Հա
18/08/2018 - 12:40

Իրանն ու Հայաստանը սկսում են Մեղրիի տնտեսական ազատ գօտու նախագծումը

ՀՀ-ում Իրանի արտակարգ եւ լիազօր դեսպան Սէյէդ Քազեմ Սաջջադին հանդիպել է ՀՀ Քաղաքաշինութեան պետական կոմիտէի նախագահ Աւետիք Էլոյեանի հետ:

«alikonline.ir» - ՀՀ-ում Իրանի արտակարգ եւ լիազօր դեսպան Սէյէդ Քազեմ Սաջջադին հանդիպել է ՀՀ Քաղաքաշինութեան պետական կոմիտէի նախագահ Աւետիք Էլոյեանի հետ:

Այս մասին տեղեկանում ենք ՀՀ-ում Իրանի դեսպանութեան պաշտօնական կայքից:

Հանդիպմանը կողմերը քննարկել են քաղաքաշինութեան, շինանիւթերի արտադրման, երկու երկրի համալսարանների եւ քաղաքաշինութեան ոլորտների հետազօտական կենտրոնների համագործակցութեան ու մասնաւորապէս Մեղրու տնտեսական ազատ գօտու նախագծման կապակցութեամբ համագործակցութիւնը:

Դեսպան Սաջջադին խօսելով քաղաքաշինութեան ոլորտում երկու երկրների համագործակցութիւնների մակարդակի բարձրացման մասին, տեխնիկական ու ինժիներական հարցերում մտքերի փոխանակում կատարելու եւ փորձառութեան փոխանցման համար իրանցի ու հայ պատասխանատուների յաճախակի շփումների ցանկութիւն է յայտնել:

Նա քաղաքային, այդ թւում նաեւ Մեղրու տնտեսական ազատ գօտում ենթակառուցւածքների ընդլայնմանը մասնակցելու Իրանի մասնաւոր ու պետական ընկերութիւնների ցանկութիւնը փոխանցելով, յաւելել է. «Այս ընկերութիւններն իրենց առաջարկները մշակել են հիմք ընդունելով աշխարհի տեխնոլոգիական վերջին նւաճումները եւ յոյս ունենք, որ հայկական կողմը կօգտւի այս փորձառութիւնից»:

Աւետիք Էլոյեանն էլ հայկական կողմի անունից պատրաստակամութիւն է յայտնել կապերի եւ համագործակցութեան ընդլայնման եւ քաղաքաշինութեան ոլորտում Իրանի ճանապարհի ու քաղաքաշինութեան նախարարութեան հետ փորձի փոխանակման համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։