Հա

Ազգային

20/06/2016 - 10:20

ՊԱՏՄՈՒԹԵԱՆ ՀԵՏՔԵՐՈՎ - Հայ թագաւորական ընտանիքը՝ բացառիկ պատկերում

Ներկայացնենք 13-րդ դարի բացառիկ մի մանրանկար՝ Կիլիկիայի հայկական թագաւորութեան արքայ Լեւոն Գ-ն եւ Կեռան թագուհին՝ իրենց 3 որդիների եւ 2 դստրերի հետ: Մանրանկարում պատկերւած է թագաւորական ընտանիքը, որը երկնային օրհնութիւն է ստանում՝ 7 նուռերի տեսքով:
Այս բարձրարւեստ ու իր բնոյթով եզակի գործը՝ «Կեռան թագուհու աւետարան» հայկական ձեռագիր մատեանից է, որը պահւում է Երուսաղէմի Սուրբ Յակոբ վանքում:

Ներկայացնենք 13-րդ դարի բացառիկ մի մանրանկար՝ Կիլիկիայի հայկական թագաւորութեան արքայ Լեւոն Գ-ն եւ Կեռան թագուհին՝ իրենց 3 որդիների եւ 2 դստրերի հետ: Մանրանկարում պատկերւած է թագաւորական ընտանիքը, որը երկնային օրհնութիւն է ստանում՝ 7 նուռերի տեսքով:
Այս բարձրարւեստ ու իր բնոյթով եզակի գործը՝ «Կեռան թագուհու աւետարան» հայկական ձեռագիր մատեանից է, որը պահւում է Երուսաղէմի Սուրբ Յակոբ վանքում: Գրւել եւ պատկերազարդւել է 1272 թւականին Սիսում՝ Կիլիկիոյ Կեռան թագուհու պատւէրով: Ձեռագիր մատեանի գրիչն է՝ Աւետիսը, սակայն մանրանկարչի՝ այսինքն ներկայացւող այս գլուխգործոցի հեղինակի անունը վերջնականապէս ստուգաբանւած չէ, բայց որպէս հեղինակ՝ ընդունւած է նշել Թորոս Ռոսլինին:
Հետաքրքիր տեղեկութիւն, թէ ինչպէս է առաջացել հայոց թագուհու՝ Կեռան անունը: 1262 թւականին՝ իշխան, հետագայում թագաւոր Լեւոն Գ-ն կին է ընտրում իշխան Հեթումի դուստր Աննային: 1269-ին իշխանուհի Աննան դառնում է թագուհի եւ իրեն դրսեւորում որպէս բանիմաց, բարեացակամ եւ առատաձեռն անձնաւորութիւն: Պալատականներն ու ժողովուրդը մեծ սիրով ու յարգանքով են վերաբերւում Աննա թագուհուն: Կիլիկեան Հայաստանում ընդունւած է եղել օգտագործել յունարէնից փոխառնւած «կիրիա» բառը, որը նշանակում է «տիրուհի»: Այսպէս, ժողովրդի սիրուց ու յարգանքից ծնւեց «Կիրիա Աննա» (Տիրուհի Աննա) թագուհուն դիմելու ձեւը, որը ժամանակի ընթացքում դարձաւ կրճատ՝ Կեռան թագուհի:

ՌՈՒԲԷՆ ՇՈՒԽԵԱՆԻ ֆէյսբուքեան էջից

Յարակից լուրեր

  • Վենետիկի Սան Մարկօ հրապարակի սեան վրայ կանգնած առիւծը, հայոց վերջին թագաւորութեան՝ Կիլիկիայի առիւծն է
    Վենետիկի Սան Մարկօ հրապարակի սեան վրայ կանգնած առիւծը, հայոց վերջին թագաւորութեան՝ Կիլիկիայի առիւծն է

    Ֆէյսբուքեան օգտատէր Կարլէն Միասարեանը գրում է. «Քչերը գիտեն, որ Վենետիկի Սան Մարկօ հրապարակի սեան վրայ կանգնած առիւծը, որը դարեր շարունակ խորհրդանշում է Վենետիկը, իրականում հայոց վերջին թագաւորութեան՝ Կիլիկիայի առիւծն է, որն ի պահ էր տրւած Վենետիկին մեր արքայութեան կործանումից յետոյ:

  • Հայկական Երուսաղէմը
    Հայկական Երուսաղէմը

    Սուրբ Երկրում հայերի բնակեցման պատմութիւնը սկիզբ է առնում առաջին դարում: Մինչ այդ Երուսաղէմի հին քաղաքի հայկական թաղամասի տարածքում մենաստան էր, որտեղ միայն վանականներ էին ապրում: Սուրբ Երկրում բիւզանդական ճգնաւորութեան հիմնադիրներից մէկը համարւում է հայկական ծագում ունեցող Սուրբ Եւփիմիոսը:

  • Խաչվերաց - Տօն վերացման սրբոյ խաչին (Այդ առիթով նաեւ խորհրդածութիւններ խաչի մասին) (Շար. 1)
    Խաչվերաց - Տօն վերացման սրբոյ խաչին (Այդ առիթով նաեւ խորհրդածութիւններ խաչի մասին) (Շար. 1)

    Հայաստանեայց Եկեղեցին տարւան ընթացքին զանազան առիթներով կը նշէ Խաչին նւիրւած տօներ եւ այդ առիթով՝ իր հոգեթով ու խորիմաստ շարականներով, աղօթքներով եւ մաղթանքներով կոգեկոչէ Քրիստոսի խաչելութեան ընդմէջէն Փրկագործութեան խորհուրդը։ Այդ տօները առհասարակ առնչւած են Քրիստոսի խաչին վերաբերող պատմական եղելութեանց կամ դրւագի մը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։