Հա

Ազգային

22/10/2015 - 07:30

Աստծու խօսքի կերպարանափոխիչ զօրութիւնը

Հայաստանեայց եկեղեցին հոկտեմբեր ամսին տօնում եւ ոգեկոչում է յիշատակը իր թարգմանիչ վարդապետների՝ Մեսրոպի, Եղիշէի, Մովսէս Քերթողահօր, Դաւիթ Անյաղթ Փիլիսոփայի, Գրիգոր Նարեկացիի եւ Ներսէս Կլայեցիի (Շնորհալի), այսինքն՝ այն վարդապետների, որոնք շարականագրի բառերով՝ «Նրանք, ովքեր աստւածագիտութեան ծածկւած խորհուրդը տնօրինաբար յայտնելով ճանաչեցրին մեզ, մեծ Սուրբի Մովսէսի նման»:

Հայաստանեայց եկեղեցին հոկտեմբեր ամսին տօնում եւ ոգեկոչում է յիշատակը իր թարգմանիչ վարդապետների՝ Մեսրոպի, Եղիշէի, Մովսէս Քերթողահօր, Դաւիթ Անյաղթ Փիլիսոփայի, Գրիգոր Նարեկացիի եւ Ներսէս Կլայեցիի (Շնորհալի), այսինքն՝ այն վարդապետների, որոնք շարականագրի բառերով՝ «Նրանք, ովքեր աստւածագիտութեան ծածկւած խորհուրդը տնօրինաբար յայտնելով ճանաչեցրին մեզ, մեծ Սուրբի Մովսէսի նման»: Այո, նրանք Աստծու իմաստութեամբ զարդարեցին Հայաստան աշխարհը հայ գրերի արարումով:
Նոյն ամսին ոգեկոչում ենք նաեւ յիշատակը՝ չորս աւետարանիչների՝ Մատթէոսի, Մարկոսի, Ղուկասի եւ Յովհաննէսի, որոնք իրենց աւետարաններով աստւածային ճշմարտութեան լոյսը փոխանցեցին մեզ, հանդիպելով յաւերժահոս աղբիւր աստւածագիտութեան:
Մենք Աւետարանիչների տօնը, մեր թեմում, յայտարարել ենք որպէս «Աստւածաշնչի օր», այն խոր համոզումով, որ Աստւածաշունչը որպէս Աստծու Յայտնութիւն եւ Յաւիտենական խօսք է եղել, է, եւ լինելու է մեր ժողովրդի զօրութեան, ներշնչման եւ առաջնորդութեան աղբիւր եւ լոյս:
Աստծու խօսքն իր էութեամբ լոյս է, խաղաղութիւն եւ միաժամանակ յաւիտենական ապահովութիւն՝ այլ խօսքով յաւիտենականութեան առաջնորդող ճշմարտութիւն:
Աւետարանիչներից իւրաքանչիւրը այդ խօսքը հարազատութեամբ փոխանցեց ողջ աշխարհին որպէս պատգամ, նաեւ պատւանդան նոր կեանքի:
Մատթէոսի Աւետարանը իր էութեամբ կազմում է մի գեղեցիկ օղակ Նոր Կտակարանի եւ Հին Կտակարանի միջեւ: Իր Աւետարանը կարծէք մի կողմից վկայարանն է Հին Կտակարանի եւ միւս կողմից էլ հաստատումը Հին Կտակարանի մարգարէութեանց: Մատթէոսի Աւետարանի 5-7 գլուխները, Շնորհք պատրիարքի բառերով, կազմում են «Նոր Ուխտի օրինագիրքը, եւ որ միաժամանակ համամարդկային կրօնա-բարոյական գրականութեան գագաթն է կազմում»:
Մարկոսի Աւետարանը թէեւ ամենից համառօտն է, բայց ա՛յն հնագոյնն է յարաբերաբար միւս Աւետարանների: Սոյն Աւետարանը նպատակադրւած է առաւելաբար դէպի հեթանոսներ:
Աւետարանիչը միաժամանակ եղել է Եգիպտոսի եկեղեցու հիմնադիրը, ով իր նահատակութեամբ նւիրագործեց առաքելաշնորհ այդ եկեղեցին:
Ղուկաս Աւետարանիչը, որպէս բժիշկ հանդիսանում է մի բացառիկ անձնաւորութիւն, որի Աւետարանը իր բովանդակութեամբ, մատուցման եղանակով եւ յիշատակած առակներով կազմում է մի սքանչելի եւ անփոխարինելի բովանդակութեամբ աստւածային մատեան: Այս Աւետարանը արտայայտում է Քրիստոսի սէրն ու գուրգուրանքը հանդէպ աղքատների, տկարների, խոնարհների, մանուկների, կանանց եւ մեղաւորների, մի երեւոյթ, որը առաւել եւս շեշտում է Աւետարանի համամարդկային նկարագիրը:
Նրա Աւետարանի կողքին գրւել է նաեւ «Գործք Առաքելոց» (Առաքեալների գործերը) գիրքը, որը կարծես շարունակութիւնն է իր Աւետարանի եւ սկիզբը՝ եկեղեցու պատմութեան:
Չորրորդ Աւետարանը իր բովանդակութեամբ իւրայատուկ է, որովհետեւ Յովհաննէսն ինքը որպէս Յիսուսի «Սիրելի աշակերտը» իր եռանդով, հանդարտութեամբ, քաջութեամբ ու բարութեամբ, մեծութեամբ, խոնարհութեամբ, սիրով եւ խստութեամբ հանդիսանում է Քրիստոսի եկեղեցու հիմնասիւներից մէկը:
Չորս Աւետարանիչները չորս սիւներն են եկեղեցու, որոնք Աստծու խօսքը անարատութեամբ ու անաղարտութեամբ փոխանցեցին ողջ աշխարհին: Նրանք եղան «Քրիստոսի աշակերտները, որոնք կեանքի բանը - խօսքը - աշխարհում աներկիւղ կերպով քարոզեցին», որովհետեւ նրանք համոզւել էին, որ Աստծու խօսքը, միտքը լուսաւորող, իմաստաւորող, տկարին զօրացնող, սգաւորին մխիթարող, կարօտեալին կենսաւորող, չարչարւողին հանդարտեցնող ուժ ունի իր մէջ:
Անցեալ երկու հազար տարիների կեանքը Քրիստոսի եկեղեցու գեղեցկագոյն վկան է այս ճշմարտութեան «Ի սկզբանէ» խօսքը Աստծու եկեղեցու կեանքում եղաւ հոգեւոր սնունդ, Սաղմոս սիրոյ, աղբիւր երջանկութեան եւ մխիթարութեան, խաչ եւ յարութիւն, Աղօթք եւ ներողամտութիւն, այլ խօսքով՝ նոր ու պայծառափայլ կեանք, լի Աստծու շնորհներով. շնորհ, որը բանաստեղծի բառերով «Արեւ է անուշ» սրտերը ջերմացնող, ցուրտը փարատող եւ յաւերժաբոյր ամպ հովանի:
Սաղմոսերգուի բառերով Աստծու խօսքը ճրագ է, եւ մեր ճամբաները լուսաւորող. երանի նրան, ով Տիրոջ ճանապարհով է ընթանում:

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ
ՀԱՅՈՑ ԹԵՄԻ
18 հոկտեմբերի 2015 թ.
Թեհրան

Յարակից լուրեր

  • Առաջնորդ Սրբազան Հայրն այցելեց Հայ ակումբ
    Առաջնորդ Սրբազան Հայրն այցելեց Հայ ակումբ

    Շաբաթ, 8 դեկտեմբեր 2018-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն ընկերակցութեամբ Հայ ակումբի շինարարական եւ շտաբի ատենապետ՝ պրն. Նորայր Արամեանի, այցելեց Հայոց Ակումբ, վերահասու լինելու տարւող աշխատանքներին:

  • Հայոց ազգային «Գոհար» դպրոցի աշակերտներն այցելեցին առաջնորդ Սրբազանին
    Հայոց ազգային «Գոհար» դպրոցի աշակերտներն այցելեցին առաջնորդ Սրբազանին

    Հինգշաբթի, թւականիս դեկտեմբերի 6-ին, հայոց ազգային «Գոհար» դպրոցի 12-րդ դասարանի աշակերտներն իրենց կրօնի ուսուցիչ՝ գերշ. Տ. Մեղրիկ Ս. եպս. Բարիքեանի հետ ներկայացան թեմիս առաջնորդ գերշ. Տ. Սեպուհ Ս. արք. Սարգսեանին:

  • Հոգեհանգստեան արարողութիւն՝ ի յիշատակ Հայաստանի 1988 թ.-ի երկրաշարժի զոհերի յիշատակին
    Հոգեհանգստեան արարողութիւն՝ ի յիշատակ Հայաստանի 1988 թ.-ի երկրաշարժի զոհերի յիշատակին

    Սրանից 30 տարիներ առաջ 1988 թւականի դեկտեմբերի 7-ին Հայաստանի ահաւոր երկրաշարժին զոհ գնացին տասնեակ հազարաւոր հայորդիներ:

    Զոհւածների հոգիների խաղաղութեան առիթով, երէկ առաւօտեան դեկտ. 7-ին, Թեհրանի հայոց թեմի բոլոր եկեղեցիներում յաւարտ ս. պատարագի տեղի ունեցաւ հոգեհանգստեան արարողութիւն:

  • Առաջնորդ սրբազանը դասախօսում է միջազգային համագումարում
    Առաջնորդ սրբազանը դասախօսում է միջազգային համագումարում

    Չորեքշաբթի կէսօրից յետոյ ժամը 14։00-ին Իսլամական Յարաբերութեանց եւ Մշակոյթի կազմակերպութեան յարկի տակ տեղի ունեցաւ իսլամ եւ Հարաւային Կորէայի կաթոլիկ եկեղեցու համագումարը «Կրօնը եւ բնապահպանութիւն» խորագրով։

  • Առաջնորդարանի այցելուներ
    Առաջնորդարանի այցելուներ

    Երեքշաբթի, 4 դեկտեմբեր, 2018 թ.-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց գաղութիս ազգայիններ՝ պրն. Լեւոն Ահարոնեանին եւ Թ.Հ.Թ. Պատգամաւորական ժողովի ատենապետ՝ պրն. Ժոզէֆ Մեհրաբեանին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։