Հա

Ազգային

26/05/2016

Մարտական շքանշան ստացած առաջին հայ պատանին

«Սրբագրել մեր պատմութիւնը մենք այլեւս չենք կարող, բայց գոնէ դասեր առնել այն ամենից, ինչ եղաւ՝ ուղղակի պարտաւոր ենք»,- ասել է Հայաստանի Առաջին Հանրապետութեան ռազմական նախարար Ռուբէն Տէր-Մինասեանը, որի հետ իրօք հնարաւոր չէ չհամաձայնել: Պատմութիւնը մեզ է հասցրել առաջին մարտական շքանշան ստացած հայ պատանու անունը:

Ռ. Շ.


«Սրբագրել մեր պատմութիւնը մենք այլեւս չենք կարող, բայց գոնէ դասեր առնել այն ամենից, ինչ եղաւ՝ ուղղակի պարտաւոր ենք»,- ասել է Հայաստանի Առաջին Հանրապետութեան ռազմական նախարար Ռուբէն Տէր-Մինասեանը, որի հետ իրօք հնարաւոր չէ չհամաձայնել: Պատմութիւնը մեզ է հասցրել առաջին մարտական շքանշան ստացած հայ պատանու անունը: Նկարում 13-ամեայ հայ կամաւորական Նշան Սահակեանն է, որը 1914 թւականին Սարիղամիշի ճակատամարտում իր քաջութեան համար պարգեւատրւեց Գէորգիեւեան խաչ շքանշանով:
1914-ի դեկտեմբերի վերջին թուրքական զօրաբանակը անսպասելի կերպով անցնում է յարձակման, շրջանցում է Սարիղամիշն ու կտրում Սարիղամիշ-Կարս երկաթգիծը: Ռուսական հրամանատարութիւնը սկզբում չի կարողանում ճիշտ կողմնորոշւել, որից օգտւում են թուրքերը՝ դեկտեմբերի 26-ին մտնում են արդէն Սարիղամիշի արւարձանները, եւ քաղաքի մէջ կատաղի մարտեր են սկսւում: Սարիղամիշում մնացած ռուսական զօրախմբերը, հայ կամաւորական ջոկատներն ու տեղի հայ բնակչութեան աշխարհազօրը կարողանում են կազմակերպել քաղաքամէջի ու երկաթուղային կայարանի պաշտպանութիւնը: Միակ ռադիոհաղորդիչը վնասւում է թուրքական արկի պայթիւնից, եւ շրջափակման մէջ յայտնւած Սարիղամիշի պաշտպանների ու ռուսական առաջապահ զօրքերի միջեւ կապը կարողանում են ապահովել հայ կամաւորականները: Նրանցից ամենախիզախը 13-ամեայ Նշան Սահակեանն էր, ով անհաւանական կերպով մի քանի անգամ կարողացել էր անցնել ճակատային գիծը եւ նորից յետ վերադառնալ:
Սարիղամիշում թէժ մարտերը ընթանում էին հինգ օր, որից յետոյ ռուսական առաջապահ զօրքերը կարողանում են վերջապէս վերադասաւորւել, անցնել հակայարձակման ու վերացնել քաղաքի շրջափակումը: Սարիղամիշի պաշտպանութեան բազմաթիւ մասնակիցներ պարգեւատրւում են շքանշաններով, որոնց թւում էր նաեւ հայ պատանի հերոս Նշան Սահակեանը: Ներկայացւող լուսանկարը տպագրւած է եղել այն ժամանակւայ անգլիալեզու պարբերականներից մէկում, ամենայն հաւանականութեամբ՝ ամերիկեան «National Geographic» ամսագրում:

Համացանցային գրառում

Յարակից լուրեր

  • Հայաստանի Առաջին Հանրապետութեան երկրորդ խորհրդարանի բացումը
    Հայաստանի Առաջին Հանրապետութեան երկրորդ խորհրդարանի բացումը

    Նորընտիր խորհրդարանի հանդիսաւոր բացումը տեղի ունեցաւ Հայաստանի խորհրդարանի հրաւիրումից ուղիղ մէկ տարի անց՝ 1919 թ. օգոստոսի 1-ին: Խորհրդարանի նիստը բացեց նրա աւագագոյն անդամ Ասետիք Սահակեանը, քարտուղարն էր կրտսերագոյն անդամ Ենովք Միրաքեանը: Բացման օրը ներկայ էին 56 պատգամաւոր:

  • Հայաստանի Հանրապետութեան առաջին խորհրդարան
    Հայաստանի Հանրապետութեան առաջին խորհրդարան

    1918 թ. օգոստոսի մէկին (նոր տոմարով)` հինգշաբթի օրը, Երեւանում, բացւեց Հայաստանի Հանրապետութեան անդրանիկ գերագոյն օրէնսդրական ժողովի` Հայաստանի Խորհրդի առաջին նստաշրջանը:

    Քաղաքն ունէր սովորական տեսք: Ոչ մի զարդարանք փողոցներում: Բացի մի քանի պաշտօնական շէնքերից, ոչ մի դրօշակ: Խանութները բաց էին: Կառավարութիւնը ոչ մի միջոց ձեռք չէր առել եւ թողել էր, որ ազգաբնակութիւնն ինքը որոշի իր վերաբերմունքը, եւ ամէն ոք, ըստ սովորութեան, իր գործի հետեւից էր:

  • Գիլ Թրոյ. «Քաջազնունին մոռացւած է ոչ միայն դրսում, այլեւ Հայաստանում»
    Գիլ Թրոյ. «Քաջազնունին մոռացւած է ոչ միայն դրսում, այլեւ Հայաստանում»

    Ամերիկացի պատմաբան, Սիմոն Ռոքոուէր մրցանակի դափնեկիր, Գիլ Թրոյը վերջերս «Daily Beast» պարբերականում «Հայաստանի առաջին վարչապետի ողբերգութիւնը. չափազանց բորբոքւած եւ այժմ մոռացւած» յօդւած էր գրել Հայաստանի առաջին Հանրապետութեան վարչապետ Յովհաննէս Քաջազնունու մասին:

  • Առաջին Հանրապետութեան կին պատգամաւորները
    Առաջին Հանրապետութեան կին պատգամաւորները

    Նրանք առաջինն էին… 1918-ին, Եւրոպայի երկրների կէսից աւելիում կանայք ընտրական իրաւունքներ չունէին: Իսկ 1919-ին կայացած ընտրութիւններին հայոց Առաջին Հանրապետութեան խորհրդարան են ընտրւում երեք կին պատգամաւորներ: Ցաւօք, այսօր քչերը գիտեն նրանց անունները, է՛լ աւելի քիչ են յայտնի նրանց դժուարին, բայց բոլոր իմաստներով արժանավայել կենսագրութեան ժլատ փաստերը: Չեն պահպանուել նոյնիսկ նրանց բոլորի լուսանկարները: Ու այդ ամէնը խիստ անարդարացի է, քանզի նրանք իսկական առաջամարտիկներ ու անձնուէր հայրենասէրներ էին…

  • Արամ Մանուկեան (Սերգէյ Յովհաննիսեան, 1879-1919). Գաղափարի մարտիկը, ազգային ղեկավարը եւ Հայաստանի անկախութեան դաշնակցական կերտիչը
    Արամ Մանուկեան (Սերգէյ Յովհաննիսեան, 1879-1919). Գաղափարի մարտիկը, ազգային ղեկավարը եւ Հայաստանի անկախութեան դաշնակցական կերտիչը

    Թէեւ միայն քառասուն տարի ապրելու ճակատագիր մը վիճակուեցաւ անզուգական Արամին, բայց սկսելով Շուշիէն, անցնելով Կարսէն ու Վանէն եւ վերնականապէս հանգրուանելով Երեւան՝ հայ ազգային-ազատագրական շարժման Գաղափարի Մարտիկը, հայ ժողովուրդի մարտական վերածնունդին Ազգային Ղեկավարը եւ Հայաստանի Անկախութեան Դաշնակցական Կերտիչը հայոց սերունդներուն կտակեց յաւերժական ներշնչման արժանի վարք ու գործք Արութեան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։