Հա
09/04/2018

Կառավարութեան խօսնակ. «Արտարժոյթի շուկայի ներկայ վիճակն անընդունելի է»

Կառավարութեան խօսնակ Մոհամմադ Բաղեր Նոբախտն անդրադարձել է արտարժոյթի շուկայի վերջին օրերի վիճակին եւ դոլարի փոխարժէքի կտրուկ աճին:

«alikonline.ir» - Կառավարութեան խօսնակ Մոհամմադ Բաղեր Նոբախտն անդրադարձել է արտարժոյթի շուկայի վերջին օրերի վիճակին եւ դոլարի փոխարժէքի կտրուկ աճին:

Լրագրողների հետ հանդիպման ժամանակ նա նշել է, որ արտարժոյթի շուկայի վերջին օրերի վիճակը հակասում է կառավարութեան ցանկութեանը, եւ գործադիրն օգտագործելու է համակարգի ողջ ներուժը՝ իրավիճակի կարգաւորման եւ շուկայում հաւասարակշռութեան վերականգնման համար:

«Արտարժոյթի շուկայի ներկայ վիճակը բացարձակապէս անընդունելի է եւ այդ կապակցութեամբ մեզ հասցէագրւած քննադատութիւններն արդարացի են»,- նշել է Նոբախտը:

Ըստ նրա՝ այս կապակցութեամբ Հանրապետութեան նախագահի յանձնարարականով եւ նախագահի առաջին տեղակալի գլխաւորութեամբ ձեւաւորւած յատուկ յանձնաժողովն ինտենսիւօրէն աշխատում է: Յանձնաժողովի վերջին նիստը կայացել է երէկ՝ ապրիլի 8-ին: Յանձնաժողովի առաջարկած քաղաքականութիւնն այսօր կը յստակեցւի նախագահի հետ հանդիպման ժամանակ եւ կը յանձնւի գործադրման:

Շեշտելով, որ ներկայ վիճակն անընդունելի է, կառավարութեան խօսնակը խոստովանել է, որ կառավարութեանը մինչ այժմ չի յաջողւել կարգաւորել արտարժոյթի շուկան: Իր խօսքերի աւարտին, նա կրկին հաւաստիացրել է, որ կառավարութիւնը կօգտագործի համակարգի ողջ ներուժը՝ իրավիճակի կարգաւորման համար:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։