Հա
10/07/2018 - 11:40

Հայաստանի բաց երկինքը` որպէս անվերապահ բարիք. փորձագէտը ամփոփել է 4 տարւայ արդիւնքները

Հայաստանը աւելի քան չորս տարի առաջ կորցրեց ազգային աւիափոխադրողին` «Արմաւիա» ընկերութիւնը յայտարարեց սննկացման մասին։ Առաւել «մտահոգւած» մարդիկ նախազգուշացնում էին ոլորտում սպասւող անխուսափելի աղէտի մասին, սակայն ստացւեց հակառակը։

«alikonline.ir» - Հայաստանը աւելի քան չորս տարի առաջ կորցրեց ազգային աւիափոխադրողին` «Արմաւիա» ընկերութիւնը յայտարարեց սննկացման մասին։ Առաւել «մտահոգւած» մարդիկ նախազգուշացնում էին ոլորտում սպասւող անխուսափելի աղէտի մասին, սակայն ստացւեց հակառակը։

2010-2018 թւականներին Հայաստանում ուղեւորափոխադրումների ընդհանուր ծաւալը 50% եւ աւելի աճել է, չւերթերի քանակն աճել է 30%-ով, «Sputnik» Արմենիայի ռադիոկայանի եթերում ասաց ներդրումային եւ առեւտրային քաղաքականութեան ոլորտի փորձագէտ Գէորգ Թորոսեանը։

Նա ամփոփել է բաց երկնքի չորս տարւայ քաղաքականութեան արդիւնքները եւ նշել այդ տարիների ընթացքում Հայաստանի աւիացիոն ոլորտի ձեռքբերումներն ու բացթողումները։

«Վերջին տարիների ընթացքում նախկին իշխանութիւնը տարբեր ոլորտներում բազմաթիւ բացթողումների եւ ձախողումների մեղաւորութիւնը բարդում էր անբարենպաստ արտաքին միջավայրի, գլոբալ ճգնաժամի, հակառուսական պատժամիջոցների վրայ եւ այլն։  Աւիափոխադրումների ոլորտը այն սակաւաթիւ ոլորտներից մէկն էր, որը կայուն աճ էր գրանցում, ընդ որում` բաւական ազդեցիկ»,- նկատեց մասնագէտը։

Թորոսեանի տւեալներով` 2010-2018 թւականներին ուղեւորափոխադրումների ընդհանուր ծաւալն աճել է աւելի քան 1.5 անգամ (50%), իսկ չւերթերի քանակը` 30%-ով։

«Չմոռանանք, որ այդ ընթացքում մենք ապրիլեան պատերազմ ենք ունեցել, որը եւս իր բացասական հետքն է թողել»,- յիշեցրեց նա։

Թորոսեանի խորին համոզմամբ` նոյնիսկ այդ պայմաններում  աճը ազատականացման քաղաքականութեան արդիւնք էր, որը ՀՀ կառավարութիւնը, թէեւ ուշացումով, սակայն իրականացրեց։

«Ինչո՞ւ ուշացումով, որովհետև Վրաստանի կառավարութիւնը, օրինակ,  բաց երկնքի քաղաքականութեանն անցում է կատարել աւելի քան 10 տարի առաջ, եւ այդ ընթացքում երկիրը մեծ յաջողութիւնների է հասել»,- ասաց նա։

Երկրորդ կարեւոր ձեռքբերումն, ըստ Թորոսեանը, աւիատոմսերի գներն են. յատկապէս ծանրաբեռնւած ուղղութիւններով տոմսերի գներն իջել են։

«Նախեւառաջ խօսքը Ռուսաստանի մասին է` այդ երկրին բաժին է հասնում մեր ուղեւորահոսքի աւելի քան 70%-ը։ Մասնաւորապէս, թռիչքից երկու ամիս առաջ կարելի է երկկողմանի ուղղութեամբ աւիատոմս ձեռք բերել 195 դոլարով. հինգ տարի առաջ նման գներ չկային։ Բացի այդ, կոնկրետ Մոսկւայի ուղղութեամբ ոչ միայն աւիատոմսերի գներն են իջել, այլեւ աճել է չւերթերի քանակը` այսօր իւրաքանչիւր օր 12-13 չւերթ է իրականացւում»,- ասաց նա։

Ինչ վերաբերում է պակաս ծանրաբեռնւած ուղղութիւններին, դժւար է ասել, որ գներն իջել են` չւերթերն աւելի հատւածական են աշխատում։ Սակայն, օրինակ, նոյն Փարիզի դէպքում, երկու ամիս շուտ աւիատոմս գնելու դէպքում, այն կարժենայ մօտ 400 դոլար, գրեթէ նոյն գինը, ինչը Վրաստանում, ընդգծեց խօսնակը։

Անդրադառնալով խնդիրներին, Թորոսեանը նշեց, որ ամենագլխաւոր խնդիրը «Զւարթնոց» օդանաւակայանի ծառայութիւնների չհիմնաւորւած թանկ լինելն է։ 

«Տարածաշրջանում, նկատի ունեմ Արեւելեան Եւրոպան, Մերձաւոր Արեւելքը, Միջին Ասիան, այն ամենաթանկ օդանաւակայաններից մէկն է։ Օդանաւակայանի ծառայութիւնները 25 դոլար արժեն, եւ այն ներառւած է տոմսի գնի մէջ, չենք խօսում 10 հազար դրամի` այսպէս կոչւած «օդի հարկի» մասին։ Եթէ մի մարդու համար դա 25 դոլար է, ապա 4 անձանցից բաղկացած ընտանիքը պէտք է 100 դոլար վճարի, իսկ եթէ տոմսը երկկողմանի ուղղութեամբ է` 200։ Լուրջ գումար է»,- փաստեց տաղաւարի հիւրը։

Թորոսեանը համոզւած է, որ ՀՀ կառավարութիւնը պէտք է զբաղւի այդ հարցով։

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Որ իրավիճակում Բաքուն կը համաձայնի, որ Արցախը վերադառնայ բանակցային սեղան
    Որ իրավիճակում Բաքուն կը համաձայնի, որ Արցախը վերադառնայ բանակցային սեղան

    Երեւանում կարծում են, որ Ստեփանակերտի մասնակցութիւնը բանակցութիւններին ժամանակի խնդիր է, իսկ Ադրբեջանի դիմադրութիւնը իր բացատրութիւնն ունի:

  • Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»
    Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»

    ՀՀ վարչապետ Ն. Փաշինեանը՝ Արցախում տեղի ունեցած ՀՀ եւ ԱՀ անվտանգութեան խորհուրդների համատեղ նիստում, իսկ ՀՀ ԱԽ քարտուղար Ա. Գրիգորեանը՝ Հանրային հեռուստատեսութեան եթերում, պետական ամենաբարձր մակարդակով յայտարարեցին, որ հայկական կողմը մեծապէս կարեւորում է ժողովուրդներին խաղաղութեան նախապատրաստելը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։