Հա

Ազգային

31/05/2016

ՈՒՂԵՐՁ - Ն.Ս.Օ.Տ.Տ. Գարեգին Բ Ամենայն հայոց կաթողիկոսի շնորհաւորական ուղերձը Հանրապետութեան տօնի առիթով

Այսօր տօնախմբում ենք Հայաստանի Առաջին Հանրապետութեան հիմնադրումը, արդար հպարտութեամբ յիշելով մայիսեան հերոսամարտերը Սարդարապատում, Ղարաքիլիսայում ու Բաշ Ապարանում, երբ միաբանւած մեր ժողովուրդը կենաց ու մահու պայքարով դիմակայեց թուրքական բանակին եւ համազգային յաղթանակով ապահովեց հայրենի հողում ապրելու, իր երկիրը շէնացնելու աստւածաշնորհ իրաւունքը:

Մայր Աթոռ Սուրբ Էջմիածնից Հայրապետական Մեր օրհնութիւնն ու ջերմ շնորհաւորանքներն ենք բերում համայն մեր ժողովրդին Հանրապետութեան տօնի առիթով:
Այսօր տօնախմբում ենք Հայաստանի Առաջին Հանրապետութեան հիմնադրումը, արդար հպարտութեամբ յիշելով մայիսեան հերոսամարտերը Սարդարապատում, Ղարաքիլիսայում ու Բաշ Ապարանում, երբ միաբանւած մեր ժողովուրդը կենաց ու մահու պայքարով դիմակայեց թուրքական բանակին եւ համազգային յաղթանակով ապահովեց հայրենի հողում ապրելու, իր երկիրը շէնացնելու աստւածաշնորհ իրաւունքը: Տիրոջ առաջնորդութեամբ հայրենասիրութեան նոյն ջերմ զգացումով եւ անվեհեր ոգով այսօր մեր զաւակները պաշտպանում են Հայաստանի եւ Արցախի սահմանները՝ իրենց սխրանքներով յիշատակի արժանի նոր էջեր յաւելելով մեր պատմութեանը: Մեր հայրենիքի ազատութեան ու խաղաղութեան համար իրենց կեանքը զոհաբերած մեր հերոս զաւակների ու սերունդների առջեւ պարտք ունենք, եւ այն մեր երկրի հզօրացումն է, մեր ժողովրդի բարօրութիւնը, մեր պետականութեան ամրապնդումն ու ապահովութիւնը:
Հանրապետութեան տօնի այս նշանակալի օրը առ Աստւած աղօթքով Բարձրեալի հանապազ զօրակցութիւնն ենք հայցում հաւատաւոր մեր ժողովրդին՝ անկոտրում ոգով ու պատրաստակամ յանձնառութիւններով կերտելու մեր Հայրենիքի պայծառ, շէն ու բարօր ապագան: Թող Բարձրեալն Աստւած անխաթար խաղաղութիւն պարգեւի մեր երկրին եւ առատապէս օրհնի Քրիստոսասէր մեր ժողովրդին ի Հայաստան, Արցախ եւ ի Սփիւռս:

Տեղեկատւական համակարգ
Մայր Աթոռ Ս. Էջմիածին
Հայաստանեայց Առաքելական Ս. Եկեղեցի

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։