոյի տնտեսական հետազօտութիւնների գրասենեակի վերլուծութիւնն եզրակացնում է. «Հիւսիս-հարաւ» ճանապարհային միջանցքի կառուցումը մեր տնտեսութեան համար ռազմավարական նշանակութիւն ունի, եւ այն պէտք է աւարտին հասցնել՝ հաշւի առնելով արձանագրւած խնդիրները:

Այս համատեքստում առաջնահերթ ենք համարում՝

«• քննարկել այս ծրագրի ներդրումային արդիւնաւէտութիւնը,
«• վերանայել իրենց գործում թերացած ընկերութիւնների շինարարական պայմանագրերը (այդ թւում՝ ենթակապալառուների եւ մատակարարների) եւ/կամ ամբողջովին նոր միջազգային տենդերներ յայտարարել,
«• ներդնել շինարարական ընթացիկ աշխատանքների հասարակական եւ խորհրդարանական վերահսկողութեան, հաշւետւողականութեան, վնասի գնահատման եւ վերականգման առաւել արդիւնաւէտ եւ թափանցիկ մեխանիզմներ:

«Նկատի ունենալով ՀՀ պետական պարտք եւ ՀՆԱ յարաբերակցութեան ներկայ մակարդակը (շուրջ 59 տոկոս է)՝ Տրանշ 4.-ն եւ/կամ Տրանշ 5.-ը աւարտին հասցնելու համար նպատակայարմար է ընտրել ներդրող-շինարարական կազմակերութիւն (կազմակերպութիւններ), որը ոչ միայն բարձր որակով կիրականացնի շինարարական աշխատանքները, այլեւ իր սեփական միջոցները կը ներգրաւի»:

Հրապարակւած վերլուծութեանը կարող էք ծանօթանալ այստեղ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։