Հա

Ազգային

Հինգշաբթի, 19 Մայիսի 2016 09:40

Մաթեմատիկայի ուսուցչուհի.- «90-ականներին 3 փոքր երեխաներիս թոնրի մէջ եմ պահել, բայց Մարտունիից մի րոպէով չեմ հեռացել»

Արցախի Մարտունի քաղաքի բնակիչ, մաթեմատիկայի ուսուցչուհի Նելլի Մուսայէլեանն այս օրերին յաճախ է յիշում 1990-ականների պատերազմը, երբ իր երեք անչափահաս երեխաների հետ յաճախ թաքնւում էր թոնրի մէջ:

«artsakhpress.am» - Արցախի Մարտունի քաղաքի բնակիչ, մաթեմատիկայի ուսուցչուհի Նելլի Մուսայէլեանն այս օրերին յաճախ է յիշում 1990-ականների պատերազմը, երբ իր երեք անչափահաս երեխաների հետ յաճախ թաքնւում էր թոնրի մէջ:

«Էն ժամանակ մարդկանց մի մասը հեռանում էր, բայց ես 3 փոքր երեխաներիս թոնրի մէջ եմ պահել, բայց Մարտունիից մի րոպէով չեմ հեռացել: Մի առաւօտ արթնացայ, տեսնեմ՝ մեր թաղում մենակ ես եմ կին մնացել»,- երկուսուկէս տասնամեակ առաջ տեղի ունեցած դէպքերը «news.am»-ի թղթակցի հետ զրոյցում յիշել է տիկին Նելլին:
Թաղամասում Նելլիին բոլորը ճանաչում են, կային կանայք, որոնք Մարտունիից չէին հեռանում՝ օրինակ վերցնելով Նելլիից. «Մարդիկ ասում էին՝ եթէ Նելլին էստեղ է, մենք էլ ենք մնում»:
Մի առաւօտ Նելլիենց դուռը թակում են եւ փորձում ստիպել հեռանալ գիւղից, Նելլին կրկին հրաժարւում է:
«Իրենց ասացի՝ մինչեւ թուրքն իմ դուռը չհասնի, էստեղից գնացողը չեմ: Յաջորդ օրն իմացանք, որ քաղաքի մօտ հասած թուրքերին յետ է շպրտել մի երիտասարդ»,- ասում է տիկին Նելլին:
Տիկին Նելլին վստահ է՝ ադրբեջանցին ռիսկ չէր անի իրենց քաղաք մտնել. «Կողք-կողքի ապրել ենք եւ ես շատ լաւ գիտեմ, որ վախկոտ են»:
Քսաներկու տարի անց տիկին Նելլիի որդիները առաջին գծում են: Այսօր էլ տիկին Նելլին թոռների եւ հարսի հետ մնում է Մարտունիում եւ համոզւած է, որ ամէն ինչ շատ լաւ է լինելու:

Related items

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ