Հա

Ազգային

01/08/2016

ԴԱՇՆԱԿՑԱԿԱՆ ՄԱՄՈՒԼ - «Հայրենիք»-ի խմբագրական - Սաւառնող արծիւը

Թարմ է եւ այդպէս ալ պիտի մնայ Լիսբոնեան սխրանքը:
Տարիները կը թաւալին, սակայն ոչ մէկ փոփոխութիւն, մոռացում կամ լուսանցք:
Ընդհակառակը, հետզհետէ աւելի կը խօսւի Լիսբոնի հինգ հերոսներուն մասին եւ կը շեշտւի անոնց կատարած պատմական արարքին մասին:
Ամէն մէկ դէպք եւ իրադարձութիւն եւ ահաւասիկ Լիսբոնի տղոց օրինակն է որ կը պատէ հայ հերոսին միտքն ու սլացքը:

Թարմ է եւ այդպէս ալ պիտի մնայ Լիսբոնեան սխրանքը:
Տարիները կը թաւալին, սակայն ոչ մէկ փոփոխութիւն, մոռացում կամ լուսանցք:
Ընդհակառակը, հետզհետէ աւելի կը խօսւի Լիսբոնի հինգ հերոսներուն մասին եւ կը շեշտւի անոնց կատարած պատմական արարքին մասին:
Ամէն մէկ դէպք եւ իրադարձութիւն եւ ահաւասիկ Լիսբոնի տղոց օրինակն է որ կը պատէ հայ հերոսին միտքն ու սլացքը:
Դեռ վերջերս, ապրիլեան քառօրեայ պատերազմին անոնց ուրւականը ներկայ էր Կովկասեան բարձրաւանդակին վրայ: Հոն...բարձրէն, երկնային անհասանելի բարձրութենէն կը սաւառնէր Լիսբոնեան արծիւը:
Ներշնչո՛ւմ, հաւա՛տք, կա՛մք, բերկրա՛նք… եւ դեռ աւելին հող, արմատ… հայրենիք:
Լիսբոնի հինգ հերոսները փոխանցած են վառ ու անմար ջահը: Այսօր այլ նորածին Լիսբոնեան արծիւներ կը սաւառնին հայրենի երկնակամարին վրայ:
Այդ Լիսբոնեան հաւատամքով թրծւած նոր հերոսները կը պաշտպանեն իրենց հայրենիքը, փաստելով թէ ամենադոյզն ոտնձգութիւն դատապարտւած է ձախողութեան մատնւելու:
Այսպէս, յուլիսի 27, 1983-ին Արցախէն եւ հայրենի սահմանամերձ գիւղերէն հեռու, երբ դեռ Կովկասեան բարձրաւանդակը Խորհրդային վարչակարգի տակ էր, Պորտուգալիայի մայրաքաղաքը ժամադրավայրն էր «գերագոյն զոհաբերութեան» քարի զետեղման:
…Եւ տարիներ ետք, Ազատ, Անկախ եւ Միացեալ Հայաստանի իրականացման պայքարին զինւորագրւած այդ հինգ հայորդիներու անդրդւելի քարը դարձած է վիթխարի կառոյց:
Հայ զինւորը Լիսբոնեան ներշնչումով մինչեւ վերջին փամփուշտ պիտի պայքարի, լռեցնելու համար ադրբեջանական ամենօրեայ յարձակումներն ու անոնց ետին կանգնող թուրք ղեկավարութեան գործակատարները:
Սիմոններու, Վաչէներու, Արաներու, Սարգիսներու եւ Սեդրակներու պոռթկումն ու ցասումը, անոնց կերտած արդարութեան ձայնն ու անմահութիւնը նւաճելու գաղափարախօսութիւնը, շարունակւեցաւ եւ դեռ ալ պիտի շարունակւի:
Այդ հինգ հերոսները, որոշած էին այդ արարքով ցոյց տալ թէ միեւնոյն ժամանակ որքա՜ն սուրբ եւ լուսաւոր է հայ ժողովուրդի եւ Հայաստանի ազատագրութեան պայքարին ծառայելու ճամբան, որուն համար անոնք լաւապէս ընբռնած էին գաղափարական ուխտը՝ յաչս գերագոյն զոհաբերութեան:
Լիսբոնի «խենթեր»-ը իրենց հերոսական խոյանքով, միակամ հայութեան եւ հայրենիքի ամբողջականութեան խորհրդանիշերը դարձած են:
Դեռ պիտի սորվինք «Լիսբոնի հինգ»-ի դպրոցէն եւ անոնց դասագիրքէն:
Անոնք կանգուն ու ներկայ են, ամէն մէկ սահմանամերձ զինւորի հոգիէն ներս:
Այսպէս, անսակարկ պահանջատիրութեամբ եւ յարատեւ պայքարելի եւ հայրենի հողը պաշտպանելու մտայղացումով, հայորդին կը զմայլի սաւառնող Լիսբոնեան արծիւով, որ պոռթկում, ցասում եւ հայեցի շունչ ու գաղափարական թռիչք կը ներարկէ:
Անոնք կը մնան անդրդւելի, անգերազանցելի, եւ անմոռանալի:

Յուլիսի 25, 2016
«hairenikweekly.com»

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։